ប្រធានមន្ទីរសុខាភិបាលខេត្តតាកែវ អំពាវនាវឱ្យប្រជាពលរដ្ឋអនុវត្តវិធានការ «៣កុំ ៣បំបាត់» នឹងរួមគ្នា ទប់ស្កាត់ជំងឺគ្រុនឈាម
តាកែវ៖ ដើម្បីបន្តការពារ និងឆ្លើយតបទាន់ពេលវេលាចំពោះហានិភ័យនៃជំងឺគ្រុនឈាមជូនប្រជាពលរដ្ឋ នៅព្រឹកថ្ងៃអង្គារ ទី២១ ខែកក្កដា ឆ្នាំ២០២៦ វេលាម៉ោង ៨:៣០នាទី លោកឱសថការី ផាន់ វ៉ាន់ ប្រធានមន្ទីរសុខាភិបាល នៃរដ្ឋបាលខេត្តតាកែវ បានអញ្ជើញដឹកនាំក្រុមការងារ រួមនឹងអាជ្ញាធរឃុំ-ភូមិ ចុះអនុវត្តយុទ្ធនាការអប់រំផ្សព្វផ្សាយ បង្ការទប់ស្កាត់ និងបង្ក្រាបប្រភពចម្លងជំងឺគ្រុនឈាម នឹងចុះបាញ់ថ្នាំសម្លាប់មូស និងដាក់ថ្នាំអាបែតទប់ស្កាត់ជំងឺគ្រុនឈាមស្ថិតនៅក្នុងភូមិត្រពាំងរាំង ឃុំស្នោ ស្រុកព្រៃកប្បាស ខេត្តតាកែវ។
