ព័ត៌មានក្នុងខេត្ត

តាកែវ៖ ឯកឧត្តមបណ្ឌិត ជា វ៉ាន់ដេត សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តតាកែវ បានជំរុញដល់ថ្នាក់ដឹកនាំ សមាជិក សមាជិកាគណបក្សប្រជាជនកម្ពុជាខេត្តតាកែវទាំងអស់ ត្រូវបង្កើនសកម្មភាពផ្សព្វផ្សាយអំពីសមិទ្ធផលដែលគណបក្សសម្រេចបានទៅកាន់ប្រជាពលរដ្ឋ សំដៅពង្រីកភាពឈ្នះ ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៦ ឆ្នាំ២០២៧ខាងមុខនេះ។

តាកែវ៖ លោក ហែម ឬទ្ធី អភិបាលរង នៃគណៈអភិបាលខេត្តតាកែវ ថ្មីៗនេះ បានអញ្ជើញចុះពិនិត្យ យុទ្ធនាការផ្តល់ និងបន្តសុពលភាពអត្តសញ្ញាណប័ណ្ណសញ្ជាតិខ្មែរ ដែលបានដាក់ឱ្យមូលដ្ឋានរៀបចំធ្វើជូនប្រជាពលរដ្ឋដែលផុតសុពលភាព ប្រជាពលរដ្ឋគ្រប់អាយុត្រូវធ្វើថ្មី និងការដោះស្រាយរាល់ឯកសារមិនទាន់សមស្រប នៅប៉ុស្តិ៍នគរបាលរដ្ឋបាលលាយបូរ ស្ថិតក្នុងឃុំលាយបូរ ស្រុកត្រាំកក់ ខេត្តតាកែវ។

តាកែវ៖ នៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុង «ពិធីប្រគល់សញ្ញាបត្រដល់សិស្ស និងនិស្សិត នៃវិទ្យាស្ថានពហុបច្ចេកទេសភូមិភាគតេជោសែនតាកែវ» នាព្រឹកថ្ងៃសៅរ៍ ទី០១ ខែសីហា ឆ្នាំ២០២៦ នេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានចាត់ទុកការអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) ថា ជាស្ពានចម្លងដ៏រឹងមាំសម្រាប់យុវជនឆ្ពោះទៅកាន់គោលដៅ និងក្តីស្រមៃរបស់ពួកគេ ហើយ TVET គឺជាវិថីនៃការចាប់យកជំនាញដ៏ពិតប្រាកដសម្រាប់ជីវិត។

តាកែវ៖ នាថ្ងៃទី០១ ខែសីហា ឆ្នាំ២០២៦ នេះ លោក ឌឹម គឹមសាន អភិបាល នៃគណៈអភិបាលក្រុងដូនកែវ អមដំណើរដោយ លោកស្រី អភិបាលរងក្រុង និងសហការី បានអញ្ជើញចុះជួបសួរសុខទុក្ខ និងសំណេះសំណាលដោយផ្ទាល់ជាមួយបងប្អូនអាជីវករ ព្រមទាំងប្រជាពលរដ្ឋដែលកំពុងប្រកបរបរលក់ដូរនៅក្នុងផ្សារណាត់ ស្ថិតនៅភូមិ១ សង្កាត់រកាក្នុង ក្រុងដូនកែវ ខេត្តតាកែវ។

តាកែវ៖ ទំនាស់ដីធ្លី និងការលក់ដូរលើចំណីផ្លូវសាធារណៈនៅមុខផ្សារអង្គរបូរី ដែលបានកើតឡើង និងអូសបន្លាយពេលយ៉ាងយូរអស់រយៈពេលជាច្រើនឆ្នាំកន្លងមក ត្រូវបានដោះស្រាយបញ្ចប់ដោយសន្តិវិធី និងទទួលបានជោគជ័យទាំងស្រុង ក្រោមការសម្របសម្រួលផ្ទាល់ពី លោក កង អាណាន់ អភិបាល នៃគណៈអភិបាលស្រុកអង្គរបូរី នាព្រឹកថ្ងៃទី៣១ ខែកក្កដា ឆ្នាំ២០២៦ នេះ។

តាកែវ៖ រសៀលថ្ងៃសុក្រ ទី៣១ ខែកក្កដា ឆ្នាំ២០២៦ លោក ស៊ូ ភិរម្យ អភិបាល នៃគណៈអភិបាលស្រុកបូរីជលសារ បានអញ្ជើញចុះជួបសួរសុខទុក្ខ និងសំណេះសំណាលដោយផ្ទាល់ជាមួយវីរៈកងទ័ពចំនួន ១រូប ដែលបានអញ្ជើញមកលេងគេហដ្ឋាន ដើម្បីជួបជុំក្រុមគ្រួសារ ស្ថិតនៅក្នុងភូមិកំពង់អំពិល ឃុំបូរីជលសារ ស្រុកបូរីជលសារ ខេត្តតាកែវ។

