ព័ត៌មានក្នុងខេត្ត

តាកែវ៖ នាព្រឹកថ្ងៃចន្ទ ទី១៣ ខែកក្កដា ឆ្នាំ២០២៦ លោកជំទាវ ហ៊ុន ម៉ាណា អគ្គនាយិកា វិទ្យុ-ទូរទស្សន៍បាយ័ន បានអញ្ជើញប្រគល់អំណោយផ្ទះទេវតា១ខ្នងទៀត ជូន លោក ជឹម សុជាតិ អាយុ៣៦ឆ្នាំ រស់នៅភូមិព្រៃក្តួច ឃុំត្រពាំងក្រញូង ស្រុកត្រាំកក់ ខេត្តតាកែវ។ លោកជាបុរសពោះម៉ាយដោយប្រពន្ធបានស្លាប់ដោយសារគ្រោះថ្នាក់ចរាចរណ៍កាលពីឆ្នាំមុន ដោយ បន្សល់ទុកនូវកូនកំព្រាតូចៗចំនួន៦នាក់ (ប្រុស២, ស្រី៤, កូនច្បងបានបួសជាព្រះសង្ឃ)។

តាកែវ៖ កាលពីព្រឹកថ្ងៃអង្គារ ទី១៤ ខែកក្កដា ឆ្នាំ ២០២៦ លោក សាយ វណ្ណៈ អភិបាល នៃគណៈអភិបាលស្រុកបាទី បានអញ្ជើញបន្តចុះជួបសំណេះ សំណាលជាមួយក្រុមប្រឹក្សាឃុំ កម្លាំងប៉ុស្តិ៍នគរបាលរដ្ឋបាល មណ្ឌលសុខភាព លោកគ្រូ-អ្នកគ្រូ មេភូមិ និងតំណាងប្រជាការពារ នៅក្នុងសាលាឃុំក្រាំងលាវ ស្រុកបាទី ខេត្តតាកែវ។

(តាកែវ)៖ អភិបាលស្រុកព្រៃកប្បាស លោក គិន ភក្តី នៅព្រឹកថ្ងៃច័ន្ទ ទី១៣ ខែកក្កដា ឆ្នាំ២០២៦ នេះ បានដឹកនាំមន្ត្រីក្រោមឱវាទ សិស្សានុសិស្ស និងបងប្អូនប្រជាពលរដ្ឋប្រមាណ ៣រយនាក់ ចុះដាំដើមផ្កាសាគូរ៉ាចំនួន ១០០ដើម និងដើមក្ងោកចំនួន ២០០ដើម ដោយពិធីនេះបានរៀបចំធ្វើឡើងនៅឃុំចំប៉ា និងឃុំតាំងយ៉ាប។

ដូនកែវ៖ លោក សោ សុផល អភិបាលរងក្រុង នៅព្រឹកថ្ងៃសុក្រ ទី១០ ខែកក្កដា ឆ្នាំ២០២៦ នេះ បានដឹកនាំកម្លាំងការិយាល័យជំនាញពាក់ព័ន្ធ ចុះអនុវត្តវិធានការច្បាប់យ៉ាងតឹងរ៉ឹង បញ្ជាឱ្យផ្អាកការដ្ឋាន និងបង្គាប់ឱ្យរុះរើសំណង់ខុសច្បាប់មួយទីតាំង ស្ថិតនៅក្នុងភូមិអូស្វាយចេក សង្កាត់រកាក្នុង ក្រុងដូនកែវ ។

តាកែវ៖ ក្នុងគោលបំណងតាមដានដិតដល់ពីសុខទុក្ខ និងជំរុញវឌ្ឍនភាពសេដ្ឋកិច្ចគ្រួសាររបស់ប្រជាពលរដ្ឋនៅតាមមូលដ្ឋាន នាថ្ងៃព្រហស្បតិ៍ ទី០៩ ខែកក្កដា ឆ្នាំ២០២៦ នេះ លោក គិន ភក្តី អភិបាលនៃគណៈអភិបាលស្រុកព្រៃកប្បាស ព្រមទាំងសហការី រួមដំណើរដោយអាជ្ញាធរមូលដ្ឋានឃុំ-ភូមិ បានអញ្ជើញចុះជួបសំណេះសំណាល និងពិនិត្យស្ថានភាពជាក់ស្តែងនៃការរស់នៅ ព្រមទាំងសកម្មភាពបង្កបង្កើនផលដំណាំពោត និងដំណាំរួមផ្សំផ្សេងៗទៀត របស់បងប្អូនប្រជាកសិករ ស្ថិតនៅក្នុងភូមិសាស្ត្រឃុំកំពង់រាប ស្រុកព្រៃកប្បាស ខេត្តតាកែវ។

តាកែវ ៖ លោក ហ៊ត មនោ អភិបាលស្រុកត្រាំកក់ និងជាប្រធានគណៈកម្មាធិការសមាគមអតីតយុទ្ធជនកម្ពុជា (អ.ន.ក)ស្រុក បានដឹកនាំក្រុមការងារ ចុះពិនិត្យ និងសួរសុខទុក្ខគ្រួសារអតីតយុទ្ធជន ដែលបានទទួលផ្ទះថ្មីរួចរាល់ជាស្ថាពរ ចំនួន ០១គ្រួសារ ឈ្មោះ មាស វណ្ណា រស់នៅភូមិព្រៃឈើទាល ឃុំតាភេម ស្រុកត្រាំកក់ ខេត្តតាកែវ។

