អភិបាលស្រុកគិរីវង់ ចុះពិនិត្យការជួសជុលផ្លូវបេតុង ប្រព័ន្ធលូ និងការងារអនាម័យបរិស្ថាន នៅឃុំព្រះបាទជាន់ជុំ ដើម្បីលើកកម្ពស់សោភ័ណភាព និងជីវភាពប្រជាពលរដ្ឋ
តាកែវ៖ ដើម្បីបន្តតាមដានវឌ្ឍនភាពនៃការអភិវឌ្ឍហេដ្ឋារចនាសម្ព័ន្ធមូលដ្ឋាន និងលើកកម្ពស់សុខុមាលភាពរស់នៅរបស់ប្រជាពលរដ្ឋ នៅព្រឹកថ្ងៃទី២១ ខែកក្កដា ឆ្នាំ២០២៦ នេះ លោក ងួន ឌីណា អភិបាលស្រុកគិរីវង់ រួមដំណើរជាមួយសមាជិកក្រុមប្រឹក្សាស្រុក និងក្រុមការងារបច្ចេកទេសពាក់ព័ន្ធ បានអញ្ជើញចុះពិនិត្យបច្ចុប្បន្នភាពនៃការជួសជុលផ្លូវបេតុង ការរៀបចំប្រព័ន្ធលូបង្ហូរទឹក ព្រមទាំងការគ្រប់គ្រងអនាម័យ និងបរិស្ថាន ស្ថិតនៅក្នុងឃុំព្រះបាទជាន់ជុំ ស្រុកគិរីវង់ ខេត្តតាកែវ។