តាកែវ៖ មន្ត្រីសុខាភិបាលខេត្តតាកែវ បានធ្វើការអំពាវនាវយ៉ាងទទូចដល់អាជ្ញាធរមូលដ្ឋាន និងដៃគូអង្គការជាតិ-អន្តរជាតិ វិស័យឯកជន រួមទាំងមន្ត្រីពាក់ព័ន្ធទាំងអស់នៅក្នុងខេត្តតាកែវ ត្រូវរួមសហការគ្នា បង្ការ និងទប់ស្កាត់ការរីករាលដាលនៃមេរោគអេដស៍ នៅក្នុងភូមិសាស្ត្រខេត្តតាកែវ។

តាកែវ៖ សាខាធនាគារជាតិនៃកម្ពុជា ខេត្តតាកែវ បានធ្វើការអំពាវនាវឱ្យបងប្អូនប្រជាពលរដ្ឋ យកប្រាក់ ប្រាក់សន្សំរបស់ខ្លួន ទៅផ្ញើទុកនៅគ្រឹះស្ថានធនាគារ និងហិរញ្ញវត្ថុណាមួយ បងប្អូននឹងទទួលបានកម្រៃការប្រាក់បន្ថែមជាប្រចាំ និងជាចំណែកមួយនៃប្រភពទុនដើម្បីជួយអភិវឌ្ឍសេដ្ឋកិច្ចជាតិ។

តាកែវ៖ នាថ្ងៃទី៣១ ខែកក្កដា ឆ្នាំ២០២៦ នេះ លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ អនុប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកគិរីវង់ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំសោម បានអញ្ជើញជាអធិបតីភាពក្នុង «ពិធីវេទិកាសាធារណៈ» ដែលបានប្រារព្ធធ្វើឡើងនៅវត្តសោម ឃុំសោម ស្រុកគិរីវង់ ខេត្តតាកែវ។

តាកែវ៖ នៅសាលប្រជុំសាលាស្រុកបាទី មានការរៀបចំ «កិច្ចប្រជុំសាមញ្ញក្រុមប្រឹក្សាស្រុកបាទី លើកទី២៦ ខែទី២ ឆ្នាំទី៣ នៃអាណត្តិទី៤» ក្រោមអធិបតីភាព លោក តែ ឆុន ប្រធានក្រុមប្រឹក្សាស្រុក និងលោក សាយ វណ្ណៈ អភិបាលស្រុកបាទី នារសៀលថ្ងៃព្រហស្បតិ៍ ទី៣០ ខែកក្កដា ឆ្នាំ២០២៦ ។

តាកែវ៖ កម្លាំងនគរបាល នៃអធិការដ្ឋាននគរបាលស្រុកបាទី បានបើកប្រតិបត្តិការស្រាវជ្រាវយ៉ាងក្តៅគគុក រហូតឈានដល់ការឃាត់ខ្លួនជនសង្ស័យចំនួន ៤នាក់ ជាបន្តបន្ទាប់ ពាក់ព័ន្ធករណី «អំពើលួចមានស្ថានទម្ងន់ទោស» ដោយបានធ្វើសកម្មភាពលួចគាស់ទ្វារចែតិយ៍ និងវាយកម្ទេចកោដ្ឋអដ្ឋិធាតុ ដើម្បីស្វែងរកទ្រព្យសម្បត្តិមានតម្លៃនៅក្នុងវត្តចំបក់បិតមាស ស្ថិតក្នុងឃុំពត់សរ ស្រុកបាទី ខេត្តតាកែវ។

តាកែវ៖ នៅព្រឹកថ្ងៃព្រហស្បតិ៍ ទី៣០ ខែកក្កដា ឆ្នាំ២០២៦ លោក អ៊ុំ ចំរើន អភិបាល នៃគណៈអភិបាលស្រុកទ្រាំង បានដឹកនាំក្រុមការងារចុះពិនិត្យការសាងសង់ផ្ទះ សាកសួរសុខទុក្ខ និងនាំយកអំណោយជាសម្ភារមួយចំនួនទៅប្រគល់ជូនគ្រួសារអតីតយុទ្ធជនចំនួន ៤គ្រួសារ ដែលទទួលបានផ្ទះជាអំណោយដ៏ថ្លៃថ្លា។