តាកែវ៖ លោក ភួន ឈីម អភិបាលនៃគណៈអភិបាលស្រុកកោះអណ្ដែត រួមជាមួយសហការី បានអញ្ជើញចុះជួបសំណេះសំណាល និងសាកសួរសុខទុក្ខផ្ទាល់ដល់គេហដ្ឋាន ជូនដល់បងប្អូនវីរកងទ័ពចំនួន ៣រូប ដែលកំពុងបំពេញភារកិច្ចការពារបូរណភាពទឹកដីនៅសមរភូមិមុខ បន្ទាត់ព្រំដែនខ្មែរ-ថៃ ហើយបានសុំច្បាប់សម្រាកមកសួរសុខទុក្ខក្រុមគ្រួសារ នៅក្នុងឃុំរមេញ ស្រុកកោះអណ្ដែត ខេត្តតាកែវ កាលពីរសៀលថ្ងៃពុធ ទី០៨ ខែកក្កដា ឆ្នាំ២០២៦ ។

តាកែវ៖ ដើម្បីធានាឱ្យបាននូវប្រភពទឹកគ្រាន់គ្រាន់សម្រាប់បម្រើឱ្យការងារបង្កបង្កើនផលស្រូវរបស់ប្រជាកសិករ លោក ភួន ឈីម អភិបាលស្រុកកោះអណ្ដែត ព្រមទាំងសហការី បានអញ្ជើញចុះពិនិត្យស្ថានភាពជាក់ស្ដែងនៅស្ថានីយបូមទឹកបន្ទាយធ្លាយ និងប្រព័ន្ធស្រោចស្រពដំណាំស្រូវ ស្ថិតនៅក្នុងភូមិសាស្ត្រឃុំព្រៃខ្លា ស្រុកកោះអណ្ដែត ខេត្តតាកែវ។

ដូនកែវ៖ នាព្រឹកថ្ងៃពុធ ទី០៨ ខែកក្កដា ឆ្នាំ២០២៦ នេះ លោក សោ សុផល អភិបាលរងនៃគណៈអភិបាលក្រុងដូនកែវ បានដឹកនាំមន្ត្រីការិយាល័យជំនាញពាក់ព័ន្ធ រួមជាមួយអាជ្ញាធរសង្កាត់រកាក្នុង ចុះ សម្របសម្រួល និងបើកឡើងវិញនូវផ្លូវសាធារណៈមួយខ្សែ ដែលមានទំហំទទឹង ៦ម៉ែត្រ និងបណ្ដោយប្រវែង ២០០ម៉ែត្រ ស្ថិតនៅក្នុងភូមិច្រេស សង្កាត់រកាក្នុង ក្រុងដូនកែវ ខេត្តតាកែវ។

គិរីវង់៖ គម្រោងហេដ្ឋារចនាសម្ព័ន្ធភ្លើងបំភ្លឺផ្លូវសាធារណៈ ដោយប្រើប្រាស់ថាមពលពន្លឺព្រះអាទិត្យ (សូឡា) សរុបចំនួន ១៩៥ដើម ស្ថិតក្នុងឃុំអង្គប្រាសាទ ស្រុកគិរីវង់ ខេត្តតាកែវ ត្រូវបានដំឡើងនិងបិទបញ្ចប់ដោយជោគជ័យតាមផែនការដែលបានគ្រោងទុក នាំមកនូវក្តីត្រេកអរ និងស្នាមញញឹមយ៉ាងជ្រាលជ្រៅពីសំណាក់ប្រជាពលរដ្ឋក្នុងមូលដ្ឋាន។

តាកែវ៖ នាព្រឹកថ្ងៃចន្ទ ទី០៦ ខែកក្កដា ឆ្នាំ២០២៦ នេះ លោក លីវ សំណាង ប្រធានមន្ទីរអភិវឌ្ឍន៍ជនបទខេត្តតាកែវ និងលោក ឌឹម គឹមសាន អភិបាល នៃគណៈអភិបាលក្រុងដូនកែវ បានអញ្ជើញចុះពិនិត្យវឌ្ឍនភាពការងារជួសជុលផ្លូវកម្រាលកៅស៊ូពីរជាន់ (DBST) ចំនួន ១ខ្សែ ដែលជាគម្រោងថែទាំប្រចាំឆ្នាំ២០២៦។ ខ្សែផ្លូវជនបទដ៏មានសារៈសំខាន់មួយខ្សែនេះ មានប្រវែងសរុប ១២ ០០០ ម៉ែត្រ (ចាប់ពីចំណុចខ្នាតៃ ដល់ ប្រហូត) ដោយតភ្ជាប់ចាប់ពីក្រុងដូនកែវ ឆ្ពោះទៅកាន់ផ្លូវជាតិលេខ៣ ក្នុងភូមិសាស្ត្រស្រុកត្រាំកក់ ខេត្តតាកែវ។ គម្រោងថែទាំនិងជួសជុលឡើងវិញនេះ គឺអនុវត្តដោយផ្ទាល់ដោយមន្ទីរអភិវឌ្ឍន៍ជនបទខេត្តតាកែវ។

ដូនកែវ៖ ក្នុងវិធានការរឹតបន្តឹងច្បាប់សំណង់ និងពង្រឹងសណ្ដាប់ធ្នាប់សោភ័ណភាពទីក្រុង នាព្រឹកថ្ងៃទី០៧ ខែកក្កដា ឆ្នាំ២០២៦ លោក សោ សុផល អភិបាលរងក្រុងដូនកែវ បានដឹកនាំមន្ត្រីការិយាល័យជំនាញពាក់ព័ន្ធ ចុះត្រួតពិនិត្យការដ្ឋានសំណង់ផ្ទាល់ដល់ទីតាំង ដែលស្ថិតនៅក្នុងភូមិសាស្ត្រសង្កាត់បារាយណ៍ ក្នុងក្រុងដូនកែវ ខេត្តតាកែវ។