ព័ត៌មានក្នុងខេត្ត

លោក អ៊ុំ ចំរើន អភិបាល នៃគណៈអភិបាលស្រុកទ្រាំង បានអញ្ជើញនាំយកកូនឈើចម្រុះសរុបចំនួន ១៣ដើម ទៅប្រគល់ជូនដល់រដ្ឋបាលឃុំធ្លក ដើម្បចូលរួមចំណែកក្នុងការដាំដុះ លើកកម្ពស់គម្របបៃតង និងបម្រើដល់សោភ័ណភាពក្នុងមូលដ្ឋាន។

តាកែវ៖ នៅព្រឹកថ្ងៃពុធ ទី០៥ ខែសីហា ឆ្នាំ២០២៦ នេះ ក្រុមទី៦ នៃកម្មវិធីអនុវិស័យរដ្ឋបាលដីធ្លី នៃមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តតាកែវ បានរៀបចំពិធីចែកវិញ្ញាបនប័ត្រសម្គាល់ម្ចាស់អចលនវត្ថុ (ប័ណ្ណកម្មសិទ្ធិដីធ្លី) ជូនប្រជាពលរដ្ឋរស់នៅក្នុងភូមិខ្ពបស្វាយ និងភូមិផ្លូវលោក ឃុំត្រពាំងក្រញូង ស្រុកត្រាំកក់ ខេត្តតាកែវ។

តាកែវ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនីតិវិធីពី ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ កម្លាំងអាវុធហត្ថបានចុះប្រតិបត្តិការបង្ក្រាបបទល្មើសគ្រឿងញៀននៅក្នុងមូលដ្ឋានស្រុកសំរោងយ៉ាងមានប្រសិទ្ធភាព។

ឱកាសការងារជូនបងប្អូនប្រជាពលរដ្ឋក្នុងមូលដ្ឋានរហូតដល់ ៨០០ កន្លែង​ ក្នុងក្រុងដូនកែវ​ បានមកទៀតហើយ​។

តាកែវ៖ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ នៅព្រឹកថ្ងៃពុធ ទី០៥ ខែសីហា ឆ្នាំ២០២៦ នេះ បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះពិនិត្យមើលដំណើរការសាងសង់អគារសមាគមអតីតយុទ្ធជន និងនិវត្តជនកម្ពុជាខេត្តតាកែវ ដែលមានទីតាំងស្ថិតនៅក្នុងភូមិចក សង្កាត់រកាក្នុង ក្រុងដូនកែវ ខេត្តតាកែវ។

លោក អ៊ុំ ចំរើន អភិបាល នៃគណៈអភិបាលស្រុកទ្រាំង និងជាប្រធានកិត្តិយសអនុសាខាកាកបាទក្រហមកម្ពុជាស្រុកទ្រាំង រួមដំណើរដោយលោក សោភ័ណ្ឌ ផល្លា ប្រធានអនុសាខាកាកបាទក្រហមកម្ពុជាស្រុកទ្រាំង បានអញ្ជើញនាំយកអំណោយមនុស្សធម៌របស់សាខាកាកបាទក្រហមកម្ពុជាខេត្តតាកែវ ចុះសួរសុខទុក្ខ និងចូលរួមរំលែកទុក្ខយ៉ាងក្រៀមក្រំជាមួយគ្រួសារសពឈ្មោះ កឹម អ៊ាម ដែលបានទទួលមរណភាពដោយសារគ្រោះថ្នាក់លង់ទឹក ស្ថិតនៅភូមិព្រៃដកពរ ឃុំសំបួរ ស្រុកទ្រាំង ខេត្តតាកែវ។

ក្នុងរយៈពេល ៦ខែដើមឆ្នាំ២០២៦ រោងចក្រនៅកម្ពុជាបានកើនឡើងចំនួន ៨៤៥រោងចក្រ និងបានបង្កើតឱកាសការងារថ្មីជាង ៩ម៉ឺនកន្លែងជូនដល់ប្រជាពលរដ្ឋ ដែលបង្ហាញពីបរិយាកាសវិនិយោគដ៏រឹងមាំ និងភាពទាក់ទាញរបស់កម្ពុជាក្នុងនាមជាគោលដៅវិនិយោគ។

