ព័ត៌មានក្នុងខេត្ត

តាកែវ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ និងមានការសម្របសម្រួលនីតិវិធីពី ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ កម្លាំងសមត្ថកិច្ចអាវុធហត្ថបានចុះបង្ក្រាបជាក់ស្តែងនូវករណីគ្រឿងញៀន ដោយធ្វើការឃាត់ខ្លួនជនសង្ស័យចំនួន ៤នាក់ នៅក្នុងស្រុកគិរីវង់។

តាកែវ៖ នាព្រឹកថ្ងៃព្រហស្បតិ៍ ទី៣០ ខែកក្កដា ឆ្នាំ២០២៦ នេះ នៅសាលប្រជុំធំសាលាស្រុកកោះអណ្តែត ខេត្តតាកែវ មានការរៀបចំ «កិច្ចប្រជុំសាមញ្ញក្រុមប្រឹក្សាស្រុកកោះអណ្តែត អាណត្តិទី៤ លើកទី២៦» ក្រោមអធិបតីភាព លោក នាង ស៊ន ប្រធានក្រុមប្រឹក្សាស្រុកកោះអណ្តែត និងលោក ជា សុភា អភិបាលរងស្រុក តំណាងលោក ភួន ឈីម អភិបាល នៃគណៈអភិបាលស្រុកកោះអណ្តែត។

តាកែវ៖ ដើម្បីលើកកម្ពស់សោភ័ណភាព និងការសម្គាល់ព្រំប្រទល់រដ្ឋបាលឱ្យកាន់តែច្បាស់លាស់ នាព្រឹកថ្ងៃព្រហស្បតិ៍ ទី៣០ ខែកក្កដា ឆ្នាំ២០២៦ នេះ រដ្ឋបាលស្រុកព្រៃកប្បាស បានរៀបចំប្រារព្ធពិធីសែនព្រេនក្រុងពាលី សុំសេចក្តីសុខសប្បាយ និងសុំការអនុញ្ញាតពីម្ចាស់ទឹកម្ចាស់ដី ក្នុងការបុកគ្រឹះសាងសង់ «ស្លាកសម្គាល់ព្រំប្រទល់ស្រុកព្រៃកប្បាស» ស្ថិតនៅចំណុចទំនប់ទួលលលក។

តាកែវ៖ ដើម្បីពង្រឹងទំនាក់ទំនង កសាងទំនុកចិត្ត និងឆ្លើយតបបានទាន់ពេលវេលាចំពោះតម្រូវការរបស់ប្រជាពលរដ្ឋ នាព្រឹកថ្ងៃពុធ ទី២៩ ខែកក្កដា ឆ្នាំ២០២៦ នេះ ក្រុមការងាររាជរដ្ឋាភិបាលចុះមូលដ្ឋានស្រុកត្រាំកក់ បានរៀបចំ «វេទិកាសាធារណៈ» ដោយផ្ទាល់ជាមួយប្រជាពលរដ្ឋក្នុងឃុំលាយបូរ ស្រុកត្រាំកក់ ខេត្តតាកែវ។

តាកែវ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ និងមានការសម្របសម្រួលនីតិវិធីពី ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ កម្លាំងអាវុធហត្ថខេត្តបានបើកប្រតិបត្តិការបង្ក្រាបករណីរក្សាទុក ជួញដូរ និងប្រើប្រាស់សារធាតុញៀនដោយខុសច្បាប់ ដោយឃាត់ខ្លួនជនសង្ស័យបានចំនួន ២នាក់។

តាកែវ៖ លោកឱសថការី ផាន់ វ៉ាន់ ប្រធានមន្ទីរសុខាភិបាល នៃរដ្ឋបាលខេត្តតាកែវ នាថ្ងៃពុធ ទី២៩ ខែកក្កដា ឆ្នាំ២០២៦ នេះ បានអញ្ជើញជាអធិបតីភាពដឹកនាំកិច្ចប្រជុំត្រួតពិនិត្យ និងដាក់ចេញនូវ «ផែនការយុទ្ធនាការលុបបំបាត់ជំងឺគ្រុនឈាម រយៈពេល ៣០ថ្ងៃ» របស់មន្ទីរសុខាភិបាលខេត្តតាកែវ។ កិច្ចប្រជុំនេះមានការចូលរួមពីសំណាក់ លោក លោកស្រី អនុប្រធានមន្ទីរសុខាភិបាលខេត្ត, លោកប្រធានមន្ទីរពេទ្យបង្អែកខេត្តតាកែវ, លោក លោកស្រី ប្រធានការិយាល័យសុខាភិបាលស្រុកប្រតិបត្តិទាំង៦ ព្រមទាំងប្រធានកម្មវិធីប្រយុទ្ធនឹងជំងឺគ្រុនឈាមថ្នាក់មន្ទីរ និងស្រុកប្រតិបត្តិទាំង៦ ទូទាំងខេត្តតាកែវ។

