បាត់ដំបង៖ សាខាបេឡាជាតិសន្តិសុខសង្គម ខេត្តបាត់ដំបង នាព្រឹកថ្ងៃទី០៦ ខែវិច្ឆិកា ឆ្នាំ២០២៦ បានបើកកម្មវិធីផ្សព្វផ្សាយ ស្តីពីគោលការណ៍ បទប្បញ្ញត្តិច្បាប់ អត្ថប្រយោជន៍របបសន្តិសុខសង្គម និងនីតិវិធីនៃការដោះស្រាយវិវាទការងារ ត្រូវបានរៀបចំឡើង នៅសាលប្រជុំសាខាបេឡាជាតិសន្តិសុខសង្គម ខេត្តបាត់ដំបង ដោយមានការអញ្ជើញចូលរួមពីលោក តែម ទិត្យ ប្រធានសាខាបេឡាជាតិសន្តិសុខសង្គម ខេត្តបាត់ដំបង តំណាងឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ លោក លោកស្រី អនុប្រធានសាខា ប្រធានការិយាល័យនៃសាខា ប.ស.ស ខេត្តបាត់ដំបង និងលោក លោកស្រី មកពីបណ្តាគ្រឹះស្ថានមីក្រូហិរញ្ញវត្ថុ ក្នុងខេត្តជាច្រើនរូបទៀត។

បាត់ដំបង៖ មន្ទីរផែនការខេត្តបាត់ដំបង នាព្រឹកថ្ងៃទី០៣ ខែវិច្ឆិកា ឆ្នាំ២០២៦ បានបើកសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល (២០២៧-២០២៩) ក្រុង សង្កាត់ នៅថ្នាក់ក្រុង សម្រាប់ឆ្នាំ២០២៦ ដែលរៀបចំឡើង នៅសាលប្រជុំសាលាក្រុងបាត់ដំបង ដោយមានការអញ្ជើញចូលរួមពី លោក ធុច រ៉ា ប្រធានក្រុមប្រឹក្សាក្រុងបាត់ដំបង លោក ធុច វណ្ណារ៉ាត់ អភិបាលរងក្រុងបាត់ដំបង លោក សុខ រិត អនុប្រធានមន្ទីរផែនការខេត្តបាត់ដំបង និងមានការចូលរួមពី លោក លោកស្រី ប្រធានអនុប្រធាន ឬតំណាងមន្ទីរអង្គភាពជុំវិញខេត្ត លោក ចៅសង្កាត់ និងសហការី ព្រមទាំងតំណាងអង្គការដៃគូរអភិវឌ្ឍន៍ ជាច្រើនរូបទៀត។

បាត់ដំបង៖ បេឡាជាតិសន្តិសុខសង្គម (ប.ស.ស) សាខាខេត្តបាត់ដំបង បានបើកសិក្ខាសាលាផ្សព្វផ្សាយ ស្តីពីការអនុវត្តរបបសន្ដិសុខសង្គមផ្នែកហានិភ័យការងារ និងផ្នែកថែទាំសុខភាព សម្រាប់មន្រ្តីសាធារណៈ ជូនដល់ថ្នាក់ដឹកនាំ និងមន្រ្តីរាជការក្រោមឱវាទរដ្ឋបាលខេត្តបាត់ដំបង ដែលប្រព្រឹត្តិទៅនាព្រឹកថ្ងៃទី០២ ខែវិច្ឆិកា ឆ្នាំ២០២៦ នៅសាលប្រជុំ ប.ស.ស. សាខាខេត្តបាត់ដំបង ដោយមានការអញ្ជើញចូលរួមពី ឯកឧត្តមបណ្ឌិត ហេង សុផាន់ណារិទ្ធ អគ្គនាយករងបេឡាជាតិសន្ដិសុខសង្គម តំណាង ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម ឯកឧត្តម អេ សារុម សមាជិកក្រុមប្រឹក្សាខេត្តបាត់ដំបង និងលោក ទីន សារ៉ាវុធ អភិបាលរងខេត្តបាត់ដំបង។

បាត់ដំបង៖ សិស្សានុសិស្សក្លឹបសិក្សាកម្មវិធី “មនសិការពលរដ្ឋល្អ” វិទ្យាល័យព្រះមុន្នីវង្ស បានធ្វើទស្សនកិច្ចសិក្សា នៅស្ថានីយប្រព្រឹត្តកម្មទឹកកង្វក់ខាងលិចស្ទឹង ស្ថិតនៅក្នុងស្រុកឯកភ្នំ ខេត្តបាត់ដំបង ដែលប្រព្រឹត្តិនារសៀលថ្ងៃទី២៧ ខែតុលា ឆ្នាំ២០២៦ ដោយការអញ្ជើញចូលរួមពី លោកស្រី កឹម សុគន្ធារី អនុប្រធានមន្ទីរសាធារណៈការ និងដឹកជញ្ជូនខេត្តបាត់ដំបង និងមន្រ្តីជំនាញ។

បាត់ដំបង៖ លោក ធូ ភា អភិបាលរងខេត្តបាត់ដំបង នាព្រឹកថ្ងៃទី២០ ខែតុលា ឆ្នាំ២០២៦ បានដឹកនាំកិច្ចប្រជុំចម្រុះលើកទី២ ស្ដីពីកិច្ចសហការ និងវិធានការការពារសន្តិសុខ សុវត្ថិភាព និងសណ្ដាប់ធ្នាប់ សម្រាប់ការពិនិត្យបញ្ជីឈ្មោះ និងការចុះបោះឆ្នោតឆ្នាំ២០២៦ នៅសាលប្រជុំលេខាធិការដ្ឋានរៀបចំការបោះឆ្នោតខេត្តបាត់ដំបង ដោយមានការចូលរួមពីលោក សុខ ហ៊ីង ប្រធានលេខាធិការដ្ឋានរៀបចំការបោះឆ្នោតខេត្តបាត់ដំបង លោក លោកស្រី តំណាងយោធភូមិភាគទី៥ ស្នងការនគរបាលខេត្ត កងរាជអាវុធហត្ថខេត្ត តំបន់ប្រតិបត្តិការសឹករងខេត្ត តំណាង មន្ទីរអង្គភាពជុំវិញខេត្ត អភិបាលរងក្រុង ស្រុក និងតំណាងគណបក្សនយោបាយ សមាគម អង្គការមិនមែនរដ្ឋាភិបាល ព្រមទាំងមន្រ្តីរៀបចំការបោះឆ្នោតជាច្រើនរូបទៀត។

បាត់ដំបង៖ ដើម្បីឆ្លើយតបទៅនឹងតម្រូវការប្រើប្រាស់ទឹកស្អាត និងលើកកម្ពស់សុខុមាលភាពរស់នៅរបស់ប្រជាពលរដ្ឋឱ្យកាន់តែប្រសើរឡើង ឯកឧត្តម អ៊ុត ក្លឹង អគ្គនាយករដ្ឋាករទឹកបាត់ដំបង រួមជាមួយមន្ត្រីជំនាញបច្ចេកទេសផ្នែកបណ្តាញ និងផ្គត់ផ្គង់ទឹកស្អាត បានចុះពិនិត្យ និងសិក្សាទីតាំងជាក់ស្តែង សម្រាប់រៀបចំគម្រោងតម្លើងបំពង់មេបញ្ជូនទឹកស្អាត ដើម្បីតភ្ជាប់ និងលក់ដុំទឹកស្អាតជូនប្រតិបត្តិករទឹកស្អាតឯកជន នៅថ្ងៃទី១៩ ខែតុលា ឆ្នាំ២០២៦។