តាកែវ៖ បន្ទាប់ពីការប្រមូលផលស្រូវរដូវវស្សាបានបញ្ចប់ កសិករភាគច្រើនតែងតែទុកដីស្រែចោលឱ្យទំនេររង់ចាំរដូវវស្សាឆ្នាំក្រោយមកដល់ ឬអ្នកខ្លះសម្រេចចិត្តធ្វើចំណាកស្រុកដើម្បីស្វែងរកការងារធ្វើ។ ប៉ុន្តែសម្រាប់ លោកពូ ទួន សុផាត ដែលជាកសិកររស់នៅក្នុងភូមិត្រពាំងអង្គ សង្កាត់រកាក្រៅ ក្រុងដូនកែវ ខេត្តតាកែវ បែរជាប្រែក្លាយដីស្រែទាំងនោះ ទៅជាចម្ការត្រសក់ទ្រើងពណ៌បៃតងស្រងាត់ ដែលកំពុងហុចផលជាប្រាក់ចំណូលចូលហោប៉ៅជារៀងរាល់ថ្ងៃ។

តាកែវ៖ សម្រាប់ប្អូនៗសិស្សានុសិស្សថ្នាក់ទី១២ ដែលកំពុងត្រៀមខ្លួនប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នាពេលខាងមុខនេះ សំណួរដ៏ធំមួយដែលតែងតែចោទសួរនៅក្នុងចិត្តនោះគឺ៖ «តើគួររៀនអ្វីបន្តបន្ទាប់ពីប្រឡងបាក់ឌុបចប់ ដើម្បីឱ្យមានការងារធ្វើពិតប្រាកដ និងអាចចិញ្ចឹមជីវិតបានល្អប្រសើរ?» ប្រសិនបើប្អូនៗកំពុងស្វែងរកចម្លើយ ឱកាសមាសដ៏ធំធេងកំពុងរង់ចាំប្អូនៗនៅ វិទ្យាស្ថានពហុបច្ចេកទេសភូមិភាគតេជោសែនតាកែវ ដែលជាគ្រឹះស្ថានបណ្តុះបណ្តាលបច្គេកទេស និងវិជ្ជាជីវៈ (TVET) របស់រដ្ឋ ស្ថិតក្រោមឱវាទក្រសួងការងារ និងបណ្តុះបណ្តាលវិជ្ជាជីវៈ។

បទយកការណ៍៖ TVET ថ្នាលបណ្តុះបណ្តាលយុវជន «យុវជនម្នាក់ ត្រូវមានជំនាញច្បាស់លាស់មួយសម្រាប់ខ្លួនឯង» ដើម្បីអនាគតរុងរឿង និងចាកចេញពីភាពក្រីក្រ តាកែវ៖ ការជ្រើសរើសវិថីអប់រំ និងការបណ្តុះបណ្តាលបច្ចេកទេស និងវិជ្ជាជីវៈ (TVET) កំពុងក្លាយជាជម្រើសយុទ្ធសាស្ត្រដ៏មានប្រជាប្រិយភាព និងមានតម្លៃបំផុតសម្រាប់យុវជនកម្ពុជា ជាពិសេសសិស្សានុសិស្សដែលត្រៀមនឹងបញ្ចប់ការសិក្សាថ្នាក់ទី១២ ឬក៏យុវជនដែលបោះបង់ចោលការសិក្សា។ នៅក្នុងបរិការណ៍ដែលទីផ្សារការងារកំពុងត្រូវការកម្លាំងពលកម្មជំនាញយ៉ាងខ្លាំងក្លា ទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ លើកទី៩ ត្រូវបានប្រារព្ធឡើងក្រោមប្រធានបទយ៉ាងមានអត្ថន័យថា “TVET ផ្ដល់ជំនាញ ការងារ និងប្រាក់ចំណូល”។ នេះមិនត្រឹមតែជាព្រឹត្តិការណ៍អបអរសាទរប៉ុណ្ណោះទេ ប៉ុន្តែជាការបើកទ្វារចំហនៃឱកាសមាសសម្រាប់យុវជនក្នុងការកសាងអនាគត។