ព័ត៌មានក្នុងខេត្ត

ទ្រាំង៖ ក្រោមការសហការរៀបចំរវាងអង្គការការីតាស មន្ទីរពេទ្យភ្នែកតាកែវ និងមន្ទីរសុខាភិបាលនៃរដ្ឋបាលខេត្តតាកែវ ព្រមទាំងទទួលបានការឧបត្ថម្ភថវិកាយ៉ាងថ្លៃថ្លាពីអង្គការ The Fred Hollows Foundation និងអង្គការ Bloomberg Philanthropies កាលពីថ្ងៃទី១០ ខែកញ្ញា ឆ្នាំ២០២៦ បានរៀបចំកម្មវិធីពិនិត្យ និងប្រឹក្សាសុខភាពភ្នែកជូនប្រជាពលរដ្ឋដោយឥតគិតថ្លៃ នៅមណ្ឌលសុខភាពត្រឡាច ស្ថិតក្នុងភូមិកន្ទួតធំ ឃុំត្រឡាច ស្រុកទ្រាំង ខេត្តតាកែវ ដោយមានការចូលរួមយ៉ាងច្រើនកុះករពីសំណាក់ប្រជាពលរដ្ឋក្នុងមូលដ្ឋាន ។

តាកែវ៖ ដើម្បីបន្តលើកកម្ពស់គុណភាព ប្រសិទ្ធភាព និងបង្កើនភាពងាយស្រួលជូនប្រជាពលរដ្ឋ ជាពិសេសសមាជិក ប.ស.ស. បេឡាជាតិសន្តិសុខសង្គម (ប.ស.ស.) បានរៀបចំ «ពិធីប្រគល់-ទទួលម៉ាស៊ីនបញ្ជាក់អត្តសញ្ញាណស្វ័យប្រវត្តិ ប.ស.ស. (AIM)» ចំនួន ១ គ្រឿង ជូនដល់មន្ទីរពេទ្យបង្អែកខេត្តតាកែវ។

តាកែវ៖ នាព្រឹកថ្ងៃពុធ ទី១២ ខែសីហា ឆ្នាំ២០២៦ នេះ នៅសាលប្រជុំមន្ទីរសុខាភិបាលខេត្តតាកែវ មានរៀបចំ «ពិធីចុះហត្ថលេខាលើកិច្ចព្រមព្រៀងសហការលើសកម្មភាពអាហារូបត្ថម្ភ សម្រាប់ឆ្នាំ២០២៦-២០២៧» រវាងមន្ទីរសុខាភិបាល នៃរដ្ឋបាលខេត្តតាកែវ និងអង្គការ Helen Keller អន្តរជាតិ។

តាកែវ៖ អគារសល្យសាស្ត្រ (អគារសម្រាកព្យាបាលជំងឺក្រោយវះកាត់) នៃមន្ទីរពេទ្យបង្អែកខេត្តតាកែវ ត្រូវបានជួសជុល កែលម្អ និងរៀបចំយ៉ាងស្អាតបាតរួចរាល់ជាស្ថាពរ ១០០% ហើយ ព្រមទាំងបានរៀបចំកម្មវិធីសូត្រមន្ត ដើម្បីរៀបចំដាក់ឱ្យដំណើរការផ្លូវការ និងបើកទ្វារទទួលស្វាគមន៍ បម្រើសេវាជូនប្រជាពលរដ្ឋនៅក្នុងសប្តាហ៍ទី១ នៃខែសីហា ឆ្នាំ២០២៦នេះ។

តាកែវ៖ លោកវេជ្ជបណ្ឌិត ជុំ សុវណ្ណវុទ្ធី ប្រធានកម្មវិធីប្រយុទ្ធនឹងជំងឺអេដស៍ខេត្តតាកែវ បានបញ្ជាក់ឱ្យដឹងថា ក្នុងឆមាសទី១ ឆ្នាំ២០២៦ នេះ តាមរយៈការធ្វើតេស្តឈាមស្វែងរកមេរោគអេដស៍លើប្រជាពលរដ្ឋសរុបចំនួន ១៣.៩១៩នាក់ បានរកឃើញវិជ្ជមានមេរោគអេដស៍ករណីថ្មីចំនួន ១១៦នាក់។

