ព័ត៌មានក្នុងខេត្ត

តាកែវ៖ នៅក្នុងឱកាសអញ្ជើញចុះជួបសំណេះសំណាល និងពង្រឹងរបៀបរបបការងារជាមួយអាជ្ញាធរ និងមន្ត្រីមូលដ្ឋានឃុំត្រពាំងក្រញូង ស្រុកត្រាំកក់ នារសៀលថ្ងៃចន្ទ ទី២៧ ខែកក្កដា ឆ្នាំ២០២៦ នេះ លោក ហ៊ត មនោ អភិបាលស្រុកត្រាំកក់ បានធ្វើការណែនាំទៅដល់អាជ្ញាធរមូលដ្ឋាន នៅពេលដែលប្រជាពលរដ្ឋ មកទទួលសេវាសាធារណៈ ត្រូវស្វាគមន៍ និងទទួលពួកគាត់យ៉ាងចិត្តទុកដាក់ ជាពិសេសត្រូវផ្តល់សេវាឱ្យបានលឿនរហ័ស ។

តាកែវ៖ នារសៀលថ្ងៃទី២៧ ខែកក្កដា ឆ្នាំ២០២៦ នេះ លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានអញ្ជើញដឹកនាំកិច្ចប្រជុំត្រួតពិនិត្យការអនុវត្តតួនាទីភារកិច្ច និងលទ្ធផលការងារប្រចាំសប្តាហ៍ នៅបញ្ជាការដ្ឋានកងរាជអាវុធហត្ថខេត្តតាកែវ។ កិច្ចប្រជុំនេះ មានការអញ្ជើញចូលរួមពីសំណាក់ លោកមេបញ្ជាការរង លោកនាយសេនាធិការរង លោកប្រធានមន្ទីរទាំង៧ លោកនាយការិយាល័យពាក់ព័ន្ធ ប្រធានក្រុមការងារយេនឌ័រ ប្រធានអង្គភាពនគរបាលយុត្តិធម៌ និងលោកមេបញ្ជាការរង កងអនុសេនាធំចល័ត។

តាកែវ៖ នាព្រឹកថ្ងៃចន្ទ ទី២៧ ខែកក្កដា ឆ្នាំ២០២៦ នេះ លោកស្រី ចាន់ ធីដា អភិបាលរងក្រុងដូនកែវ អមដំណើរដោយលោកប្រធានការិយាល័យផែនការ និងគាំទ្រឃុំសង្កាត់ ព្រមទាំងក្រុមការងារជំនាញ បានអញ្ជើញចុះជួបសំណេះសំណាលជាមួយប្រជាពលរដ្ឋ និងចុះវាយតម្លៃការងារបញ្ចប់ការធានាគុណភាព ៦ខែ នៃគម្រោងសាងសង់ផ្លូវបេតុងអាមេ ដែលមានប្រវែងសរុប ១.៥៧៥ម៉ែត្រ ស្ថិតក្នុងភូមិចុងថ្នល់ ភូមិត្រពាំងលាក់ និងភូមិស្វាយឫស្សី សង្កាត់បារាយណ៍ ក្រុងដូនកែវ ខេត្តតាកែវ។

តាកែវ៖ ដើម្បីចូលរួមចំណែកការពារ និងទប់ស្កាត់ការផ្ទុះរាតត្បាតនៃជំងឺគ្រុនឈាមក្នុងសហគមន៍ ស្របតាមផែនការយុទ្ធសាស្ត្ររបស់កាកបាទក្រហមកម្ពុជា លើវិស័យសុខភាពសាធារណៈ នាព្រឹកថ្ងៃចន្ទ ទី២៧ ខែកក្កដា ឆ្នាំ២០២៦ នេះ សាខាកាកបាទក្រហមកម្ពុជា ខេត្តតាកែវ បានចុះធ្វើយុទ្ធនាការផ្សព្វផ្សាយ និងអប់រំសុខភាពជាក់ស្តែងជូនប្រជាពលរដ្ឋ។

តាកែវ៖ ឯកឧត្តមបណ្ឌិត ស៊ូ ភិរិន្ទ អ្នកតំណាងរាស្ត្រមណ្ឌលខេត្តតាកែវ បានលើកឡើងថា រយៈពេល១ឆ្នាំកន្លងមកនេះ ប្រជាពលរដ្ឋខ្មែរនៅទូទាំងប្រទេស នៅតែចងចាំស្រមោលអតីតកាល នៃការឈ្លានពានពីសំណាក់កងទ័ពសៀមមកលើទឹកដីខ្មែរដោយខុសច្បាប់ និងដឹងគុណជានិច្ចនូវការលះបង់ដ៏ធំធេងរបស់វីរកងទ័ពជួរមុខ ក្នុងការការពារបូរណភាពទឹកដី។

តាកែវ៖ ដើម្បីឆ្លើយតបបានទាន់ពេលវេលាចំពោះតម្រូវការទឹកស្រោចស្រពស្រូវរដូវវស្សារបស់ប្រជាកសិករ ថ្មីៗនេះ លោក កៅ វគ្គសែល អភិបាលស្រុកសំរោង បានដឹកនាំក្រុមការងារ មន្ត្រីជំនាញការិយាល័យកសិកម្ម ធនធានធម្មជាតិ និងបរិស្ថានស្រុក ព្រមទាំងលោកមេឃុំ និងសមាជិកក្រុមប្រឹក្សាឃុំពាក់ព័ន្ធ ចុះពិនិត្យស្ថានភាពទឹកជាក់ស្តែងនៅចំណុច «ធ្នោះតាគង់»។

តាកែវ៖ នាព្រឹកថ្ងៃចន្ទ ទី២៧ ខែកក្កដា ឆ្នាំ២០២៦ នេះ នៅសាលប្រជុំតូចរដ្ឋបាលខេត្តតាកែវ ថ្នាក់ដឹកនាំ និងសមាជិកាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តតាកែវ ដឹកនាំដោយលោកស្រី ឡុង បូណារេត អភិបាលរងខេត្តតាកែវ បានអញ្ជើញចូលរួមកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ ទិសដៅការងារបន្ត និងផ្សព្វផ្សាយសេចក្តីសម្រេចផែនការសកម្មភាពរបស់គណៈចលនាស្ត្រី នៃគណៈមហាជន គណៈកម្មាធិការកណ្តាល តាមរយៈប្រព័ន្ធវីដេអូអនឡាញ (Zoom Meeting) ក្រោមអធិបតីភាព សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ ។

តាកែវ៖ នាព្រឹកថ្ងៃទី២៦ ខែកក្កដា ