សេចក្តីជូនដំណឹង ស្តីពី ការបម្រើសេវាដឹកជញ្ជូនសាធារណៈរថយន្តក្រុង ដោយមិនគិតថ្លៃរយៈពេល ០៥ថ្ងៃ ចាប់ពីថ្ងៃទី៩ ដល់ថ្ងៃទី១៣ ខែតុលា ឆ្នាំ២០២៦ក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៧០ តាមពេលវេលាកំណត់ក្នុងតារាងខាងក្រោមៈ
អនុស្សរណៈនៃការយោគយល់គ្នា ស្តីពីការអនុវត្តគម្រោងសាងសង់ «សាលាមិត្តភាពកម្ពុជា-វៀតណាម» ជាជំនួយរបស់រដ្ឋាភិបាល និងប្រជាជនវៀតណាម ត្រូវបានចុះហត្ថលេខា នៅទីក្រុងហូជីមិញ នាថ្ងៃទី៥ ខែតុលា ឆ្នាំ២០២៦ នៅទីក្រុងហូជីមិញ ក្រោមអធិបតីភាព ឯកឧត្តមឧត្តមសេនីយ៍ត្រី វ៉ូ វ៉ាន់ឌៀន មេបញ្ជាការយោធាទីក្រុងហូជីមិញ តំណាងឱ្យរដ្ឋាភិបាលវៀតណាម និងឯកឧត្តម ឃួង ស្រេង អភិបាលរាជធានីភ្នំពេញ តំណាងឱ្យរាជរដ្ឋាភិបាលកម្ពុជា។
តាកែវ៖ នាព្រឹកថ្ងៃទី០៥ ខែតុលា ឆ្នាំ២០២៦ រដ្ឋបាលក្រុងដូនកែវ សហការជាមួយការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្តតាកែវ បានទទួលស្វាគមន៍យ៉ាងកក់ក្តៅចំពោះដំណើរបំពេញបេសកកម្មអធិការកិច្ច និងទស្សនកិច្ចរបស់ លោកស្រី STEFANIA DINA នាយិកាផ្នែកកសិកម្ម ចំណីអាហារ ធនធានធម្មជាតិ និងអភិវឌ្ឍន៍ជនបទ (AFNR) នៃធនាគារអភិវឌ្ឍន៍អាស៊ី (ADB) ព្រមទាំងគណៈប្រតិភូអមដំណើរ នៅសាលប្រជុំរដ្ឋបាលក្រុងដូនកែវ។
(ខេត្តតាកែវ)៖ លោក យង់ សុវឌ្ឍនា អភិបាលរងខេត្តតាកែវ និងជាប្រធានអនុគណៈកម្មការបច្ចេកទេសរៀបចំការប្រណាំងទូក នៅព្រឹកថ្ងៃចន្ទ ទី០៥ ខែតុលា ឆ្នាំ២០២៦ នេះ បានអញ្ជើញដឹកនាំកិច្ចប្រជុំ ដើម្បីត្រៀមរៀបចំពិធីប្រណាំងទូកនៅក្រុងដូនកែវ ដែលគ្រោងរៀបចំប្រព្រឹត្តទៅរយៈពេល ២ថ្ងៃ គឺនៅថ្ងៃទី៣១ ខែតុលា ដល់ថ្ងៃទី០១ ខែវិច្ឆិកា ឆ្នាំ២០២៦ ខាងមុខនេះ ឱ្យប្រព្រឹត្តទៅប្រកបដោយភាពជោគជ័យតាមផែនការគ្រោងទុក និងបង្កបរិយាកាសសប្បាយរីករាយជូនប្រជាពលរដ្ឋ។
តាកែវ៖ ទិវាសុខភាពភ្នែកពិភពលោកជាសកល ដែលតែងតែរៀបចំធ្វើឡើងនៅក្នុងខែតុលា សម្រាប់ឆ្នាំ២០២៦ នេះ មន្ទីរពេទ្យភ្នែកតាកែវ នឹងបើកការព្យាបាល និងវះកាត់ជំងឺភ្នែកជូនបងប្អូនប្រជាពលរដ្ឋដោយឥតគិតថ្លៃ រយៈពេល ២ថ្ងៃ ចំនួន ៧០០នាក់។
