ស្ទឹងត្រែង៖ ដើម្បីសម្រួលដល់ការធ្វើដំណើរ និងការដឹកជញ្ជូនផលដំណាំផ្សេងៗរបស់ប្រជាពលរដ្ឋ មន្ទីរអភិវឌ្ឍន៍ជនបទខេត្តស្ទឹងត្រែង ក្រោមការចង្អុលបង្ហាញពីក្រសួងអភិវឌ្ឍន៍ជនបទ និងរដ្ឋបាលខេត្តស្ទឹងត្រែង បាននិងកំពុងអនុវត្តសកម្មភាពថែទាំ និងជួសជុលផ្លូវលំជនបទ ១ខ្សែ ប្រវែងសរុប ១០,៥ គីឡូម៉ែត្រ ដែលតភ្ជាប់ពីឃុំអូររៃ ទៅដល់ឃុំកាំងចាម ស្ថិតក្នុងស្រុកថាឡាបរិវ៉ាត់ ខេត្តស្ទឹងត្រែង នៅព្រឹកថ្ងៃទី ៧ ខែវិច្ឆិកា ឆ្នាំ២០២៦នេះ។
លោក ញ៉ែម ស្រស់ អភិបាលរងខេត្តតាកែវ បានជំរុញ និងលើកទឹកចិត្តដល់អាជ្ញាធរគ្រប់លំដាប់ ថ្នាក់ ព្រមទាំងមន្ត្រីជំនាញពាក់ព័ន្ធ ត្រូវខិតខំដោះស្រាយរាល់បញ្ហាប្រឈម និងសំណូមពររបស់ប្រជាពលរដ្ឋនៅមូលដ្ឋានឱ្យមានប្រសិទ្ធភាពខ្ពស់ និងទាន់ពេលវេលា ។
សមាជិកក្រុមប្រឹក្សាខេត្តតាកែវបានសម្ដែងការសាទរចំពោះរដ្ឋបាលខេត្តតាកែវ ដែលបានកសាងសមិទ្ធផលថ្មីរូបសំណាកបង្កងបាញ់ទឹក នៅមាត់បឹងតាកែវកណ្ដាលក្រុងដូនកែវ ដោយចាត់ទុកសមិទ្ធផលថ្មីនេះវាបានជួយទាក់ទាញភ្ញៀវទេសចរណ៍ជាតិ អន្តរជាតិ មកទស្សនាលេងកម្សាន្ត ក្នុងក្រុងដូនកែវកាន់តែច្រើនជាពិសេសវានិងជួយលើកកម្ពស់ជីវភាពបងប្អូនប្រជាពលរដ្ឋថែមទៀត។
អភិបាលខេត្តតាកែវ បានអញ្ជើញចុះពិនិត្យដោយផ្ទាល់នូវវឌ្ឍនភាពនៃការរៀបចំជុំវិញ បរិវេណរូបសំណាកបង្កង សួនច្បារ និងហេដ្ឋារចនាសម្ព័ន្ធនានាជុំវិញមាត់បឹងតាកែវ ។
ខេត្តតាកែវ៖ នៅថ្ងៃទី០៤ ខែវិច្ឆិកា ឆ្នាំ២០២៦ លោក មឹង វិរិយា បានដឹកនាំមន្ត្រីអធិការកិច្ចការងារ នៃមន្ទីរការងារ និងបណ្តុះបណ្តាលវិជ្ជាជីវៈខេត្តតាកែវ ដោយមានកិច្ចសហការយ៉ាងជិតស្និទ្ធជាមួយអាជ្ញាធរមូលដ្ឋាន បានចុះអន្តរាគមន៍ដោះស្រាយករណីកូដកម្មរបស់កម្មករនិយោជិត នៅក្រុមហ៊ុន ប្រាយ ហ្វ្លាស់ស៊ីង ឯ.ក (Bright Flushing Co., Ltd.) ដែលជា រោងចក្រផលិតស្បែកជើង ស្ថិតនៅក្នុងភូមិធ្នង់រលើង ឃុំលាយបូរ ស្រុកត្រាំកក់ ខេត្តតាកែវ។
