ព័ត៌មានក្នុងខេត្ត

លោក ហែម ឬទ្ធី អភិបាលរងខេត្ត បានមានប្រសាសន៍សំណេះសំណាល និងលើកឡើងយ៉ាងមុតមាំថា ការតែងតាំង និងការរៀបចំរចនាសម្ព័ន្ធដឹកនាំមន្ត្រីរាជការជាអភិបាលរងស្រុកបាទីនាពេលនេះ មិនមែនធ្វើឡើងតាមរយៈការយោគយល់ បក្សពួក ឬគ្នីគ្នានោះឡើយ។

អភិបាលរងខេត្តតាកែវ បានណែនាំដល់អាជ្ញាធរមូលដ្ឋានគ្រប់លំដាប់ថ្នាក់ ត្រូវចុះទប់ស្កាត់ និងត្រួតពិនិត្យរាល់ម្ចាស់រោងចក្រ សហគ្រាស ភោជនីយដ្ឋាន និងអាហារដ្ឋាននានា កុំឱ្យមានការបង្កក ឬស្តុកទុកសំរាមរយៈពេលយូរពេក ដែលជាហេតុបង្កឱ្យមានក្លិនស្អុយប៉ះពាល់យ៉ាងធ្ងន់ធ្ងរដល់សុខភាពសាធារណជន។

ឯកឧត្តម វ៉ី សំណាង បានណែនាំដល់បងប្អូនអាជីវករលក់បង្កងទាំងអស់ ដាច់ខាតមិនត្រូវដំឡើងថ្លៃបង្កង ឬបន្លំបង្កងចិញ្ចឹមថាជាបង្កងធម្មជាតិឡើយ ដែលធ្វើឱ្យបាត់បង់ទំនុកចិត្តពីអតិថិជន និងប៉ះពាល់ដល់អារម្មណ៍របស់ភ្ញៀវទេសចរ ។

ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញដឹកនាំមន្ត្រីរាជការ កងកម្លាំងប្រដាប់អាវុធ និងអាជ្ញាធរមូលដ្ឋាន ចុះជួបសំណេះ សំណាល និងចែកអំណោយស្បៀងអាហារសង្គ្រោះបន្ទាន់របស់រាជរដ្ឋាភិបាល ជូនដល់ប្រជា ពលរដ្ឋរងគ្រោះដោយសារជំនន់ទឹកភ្ញៀងចំនួន១.៩៤៥គ្រួសារ ដែលស្ថិតនៅភូមិក្រាំងស្វាយ ឃុំស្រែរនោង ដែលមកពីរឃុំចំនួន៤ ក្នុងស្រុកត្រាំកក់ ខេត្តតាកែវ ។

លោក ញ៉ែម ស្រស់ អភិបាលរងខេត្តតាកែវ បានជំរុញ និងលើកទឹកចិត្តដល់អាជ្ញាធរគ្រប់លំដាប់ ថ្នាក់ ព្រមទាំងមន្ត្រីជំនាញពាក់ព័ន្ធ ត្រូវខិតខំដោះស្រាយរាល់បញ្ហាប្រឈម និងសំណូមពររបស់ប្រជាពលរដ្ឋនៅមូលដ្ឋានឱ្យមានប្រសិទ្ធភាពខ្ពស់ និងទាន់ពេលវេលា ។

សមាជិកក្រុមប្រឹក្សាខេត្តតាកែវបានសម្ដែងការសាទរចំពោះរដ្ឋបាលខេត្តតាកែវ ដែលបានកសាងសមិទ្ធផលថ្មីរូបសំណាកបង្កងបាញ់ទឹក នៅមាត់បឹងតាកែវកណ្ដាលក្រុងដូនកែវ ដោយចាត់ទុកសមិទ្ធផលថ្មីនេះវាបានជួយទាក់ទាញភ្ញៀវទេសចរណ៍ជាតិ អន្តរជាតិ មកទស្សនាលេងកម្សាន្ត ក្នុងក្រុងដូនកែវកាន់តែច្រើនជាពិសេសវានិងជួយលើកកម្ពស់ជីវភាពបងប្អូនប្រជាពលរដ្ឋថែមទៀត។

