ស្រ្តីជាប់ឃុំ ៤០នាក់ ទទួលការបណ្តុះបណ្តាលជំនាញកាត់ដេរ ពីមន្ទីរកិច្ចការនារីខេត្តតាកែវ ដើម្បីកសាងអនាគតថ្មី

តាកែវ៖ នៅក្នុងកិច្ចខិតខំប្រឹងប្រែងលើកកម្ពស់សមត្ថភាព និងត្រៀមលក្ខណៈសម្បត្តិសម្រាប់ការរស់នៅឡើងវិញក្នុងសង្គម វគ្គបណ្តុះបណ្តាលជំនាញវិជ្ជាជីវៈកាត់ដេរ ត្រូវបានរៀបចំឡើងជូនដល់ជនជាប់ឃុំជាស្ត្រីចំនួន ៤០នាក់ នៅក្នុងពន្ធនាគារខេត្តតាកែវ។ ពិធីបើកវគ្គបណ្តុះបណ្តាលនេះ បានប្រព្រឹត្តទៅនៅព្រឹកថ្ងៃពុធ ទី១៥ ខែកក្កដា ឆ្នាំ២០២៦ ក្រោមអធិបតីភាព លោកឧត្តមអគ្គានុរក្សថ្នាក់លេខ ២ គង់ ស៊ីថា ប្រធានពន្ធនាគារខេត្តតាកែវ និងលោកស្រី ម៉ន រតនា ប្រធានមន្ទីរកិច្ចការនារីខេត្តតាកែវ ដោយមានការអញ្ជើញចូលរួមពីមន្ត្រីពាក់ព័ន្ធ សរុបចំនួន ៦០នាក់ (ស្រី ៥០នាក់)។