ឯកឧត្ដម ឈួន ឆាម ប្រធានស្ដីទីក្រុម ព្រមទាំងសមាជិកព្រឹទ្ធសភា រួមមាន ឯកឧត្ដម គិណ ណែត, ឯកឧត្ដម លី សារី, លោកជំទាវ កង សៅរ៍ធន និងឯកឧត្ដម អ៊ុន វណ្ណា បានអញ្ជើញជាអធិបតីភាពក្នុងពិធីសំណេះសំណាលជាមួយថ្នាក់ដឹកនាំស្រុក សមាជិកក្រុមប្រឹក្សាឃុំ ស្មៀនឃុំ និងនាយប៉ុស្តិ៍នគរបាលរដ្ឋបាលឃុំ នៃរដ្ឋបាលស្រុកកោះអណ្ដែត ខេត្តតាកែវ ។

សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការកែទម្រង់រដ្ឋបាលសាធារណៈគឺជាស្នូលនៃអភិបាលកិច្ចប្រកបដោយប្រសិទ្ធភាពសម្រាប់ប្រទេសកម្ពុជា ។ ក្នុងឱកាសអញ្ជើញជាអធិបតីដ៏ខ្ពង់ខ្ពស់បើកកិច្ចប្រជុំរដ្ឋមន្ត្រីលើវិស័យមុខងារសាធារណៈអាស៊ានលើកទី២៣ និងអាស៊ានបូកបីលើកទី៨ ស្ដីពីកិច្ចការមុខងារសាធារណៈក្រោមមូលបទ "នវានុវត្តន៍សម្រាប់ការផ្តល់សេវាសាធារណៈឱ្យកាន់តែប្រសើរឡើង”

លោក អ៉ិត សារ ប្រធានក្រុមប្រឹក្សាស្រុកព្រៃកប្បាស និងលោក គិន ភក្ដី អភិបាល នៃគណៈអភិបាលស្រុក ព្រមទាំងភរិយា បានដឹកនាំមន្ត្រីរាជការ និងអាជ្ញាធរមូលដ្ឋាន នាំយកទៀនចំណាំព្រះវស្សា ទេយ្យវត្ថុ និងបច្ច័យ ទៅវេរប្រគេនដល់ព្រះសង្ឃដែលគង់ចាំព្រះវស្សាអស់ត្រីមាស នៅវត្តឈ្នះ និងវត្តធម្មវិន័យ ស្ថិតក្នុងឃុំស្នោ ស្រុកព្រៃកប្បាស ខេត្តតាកែវ។

អនុលោមតាមចំណាររបស់សម្ដេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ចុះថ្ងៃទី២៨ ខែកក្កដា ឆ្នាំ២០២៦ និងប្រសាសន៍ណែនាំរបស់សម្ដេចធិបតី ក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋ នៅស្រុកខ្សាច់កណ្តាល ខេត្តកណ្តាល កាលពីថ្ងៃទី២៩ ខែកក្កដា ឆ្នាំ២០២៦ រាជរដ្ឋាភិបាលបានដាក់ចេញនូវវិធានការគាំទ្រ តាមរយៈការលើកលែង និងអនុគ្រោះផ្នែកពន្ធដារមួយចំនួន។

តាកែវ៖ ដើម្បីបង្ហាញពីការយកចិត្តទុកដាក់ និងការដឹងគុណចំពោះវីរវឌ្ឍនភាព និងការលះបង់របស់កងទ័ពការពារព្រំដែន នារសៀលថ្ងៃចន្ទ ទី០៣ ខែសីហា ឆ្នាំ២០២៦ នេះ លោក ភួន ឈីម អភិបាល នៃគណៈអភិបាលស្រុកកោះអណ្តែត ព្រមទាំងសហការី បានអញ្ជើញចុះសួរសុខទុក្ខ និងសំណេះសំណាលដោយផ្ទាល់ជាមួយគ្រួសារកងទ័ពជួរមុខចំនួន ៣រូប ដែលបានឆ្លៀតឱកាសមកលេងស្រុកកំណើតក្នុងស្រុកកោះអណ្តែត ខេត្តតាកែវ។