ឯកឧត្តម វ៉ី សំណាង បានណែនាំដល់បងប្អូនអាជីវករលក់បង្កងទាំងអស់ ដាច់ខាតមិនត្រូវដំឡើងថ្លៃបង្កង ឬបន្លំបង្កងចិញ្ចឹមថាជាបង្កងធម្មជាតិឡើយ ដែលធ្វើឱ្យបាត់បង់ទំនុកចិត្តពីអតិថិជន និងប៉ះពាល់ដល់អារម្មណ៍របស់ភ្ញៀវទេសចរ ។
អភិបាលរងខេត្តតាកែវ បានណែនាំដល់អាជ្ញាធរមូលដ្ឋានគ្រប់លំដាប់ថ្នាក់ ត្រូវចុះទប់ស្កាត់ និងត្រួតពិនិត្យរាល់ម្ចាស់រោងចក្រ សហគ្រាស ភោជនីយដ្ឋាន និងអាហារដ្ឋាននានា កុំឱ្យមានការបង្កក ឬស្តុកទុកសំរាមរយៈពេលយូរពេក ដែលជាហេតុបង្កឱ្យមានក្លិនស្អុយប៉ះពាល់យ៉ាងធ្ងន់ធ្ងរដល់សុខភាពសាធារណជន។
ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញដឹកនាំមន្ត្រីរាជការ កងកម្លាំងប្រដាប់អាវុធ និងអាជ្ញាធរមូលដ្ឋាន ចុះជួបសំណេះ សំណាល និងចែកអំណោយស្បៀងអាហារសង្គ្រោះបន្ទាន់របស់រាជរដ្ឋាភិបាល ជូនដល់ប្រជា ពលរដ្ឋរងគ្រោះដោយសារជំនន់ទឹកភ្ញៀងចំនួន១.៩៤៥គ្រួសារ ដែលស្ថិតនៅភូមិក្រាំងស្វាយ ឃុំស្រែរនោង ដែលមកពីរឃុំចំនួន៤ ក្នុងស្រុកត្រាំកក់ ខេត្តតាកែវ ។
លោក ញ៉ែម ស្រស់ អភិបាលរងខេត្តតាកែវ បានជំរុញ និងលើកទឹកចិត្តដល់អាជ្ញាធរគ្រប់លំដាប់ ថ្នាក់ ព្រមទាំងមន្ត្រីជំនាញពាក់ព័ន្ធ ត្រូវខិតខំដោះស្រាយរាល់បញ្ហាប្រឈម និងសំណូមពររបស់ប្រជាពលរដ្ឋនៅមូលដ្ឋានឱ្យមានប្រសិទ្ធភាពខ្ពស់ និងទាន់ពេលវេលា ។
សមាជិកក្រុមប្រឹក្សាខេត្តតាកែវបានសម្ដែងការសាទរចំពោះរដ្ឋបាលខេត្តតាកែវ ដែលបានកសាងសមិទ្ធផលថ្មីរូបសំណាកបង្កងបាញ់ទឹក នៅមាត់បឹងតាកែវកណ្ដាលក្រុងដូនកែវ ដោយចាត់ទុកសមិទ្ធផលថ្មីនេះវាបានជួយទាក់ទាញភ្ញៀវទេសចរណ៍ជាតិ អន្តរជាតិ មកទស្សនាលេងកម្សាន្ត ក្នុងក្រុងដូនកែវកាន់តែច្រើនជាពិសេសវានិងជួយលើកកម្ពស់ជីវភាពបងប្អូនប្រជាពលរដ្ឋថែមទៀត។