តាកែវ៖ អភិបាលស្រុកកោះអណ្តែត បានធ្វើការរំលឹកទៅដល់ក្រុមគ្រូពេទ្យ ត្រូវពង្រឹងគុណភាពសេវាសុខាភិបាលើការពិនិត្យ ព្យាបាល និងក្រមសីលធម៌វិជ្ជាជីវៈឱ្យបានល្អ ជាពិសេសគឺការបង្ហាញអាកប្បកិរិយា ឱ្យបានសមរម្យចំពោះបងប្អូនប្រជាពលរដ្ឋ ។

តាកែវ៖ ដើម្បីឆ្លើយតបបានទាន់ពេលវេលាចំពោះការលំបាករបស់ប្រជាកសិករ ថ្មីៗនឹះ លោក ភួន ឈីម អភិបាលស្រុកកោះអណ្តែត អមដំណើរដោយសហការី និងអាជ្ញាធរមូលដ្ឋានភូមិឃុំ បានអញ្ជើញចុះពិនិត្យស្ថានភាពជាក់ស្តែង និងជួបសំណេះសំណាលដោយផ្ទាល់ជាមួយបងប្អូនប្រជាពលរដ្ឋ ដែលកំពុងរងផលប៉ះពាល់ដោយសារបញ្ហាកង្វះខាតទឹកស្រោចស្រពដំណាំស្រូវរដូវវស្សា ស្ថិតក្នុងឃុំព្រៃខ្លា ស្រុកកោះអណ្តែត ខេត្តតាកែវ។

តាកែវ៖ នាព្រឹកថ្ងៃពុធ ទី២៩ ខែកក្កដា ឆ្នាំ២០២៦ នេះ លោក ស៊ុត ខុន អភិបាលរង នៃគណៈអភិបាលខេត្តតាកែវ បានអញ្ជើញដឹកនាំមន្ត្រីជំនាញពាក់ព័ន្ធ និងអាជ្ញាធរស្រុកសំរោង បើកកិច្ចប្រជុំពិភាក្សា និងចុះពិនិត្យជាក់ស្តែងដល់ទីតាំងពាក់ព័ន្ធនឹងការស្នើសុំជីកស្រះទឹក ដើម្បីរក្សាទឹកទុកប្រើប្រាស់ក្នុងសិប្បកម្មផលិតទឹកកក និងទឹកសុទ្ធ ដែលមានទំហំបណ្តោយ ១០០ម៉ែត្រ ទទឹង ៩០ម៉ែត្រ និងជម្រៅ ៥ម៉ែត្រ ស្ថិតក្នុងឃុំសំរោង ស្រុកសំរោង ខេត្តតាកែវ។

តាកែវ៖ នាព្រឹកថ្ងៃអង្គារ ទី២៨ ខែកក្កដា ឆ្នាំ២០២៦ លោក ទូច ចន្ធី អភិបាលរងស្រុកត្រាំកក់ បានអញ្ជើញបើកការដ្ឋានសាងសង់ផ្លូវបេតុងអាមេ ១ខ្សែ ប្រវែង ១,១១០ម៉ែត្រ ទទឹង ៦ម៉ែត្រ ឆ្លងកាត់ភូមិព្រៃស្បាត និងភូមិព្រៃក្តួច ក្រោមមូលនិធិឃុំ ឆ្នាំ២០២៦។

តាកែវ៖ នាព្រឹកថ្ងៃទី២៩ ខែកក្កដា ឆ្នាំ២០២៦ នេះ លោក ងួន ឌីណា អភិបាលនៃគណៈអភិបាលស្រុកគិរីវង់ ខេត្តតាកែវ បានដឹកនាំក្រុមការងារបច្ចេកទេស និងអាជ្ញាធរមូលដ្ឋាន ចុះពិនិត្យស្ថានភាពស្រូវរបស់ប្រជាពលរដ្ឋជាក់ស្តែង នៅក្នុងឃុំចំនួន៣ រួមមាន៖ ឃុំព្រះបាទជាន់ជុំ ឃុំព្រៃអំពក និងឃុំព្រៃរំដេង ដែលកំពុងប្រឈមនឹងការខ្វះខាតទឹកស្រោចស្រពលើផ្ទៃដីសរុបប្រមាណ ១,២០០ ហិកតា។

តាកែវ ៖ នៅព្រឹកថ្ងៃទី២៨ ខែកក្កដា ឆ្នាំ២០២៦ លោក កៅ វគ្គសែល អភិបាលនៃគណៈអភិបាល ស្រុកសំរោង និងសហការី បានអញ្ជើញចុះពិនិត្យដំណើរការនៃខ្សែចង្វាក់ផលិតកម្មនៅរោងចក្រកាត់ដេរ ស៊ីវីស (ខេមបូឌា) ហ្គាម៉ិន ឯ.ក (SEWIS (CAMBODIA) GARMENT CO., LTD.) ដែលមានទីតាំងស្ថិតនៅក្នុងភូមិក្រាំងធ្នង់ ឃុំរវៀង ។