អភិបាលខេត្តតាកែវ បានអញ្ជើញចុះពិនិត្យដោយផ្ទាល់នូវវឌ្ឍនភាពនៃការរៀបចំជុំវិញ បរិវេណរូបសំណាកបង្កង សួនច្បារ និងហេដ្ឋារចនាសម្ព័ន្ធនានាជុំវិញមាត់បឹងតាកែវ ។

តាកែវ៖ ឯកឧត្តម ម៉ក់ ជីតូ រដ្ឋលេខាធិការក្រសួងមហាផ្ទៃ បានណែនាំដល់អាជ្ញាធរខេត្តតាកែវ រួមនឹងមន្ត្រីពាក់ព័ន្ធទាំងអស់ ឱ្យយកចិត្តទុកដាក់ និងបន្តពង្រឹងការងារអនុវត្តគោលនយោបាយ «ភូមិ ឃុំ-សង្កាត់មានសុវត្ថិភាព» ឱ្យបានកាន់តែល្អប្រសើរថែមទៀតជូនបងប្អូនប្រជាពលរដ្ឋ។

ឯកឧត្តម វ៉ី សំណាង អភិបាលខេត្តតាកែវ បានសម្តែងនូវការកោតសរសើរយ៉ាងស្មោះស្ម័គ្រ និងគូសបញ្ជាក់ថា នេះគឺជាកិត្តិយស និងជាមោទនភាពដ៏ធំធេងបំផុតសម្រាប់ខេត្តតាកែវ ដែលមានប្អូនៗ កូនក្មួយជាយុវជនដ៏ប្រពៃ ប្រកប ដោយស្មារតីស្នេហាជាតិមាតុភូមិយ៉ាងជ្រាលជ្រៅ ហ៊ានលះបង់ពេលវេលា កម្លាំងកាយចិត្ត និងសុខភាពផ្ទាល់ខ្លួន ចាកចេញពីគ្រួសារទៅចូលរួមហ្វឹកហ្វឺនកងទ័ព .

តាកែវ៖ ឯកឧត្តម វ៉ី សំណាង អភិបាលខេត្តតាកែវ និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត រួមដំណើរដោយសមាជិក សមាជិកាគណៈកម្មាធិការសាខា មន្រ្តីប្រតិបត្តិសាខា និងមន្រ្តីអនុសាខា នៅព្រឹកថ្ងៃទី៣ ខែវិច្ឆិកា ឆ្នាំ២០២៦ បានអញ្ជើញចុះសួរសុខទុក្ខ និង នាំយកអំណោយមនុស្សធម៌របស់សាខាមកផ្តល់ជូនគ្រួសារប្រជាពលរដ្ឋរងគ្រោះដោយខ្យល់កន្រ្តាក់ចំនួន១៣៣គ្រួសារក្នុងនោះមានស្រុកព្រៃកប្បាសចំនួន៧៣ ខ្នងផ្ទះ (រលំទាំងស្រុង១៧ខ្នងផ្ទះ) ស្រុកបាទី ៤៩ខ្នងផ្ទះ និងស្រុកអង្គរបូរី១១ខ្នងផ្ទះ(រលំទាំងស្រុង១ខ្នង)។

អភិបាលក្រុងដូនកែវ ពលរដ្ឋដែលជួបប្រទះបញ្ហាភាពអសកម្មណាមួយកើតឡើងនៅតាមមូលដ្ឋានរបស់ខ្លួន ត្រូវរាយការណ៍មកកាន់សមត្ថកិច្ចឱ្យបានឆាប់ ដើម្បីសមត្ថកិច្ច ចុះធ្វើការអន្តរាគមន៍ និងបង្រ្កាបបទល្មើសទាំងនោះបានទាន់ពេលវេលា។

ឯកឧត្តម កែវ រតនៈ រដ្ឋមន្រ្តីក្រសួងរ៉ែ និងថាមពល បានធ្វើការអំពាវនាវអាជ្ញាធរមូលដ្ឋានក្រុងស្រុកដែលបានចេញអាជ្ញាប័ណ្ណដល់ម្ចាស់អាជីវកម្មកាយអាចម៍ដីឬអាជីវកម្មរណ្ដីដីនៅក្នុងមូលដ្ឋានរបស់ខ្លួន ត្រូវចូលរួមប្រមូល​សួយ​សារពីអាជីវកម្មទាំងអស់នេះផង។