ប្រធានមន្ទីរសុខាភិបាលខេត្តតាកែវ ដឹកនាំកិច្ចប្រជុំដាក់ចេញយុទ្ធនាការក្ដៅរយៈពេល ៣០ថ្ងៃ ដើម្បីលុបបំបាត់ជំងឺគ្រុនឈាមទូទាំងខេត្ត

តាកែវ៖ លោកឱសថការី ផាន់ វ៉ាន់ ប្រធានមន្ទីរសុខាភិបាល នៃរដ្ឋបាលខេត្តតាកែវ នាថ្ងៃពុធ ទី២៩ ខែកក្កដា ឆ្នាំ២០២៦ នេះ បានអញ្ជើញជាអធិបតីភាពដឹកនាំកិច្ចប្រជុំត្រួតពិនិត្យ និងដាក់ចេញនូវ «ផែនការយុទ្ធនាការលុបបំបាត់ជំងឺគ្រុនឈាម រយៈពេល ៣០ថ្ងៃ» របស់មន្ទីរសុខាភិបាលខេត្តតាកែវ។ កិច្ចប្រជុំនេះមានការចូលរួមពីសំណាក់ លោក លោកស្រី អនុប្រធានមន្ទីរសុខាភិបាលខេត្ត, លោកប្រធានមន្ទីរពេទ្យបង្អែកខេត្តតាកែវ, លោក លោកស្រី ប្រធានការិយាល័យសុខាភិបាលស្រុកប្រតិបត្តិទាំង៦ ព្រមទាំងប្រធានកម្មវិធីប្រយុទ្ធនឹងជំងឺគ្រុនឈាមថ្នាក់មន្ទីរ និងស្រុកប្រតិបត្តិទាំង៦ ទូទាំងខេត្តតាកែវ។