អភិបាលខេត្តតាកែវ ក្រើនរំឭកបេក្ខជនប្រឡងបាក់ឌុបឱ្យប្រឹងប្រែងអស់ពីសមត្ថភាព និងគោរពវិន័យឱ្យបានខ្ជាប់ខ្ជួន ក្រោមគោលការណ៍ «អ្នកចេះគឺជាប់»
តាកែវ៖ នៅក្នុងឱកាសអញ្ជើញជាអធិបតីកាត់ស្រោមវិញ្ញាសាប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅមណ្ឌលប្រឡងវិទ្យាល័យសម្តេចអគ្គមហាសេនាបតីតេជោ ហ៊ុន សែន អង្គតាសោម នាព្រឹកថ្ងៃទី១០ ខែសីហា ឆ្នាំ២០២៦ នេះ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានណែនាំ និងផ្តល់កម្លាំងចិត្តដល់បេក្ខជនប្រឡងទាំងអស់ ត្រូវខិតខំប្រឹងប្រែងប្រឡងឱ្យអស់ពីសមត្ថភាព គោរពវិន័យឱ្យបានត្រឹមត្រូវ និងត្រូវមានទំនុកចិត្តលើសមត្ថភាពរបស់ខ្លួនឯង។
