(កំពង់ចាម) ឯកឧត្តម អ៊ុន ចាន់ដា អភិបាល ខេត្តកំពង់ចាម នាព្រឹកថ្ងៃទី ២២ ខែមិថុនា ឆ្នាំ២០២៦ បានដាក់ចេញគោលការណ៍ណែនាំ ៤ ចំណុច ដល់អភិបាលក្រុង-ស្រុក កងកម្លាំងប្រដាប់អាវុធ អាជ្ញាធរពាក់ព័ន្ធ ដើម្បីរួមគ្នាកំចាត់ និងទប់ស្កាត់មិនឲ្យមានក្រុមឧក្រិដ្ឋជនឆបោកអនឡាញ online scam ដែលក្រុមពួកនេះបានធ្វើឲ្យប៉ះពាល់ដល់សេដ្ឋកិច្ចជាតិ ព្រមទាំង បំផ្លិចបំផ្លាញកិត្តិយស សេចក្តីថ្លៃថ្នូររបស់ប្រទេសកម្ពុជា។
ខេត្តតាកែវ៖ នាព្រឹកថ្ងៃទី៧ ខែសីហា ឆ្នាំ២០២៦ លោក កង អាណាន់ អភិបាល នៃគណៈអភិបាលស្រុកអង្គរបូរី និងជាប្រធានគណៈបញ្ជាការឯកភាពរដ្ឋបាលស្រុក បានដឹកនាំកម្លាំងសមត្ថកិច្ច និងក្រុមការងារចុះប្រតិបត្តិការបង្ក្រាបបទល្មើសនេសាទយ៉ាងសកម្ម ក្នុងរដូវត្រីពង និងត្រីធម្មជាតិ ដើម្បីការពារ និងអភិរក្សធនធានជលផលនៅក្នុងមូលដ្ឋាន។
តាកែវ៖ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានណែនាំយ៉ាងម៉ឺងម៉ាត់ដល់អភិបាលក្រុង-ស្រុក ឱ្យចុះតាមដាន និងពិនិត្យមើលឱ្យបានច្បាស់លាស់ ចំពោះទីតាំងសណ្ឋាគារ ផ្ទះសំណាក់ និងអាហារដ្ឋាននានា ជៀសវាងការឆ្លៀតឱកាសតម្លើងថ្លៃក្នុងកំឡុងពេលប្រឡងសញ្ញាបត្រមធ្យមសិក្សាទុទិយភូមិ (បាក់ឌុប) សម័យប្រឡងថ្ងៃទី១០-១១ ខែសីហា ឆ្នាំ២០២៦ ខាងមុខនេះ។ ឯកឧត្តមបានសង្កត់ធ្ងន់ថា ប្រសិនបើប្រទះឃើញមានករណីតម្លើងថ្លៃ ត្រូវចាត់វិធានការបិទអាជីវកម្មភ្លាមៗ ដោយគ្មានការយោគយល់ឡើយ។
តាកែវ៖ នៅក្នុងប្រទេសដែលប្រកាន់យកនីតិរដ្ឋ ការដែលបុគ្គលម្នាក់មានឈ្មោះ ឬអត្តសញ្ញាណច្រើនផ្សេងៗគ្នា គឺជាបញ្ហាប្រឈមដ៏ធ្ងន់ធ្ងរ ដែលអាចជះឥទ្ធិពលអវិជ្ជមានដោយផ្ទាល់ដល់វិស័យសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។ ហេតុនេះ ការដោះស្រាយ និងកែតម្រូវទិន្នន័យបញ្ជីអត្រានុកូលដ្ឋានជូនប្រជាពលរដ្ឋឱ្យបានត្រឹមត្រូវ និងឆាប់រហ័ស គឺជាកិច្ចការចាំបាច់បំផុតដែលមិនអាចមើលរំលងបានឡើយ។
លោក អ៊ុំ ចំរើន អភិបាលនៃគណៈអភិបាល ស្រុកទ្រាំង បានអញ្ជើញដឹកនាំកម្លាំងអាជ្ញាធរមូលដ្ឋាន និងកងកម្លាំងប្រដាប់អាវុធ ចុះរៀបចំសណ្តាប់ធ្នាប់សាធារណៈនៅទីតាំង ផ្សារល្វេ និង ផ្សារកំពង់ជ្រៃ ។
