អភិបាលខេត្តតាកែវ បញ្ជាឱ្យបិទអាជីវកម្មសណ្ឋាគារ ផ្ទះសំណាក់ និងអាហារដ្ឋានណា ដែលឆ្លៀតឱកាសតម្លើងថ្លៃក្នុងសម័យប្រឡងបាក់ឌុប
តាកែវ៖ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានណែនាំយ៉ាងម៉ឺងម៉ាត់ដល់អភិបាលក្រុង-ស្រុក ឱ្យចុះតាមដាន និងពិនិត្យមើលឱ្យបានច្បាស់លាស់ ចំពោះទីតាំងសណ្ឋាគារ ផ្ទះសំណាក់ និងអាហារដ្ឋាននានា ជៀសវាងការឆ្លៀតឱកាសតម្លើងថ្លៃក្នុងកំឡុងពេលប្រឡងសញ្ញាបត្រមធ្យមសិក្សាទុទិយភូមិ (បាក់ឌុប) សម័យប្រឡងថ្ងៃទី១០-១១ ខែសីហា ឆ្នាំ២០២៦ ខាងមុខនេះ។ ឯកឧត្តមបានសង្កត់ធ្ងន់ថា ប្រសិនបើប្រទះឃើញមានករណីតម្លើងថ្លៃ ត្រូវចាត់វិធានការបិទអាជីវកម្មភ្លាមៗ ដោយគ្មានការយោគយល់ឡើយ។
