មេបញ្ជាការកងរាជអាវុធហត្ថខេត្តតាកែវ ដឹកនាំកម្លាំងចុះសាកសួរសុខទុក្ខ និងឧបត្ថម្ភថវិកាដល់គ្រួសារវីរកងទ័ពឈរជើងនៅសមរភូមិមុខ
តាកែវ៖ នារសៀលថ្ងៃទី២៩ ខែមិថុនា ឆ្នាំ២០២៦ លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ បានដឹកនាំលោកមេបញ្ជាការរង លោកនាយសេនាធិការរង លោកប្រធានមន្ទីរទាំង៧ លោក-លោកស្រីនាយការិយាល័យ ក្រុមការងារយេនឌ័រ រួមជាមួយកម្លាំងមូលដ្ឋានកងរាជអាវុធហត្ថស្រុកកោះអណ្ដែត អញ្ជើញចុះសាកសួរសុខទុក្ខភរិយារបស់លោកព្រិន្ទបាលឯក ស៊ឹម បូរ៉ា ដែលជាវីរកងរាជអាវុធហត្ថកំពុងឈរជើងបំពេញភារកិច្ចនៅសមរភូមិមុខ។ បច្ចុប្បន្ន ភរិយារបស់លោកព្រិន្ទបាលឯក ស៊ឹម បូរ៉ា មានបញ្ហាសុខភាព ហើយកំពុងសម្រាកថែទាំខ្លួននៅគេហដ្ឋាន ស្ថិតក្នុងភូមិប្រឡាយមាស ឃុំរមេញ ស្រុកកោះអណ្ដែត ខេត្តតាកែវ។
