ថ្នាក់ដឹកនាំស្រុកកោះអណ្តែត អញ្ជើញចូលរួមរំលែកទុក្ខដ៏ក្រៀមក្រំជាមួយគ្រួសារលោកស្រី អ៊ាង រដ្ឋា សមាជិកក្រុមប្រឹក្សាស្រុក
តាកែវ៖ ដើម្បីបង្ហាញនូវមនោសញ្ចេតនាស្និទ្ធស្នាល និងជាការចូលរួមសម្តែងនូវការសោកស្តាយប្រកបដោយក្តីក្តុកក្តួល នាថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ នេះ លោក នាង ស៊ន ប្រធានក្រុមប្រឹក្សាស្រុកកោះអណ្តែត និងលោក ភួន ឈីម អភិបាល នៃគណៈអភិបាលស្រុកកោះអណ្តែត ព្រមទាំងសហការី បានអញ្ជើញចុះទៅកាន់គេហដ្ឋានសព ស្ថិតនៅភូមិគ ឃុំព្រៃខ្លា ស្រុកកោះអណ្ដែត ខេត្តតាកែវ ដើម្បីចូលរួមរំលែកទុក្ខផ្ទាល់ជាមួយគ្រួសារលោកស្រី អ៊ាង រដ្ឋា សមាជិកក្រុមប្រឹក្សាស្រុកកោះអណ្តែត ចំពោះមរណភាពរបស់ម្តាយបង្កើតលោកស្រី ដែលបានទទួលមរណភាពដោយរោគាពាធ។