តាកែវ៖ លោកឱសថការី ផាន់ វ៉ាន់ ប្រធានមន្ទីរសុខាភិបាល នៃរដ្ឋបាលខេត្តតាកែវ នាថ្ងៃពុធ ទី២៩ ខែកក្កដា ឆ្នាំ២០២៦ នេះ បានអញ្ជើញជាអធិបតីភាពដឹកនាំកិច្ចប្រជុំត្រួតពិនិត្យ និងដាក់ចេញនូវ «ផែនការយុទ្ធនាការលុបបំបាត់ជំងឺគ្រុនឈាម រយៈពេល ៣០ថ្ងៃ» របស់មន្ទីរសុខាភិបាលខេត្តតាកែវ។ កិច្ចប្រជុំនេះមានការចូលរួមពីសំណាក់ លោក លោកស្រី អនុប្រធានមន្ទីរសុខាភិបាលខេត្ត, លោកប្រធានមន្ទីរពេទ្យបង្អែកខេត្តតាកែវ, លោក លោកស្រី ប្រធានការិយាល័យសុខាភិបាលស្រុកប្រតិបត្តិទាំង៦ ព្រមទាំងប្រធានកម្មវិធីប្រយុទ្ធនឹងជំងឺគ្រុនឈាមថ្នាក់មន្ទីរ និងស្រុកប្រតិបត្តិទាំង៦ ទូទាំងខេត្តតាកែវ។

តាកែវ៖ ដើម្បីចូលរួមចំណែកការពារ និងទប់ស្កាត់ការផ្ទុះរាតត្បាតនៃជំងឺគ្រុនឈាមក្នុងសហគមន៍ ស្របតាមផែនការយុទ្ធសាស្ត្ររបស់កាកបាទក្រហមកម្ពុជា លើវិស័យសុខភាពសាធារណៈ នាព្រឹកថ្ងៃចន្ទ ទី២៧ ខែកក្កដា ឆ្នាំ២០២៦ នេះ សាខាកាកបាទក្រហមកម្ពុជា ខេត្តតាកែវ បានចុះធ្វើយុទ្ធនាការផ្សព្វផ្សាយ និងអប់រំសុខភាពជាក់ស្តែងជូនប្រជាពលរដ្ឋ។

តាកែវ៖ ដើម្បីបន្តការពារ និងឆ្លើយតបទាន់ពេលវេលាចំពោះហានិភ័យនៃជំងឺគ្រុនឈាមជូនប្រជាពលរដ្ឋ នៅព្រឹកថ្ងៃអង្គារ ទី២១ ខែកក្កដា ឆ្នាំ២០២៦ វេលាម៉ោង ៨:៣០នាទី លោកឱសថការី ផាន់ វ៉ាន់ ប្រធានមន្ទីរសុខាភិបាល នៃរដ្ឋបាលខេត្តតាកែវ បានអញ្ជើញដឹកនាំក្រុមការងារ រួមនឹងអាជ្ញាធរឃុំ-ភូមិ ចុះអនុវត្តយុទ្ធនាការអប់រំផ្សព្វផ្សាយ បង្ការទប់ស្កាត់ និងបង្ក្រាបប្រភពចម្លងជំងឺគ្រុនឈាម នឹងចុះបាញ់ថ្នាំសម្លាប់មូស និងដាក់ថ្នាំអាបែតទប់ស្កាត់ជំងឺគ្រុនឈាមស្ថិតនៅក្នុងភូមិត្រពាំងរាំង ឃុំស្នោ ស្រុកព្រៃកប្បាស ខេត្តតាកែវ។

