ខេត្តតាកែវ ជាខេត្តគោលដៅទី១៧ នៃវេទិកា «ពិភាក្សាជាមួយយុវជន» ដែលរៀបចំឡើងក្រោមការចង្អុលបង្ហាញដ៏ខ្ពង់ខ្ពស់ដោយផ្ទាល់ពី សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល ដើម្បីឈ្វេងយល់ និងក្តាប់សតិអារម្មណ៍របស់យុវជន តាមរយៈការលើកឡើងជាសំណូមពរ មតិយោបល់ និងក្តីចម្ងល់នានា ដោយសេរី ក្នុងនាមមហាគ្រួសារគណបក្សប្រជាជនកម្ពុជា
តាកែវ៖ លោក គិន ភក្តី អភិបាលស្រុកព្រៃកប្បាស បានអញ្ជើញចុះពិនិត្យនូវដំណើរការផ្តល់ និងបន្តសុពលភាពអត្តសញ្ញាណប័ណ្ណសញ្ជាតិខ្មែរ ជូនដល់បងប្អូនប្រជាពលរដ្ឋ ស្ថិតក្នុងឃុំអង្កាញ់ ស្រុកព្រៃកប្បាស នាព្រឹកថ្ងៃចន្ទ ទី០៣ ខែសីហា ឆ្នាំ២០២៦ នេះ ។
តាកែវ៖ ឯកឧត្តមបណ្ឌិត ជា វ៉ាន់ដេត សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តតាកែវ បានជំរុញដល់ថ្នាក់ដឹកនាំ សមាជិក សមាជិកាគណបក្សប្រជាជនកម្ពុជាខេត្តតាកែវទាំងអស់ ត្រូវបង្កើនសកម្មភាពផ្សព្វផ្សាយអំពីសមិទ្ធផលដែលគណបក្សសម្រេចបានទៅកាន់ប្រជាពលរដ្ឋ សំដៅពង្រីកភាពឈ្នះ ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៦ ឆ្នាំ២០២៧ខាងមុខនេះ។
តាកែវ៖ លោក ហែម ឬទ្ធី អភិបាលរង នៃគណៈអភិបាលខេត្តតាកែវ ថ្មីៗនេះ បានអញ្ជើញចុះពិនិត្យ យុទ្ធនាការផ្តល់ និងបន្តសុពលភាពអត្តសញ្ញាណប័ណ្ណសញ្ជាតិខ្មែរ ដែលបានដាក់ឱ្យមូលដ្ឋានរៀបចំធ្វើជូនប្រជាពលរដ្ឋដែលផុតសុពលភាព ប្រជាពលរដ្ឋគ្រប់អាយុត្រូវធ្វើថ្មី និងការដោះស្រាយរាល់ឯកសារមិនទាន់សមស្រប នៅប៉ុស្តិ៍នគរបាលរដ្ឋបាលលាយបូរ ស្ថិតក្នុងឃុំលាយបូរ ស្រុកត្រាំកក់ ខេត្តតាកែវ។
តាកែវ៖ នៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុង «ពិធីប្រគល់សញ្ញាបត្រដល់សិស្ស និងនិស្សិត នៃវិទ្យាស្ថានពហុបច្ចេកទេសភូមិភាគតេជោសែនតាកែវ» នាព្រឹកថ្ងៃសៅរ៍ ទី០១ ខែសីហា ឆ្នាំ២០២៦ នេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានចាត់ទុកការអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) ថា ជាស្ពានចម្លងដ៏រឹងមាំសម្រាប់យុវជនឆ្ពោះទៅកាន់គោលដៅ និងក្តីស្រមៃរបស់ពួកគេ ហើយ TVET គឺជាវិថីនៃការចាប់យកជំនាញដ៏ពិតប្រាកដសម្រាប់ជីវិត។
