តាកែវ ៖ លោក ឌឹម គឹមសាន្ត អភិបាលក្រុងដូនកែវ បានធ្វើការជំរុញឱ្យបងប្អូនប្រជាពលរដ្ឋបង្កើនស្មារតីសហការជាមួយអាជ្ញាធរ រួមនឹងសមត្ថកិច្ច ក្នុងករណីជួបប្រទះបញ្ហាភាពអសកម្មណាមួយកើតឡើងនៅតាមមូលដ្ឋានរបស់ខ្លួន ត្រូវរាយការណ៍មកកាន់សមត្ថកិច្ចឱ្យបានឆាប់ ដើម្បីសមត្ថកិច្ចចុះធ្វើការអន្តរាគមន៍ និងបង្ក្រាបបទល្មើសទាំងនោះបានទាន់ពេលវេលា។

តាកែវ៖ នៅថ្ងៃសៅរ៍ ទី២៤ ខែតុលា ឆ្នាំ២០២៦ លោក ភួន ឈីម អភិបាល នៃគណៈអភិបាលស្រុកកោះអណ្ដែត ព្រមទាំងសហការី និងមន្ត្រីបច្ចេកទេសពាក់ព័ន្ធ បានអញ្ជើញចុះពិនិត្យវឌ្ឍនភាពការងារជួសជុល និងចាក់ពង្រឹងគុណភាពផ្លូវបេតុង១ខ្សែ ស្ថិតនៅក្នុងភូមិត្រពាំងកក់ ឃុំធ្លាប្រជុំ ស្រុកកោះអណ្ដែត ខេត្តតាកែវ។

តាកែវ៖ លោក ភួន ឈីម អភិបាល នៃគណៈអភិបាលស្រុកកោះអណ្ដែត ព្រមទាំងសហការី និងមន្ត្រីរាជការរដ្ឋបាលស្រុក បានអញ្ជើញបន្តចុះសួរសុខទុក្ខ វីរកងទ័ពជួរមុខ ឈ្មោះ ឈាង ចំរើន ភេទប្រុស អាយុ ២០ ឆ្នាំ ដែលឈរជើងការពារទឹកដីនៅទិសប្រាសាទព្រះវិហារ និងបានសុំច្បាប់សម្រាកមកសួរសុខទុក្ខគ្រួសារនៅស្រុកកំណើត ស្ថិតក្នុងភូមិរលួស ឃុំធ្លាប្រជុំ ស្រុកកោះអណ្ដែត ខេត្តតាកែវ។

ខេត្តតាកែវ៖ នៅព្រឹកថ្ងៃទី២៣ ខែតុលា ឆ្នាំ២០២៦ នេះ លោក សោ សុផល អភិបាលរងក្រុងដូនកែវ តំណាងលោក ឌឹម គឹមសាន្ត អភិបាលនៃគណៈអភិបាលក្រុងដូនកែវ បានអញ្ជើញចូលរួមក្នុងពិធីសម្ពោធដាក់ឱ្យដំណើរការជាផ្លូវការ នូវរោងចក្រផលិតឆ័ត្រ អាវភ្លៀង និងកាបូប ជីខន រ៉ែន អ៊ីនធើណេសិនថល (ខេមបូឌា) ខូអិលធីឌី (GOLDEN RAIN INTERNATIONAL (CAMBODIA) CO.,LTD) ដែលមានទីតាំងស្ថិតនៅ ភូមិប្រហ៊ូត សង្កាត់រកាក្រៅ ក្រុងដូនកែវ។

តាកែវ៖ លោក ភួន ឈីម អភិបាល នៃគណៈអភិបាលស្រុកកោះអណ្ដែត ព្រមទាំងសហការី និងមន្ត្រីរាជការរដ្ឋបាលស្រុក នៅថ្ងៃព្រហស្បតិ៍ ទី២២ ខែតុលា ឆ្នាំ២០២៦ បានអញ្ជើញចូលរួមក្នុងពិធីបុណ្យសពលោកស្រីមាតាបង្កើតរបស់លោក ជា សុភា អភិបាលរងស្រុកកោះអណ្ដែត ដែលបានទទួលមរណភាព។

ខេត្តតាកែវ៖ នាថ្ងៃចន្ទ ៨កើត ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៩ ខែតុលា ឆ្នាំ២០២៦ លោក ភួន ឈីម អភិបាល នៃគណៈអភិបាលស្រុកកោះអណ្ដែត បានដឹកនាំលោក លោកស្រី អភិបាលរងស្រុក និងសហការី ចុះសំណេះសំណាល និងនាំយកថវិកាបេឡាមរណៈសង្គ្រោះ ព្រមទាំងសម្ភារៈមួយចំនួន ជូនដល់គ្រួសារសពសមាជិកសហគមន៍អតីតយុទ្ធជន និងនិវត្តជនកម្ពុជាចំនួន ៣គ្រួសារ ដែលមានទីលំនៅស្ថិតក្នុងឃុំក្រពុំឈូក ស្រុកកោះអណ្ដែត។