តាកែវ៖ ក្នុងការចូលរួមចំណែកការពារ និងថែរក្សាសុខុមាលភាពជូនប្រជាពលរដ្ឋនៅក្នុងមូលដ្ឋានឱ្យចៀសផុតពីជំងឺដង្កាត់ផ្សេងៗ ដោយមានការគាំទ្រពី លោកឱសថការី ផាន់ វ៉ាន់ ប្រធានមន្ទីរសុខាភិបាលនៃរដ្ឋបាលខេត្តតាកែវ នៅថ្ងៃចន្ទ ទី២០ ខែកក្កដា ឆ្នាំ២០២៦ ក្រុមការងារសុខាភិបាលស្រុកប្រតិបត្តិអង្គរកា ដឹកនាំដោយ លោកវេជ្ជបណ្ឌិត ហង់ សីហា អនុប្រធានការិយាល័យ រួមជាមួយសហការី បានចុះបេសកកម្មបើកយុទ្ធនាការរួមគ្នាផ្សព្វផ្សាយអប់រំសុខភាពស្តីពីជំងឺគ្រុនឈាម ព្រមទាំងចុះដាក់ថ្នាំអាបែត និងបាញ់ថ្នាំសម្លាប់មូសខ្លាដោយផ្ទាល់ នៅក្នុងភូមិចានទាប ឃុំសំរោង ស្រុកត្រាំកក់ ខេត្តតាកែវ ដោយ ការចូលរួមយ៉ាងជិតស្និទ្ធពី លោកស្រីមេភូមិ និងលោកអនុភូមិចានទាប លោកគ្រូ-អ្នកគ្រូ នៃសាលាបឋមសិក្សាផ្ចឹកជ្រុំ ព្រមទាំងបងប្អូនប្រជាពលរដ្ឋ និងក្មួយៗសិស្សានុសិស្សនៅក្នុងមូលដ្ឋានយ៉ាងច្រើនកុះករ។

តាកែវ៖ សូមស្វាគមន៍យ៉ាងកក់ក្តៅ ចំពោះបងប្អូនប្រជាពលរដ្ឋទាំងអស់ ដែលមានបំណងមកទទួលសេវាកម្មតេស្តពិនិត្យសុខភាពទូទៅ នៅមន្ទីរពិសោធន៍វេជ្ជសាស្ត្រ នៃមន្ទីរពេទ្យបង្អែកខេត្តតាកែវ! ដើម្បីឆ្លើយតបទៅនឹងតម្រូវការជាក់ស្ដែង ក៏ដូចជាការគិតគូរពីតំលៃពេលវេលាដ៏មានតម្លៃរបស់លោកអ្នក មន្ទីរពិសោធន៍របស់យើងមានសេចក្តីសោមនស្សរីករាយក្នុងការផ្តល់ជូននូវ «សេវាពិនិត្យសុខភាពទូទៅដោយផ្ទាល់» ដែលជាយន្តការថ្មី ជួយឱ្យបងប្អូនអាចមកទទួលសេវាកម្មតេស្តឈាម និងពិនិត្យទឹកនោមបានភ្លាមៗ ដោយមិនចាំបាច់ឆ្លងកាត់ដំណើរការចុះឈ្មោះស្មុគស្មាញជាមួយមន្ទីរពេទ្យឡើយ។ គោលបំណងធំបំផុតរបស់យើង គឺបង្កើតភាពងាយស្រួល ផ្ដល់ភាពស្រឡះចិត្ត និងកាត់បន្ថយពេលវេលារង់ចាំរបស់បងប្អូនឱ្យមកនៅត្រឹមកម្រិតទាបបំផុត។

នៅសាលប្រជុំផ្ទះសំណាក់ដូនកែវ មានរៀបចំសិក្ខា សាលាដ៏មានសារៈសំខាន់មួយ ក្រោមអធិបតីភាពដ៏ខ្ពង់ខ្ពស់ ឯកឧត្តមវេជ្ជបណ្ឌិត ទា ផលា អនុប្រធានអាជ្ញាធរជាតិប្រយុទ្ធនឹងជំងឺអេដស៍ លោកជំទាវ ឡុង បូណារេត អភិបាលរង នៃគណៈអភិបាលខេត្តតាកែវ និងជាតំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាលនៃគណៈអភិបាលខេត្តតាកែវ។