ប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ជំរុញអាជ្ញាធរផ្សព្វផ្សាយឱ្យប្រជាពលរដ្ឋមកធ្វើអត្តសញ្ញាណប័ណ្ណសញ្ជាតិខ្មែរ ឱ្យបានគ្រប់គ្នា ដើម្បីធានាសិទ្ធិស្របច្បាប់ និងងាយស្រួលក្នុងការទទួលសេវាសាធារណៈ
ក្រចេះ៖ ប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ បានជំរុញដល់អាជ្ញាធរដែនដីគ្រប់លំដាប់ថ្នាក់ បន្តពង្រឹង និងពង្រីកការផ្សព្វផ្សាយឱ្យកាន់តែទូលំទូលាយ ដើម្បីលើកទឹកចិត្តប្រជាពលរដ្ឋដែលគ្រប់អាយុត្រូវធ្វើអត្តសញ្ញាណប័ណ្ណសញ្ជាតិខ្មែរ ព្រមទាំងអ្នកដែលអត្តសញ្ញាណប័ណ្ណផុតសុពលភាព បាត់បង់ ឬខូចខាត អញ្ជើញមកបំពេញបែបបទធ្វើថ្មី ឬបន្តសុពលភាពឱ្យបានគ្រប់ៗគ្នា ស្របតាមបទប្បញ្ញត្តិច្បាប់ជាធរមាន។
