លោក ថៃ​​​ លី ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្តតាកែវ ទទួល ស្វាគមន៍យ៉ាងកក់ក្តៅចំពោះដំណើរបំពេញបេសក កម្មអធិការកិច្ច និងទស្សនកិច្ចរបស់ លោកស្រី STEFANIA DINA .

តាកែវ៖ក្នុងឱកាសអញ្ជើញកាន់បិណ្ឌវេនទី៨ នៅវត្តសេរីសោភ័ណ ហៅវត្តព្រៃមៀន ស្ថិតក្នុងឃុំព្រៃស្លឹក ស្រុកទ្រាំង ខេត្តតាកែវ នាព្រឹកថ្ងៃទី៤ ខែតុលា ឆ្នាំ២០២៦ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកទ្រាំង បានលើកឡើងថាបច្ចុប្បន្ននេះវិស័យព្រះពុទ្ធសាសនានៅក្នុងប្រទេសកម្ពុជាកាន់តែមានការរីកចម្រើនដោយសារតែប្រទេសជាតិមានសុខសន្តិភាព ក្រោមការដឹកនាំដ៏ត្រឹមត្រូវរបស់រាជរដ្ឋាភិបាលកម្ពុជា។

តាកែវ៖ នៅក្នុងឱកាសអញ្ជើញចូលរួមក្នុងពិធីកាន់បិណ្ឌវេនទី ៧ នៅវត្តតុំ ស្ថិតក្នុងសង្កាត់រកាក្រៅ ក្រុងដូនកែវ ខេត្តតាកែវ នាព្រឹកថ្ងៃសៅរ៍ ទី ០៣ ខែតុលា ឆ្នាំ ២០២៦ នេះ ឯកឧត្តម វ៉ី សំណាង អភិបាលនៃគណៈអភិបាលខេត្តតាកែវ បានគូសបញ្ជាក់យ៉ាងច្បាស់ពី «កត្តាសុខសន្តិភាព» ដែលជាគ្រឹះយ៉ាងរឹងមាំក្នុងការផ្តល់ឱកាសជូនដល់បងប្អូនប្រជាពលរដ្ឋជិតឆ្ងាយ បានជួបជុំគ្នាយ៉ាងសប្បាយរីករាយ និងបានធ្វើបុណ្យទានតាមវត្តអារាមនានានៅទូទាំងប្រទេស។

ផ្លូវមួយខ្សែឆ្លងកាត់ឃុំចំនួន២ គឺឃុំសិង្ហ និងឃុំទ្រា ស្រុកសំរោង​ ដោយតភ្ជាប់ភូមិចំនួន៣ រួមមាន ភូមិឈូកសខាងត្បូង ភូមិទន្លាប់ និងភូមិប៉ាណា ដែលបច្ចុប្បន្នកំពុងរងការខូចខាត បង្កការលំបាកដល់ការធ្វើដំណើរ ត្រូវបានឯកឧត្តមបណ្ឌិត ជា វ៉ាន់ដេត សម្រេចអោយធ្វើការជួសជុលទ្បើងវិញ។

លោក ហែម ឬទ្ធី អភិបាលរងខេត្តតាកែវ បានដឹកនាំប្រតិភូរដ្ឋបាលខេត្ត និងអាជ្ញាធរមូលដ្ឋាន អញ្ជើញចូលរួមក្នុងពិធីបុណ្យកាន់បិណ្ឌទី៥ ដែលបានរៀបចំឡើងនៅវត្តទេពបុរី ស្ថិតក្នុងឃុំក្រាំងធ្នង់ ស្រុកបាទី ខេត្តតាកែវ ។

ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ ប្រធានកិត្តិយសសមាគមអតីតយុទ្ធជននិងនិវត្តជនកម្ពុជាខេត្តតាកែវ ជួបសំណេះសំណាលជាមួយអតីតយុទ្ធជន និងនិវត្តជនមកពីស្រុកចំនួន៣ រួមមាន ស្រុកគីរីវង់ កោះអណ្ដែត និងបូរីជលសារ ។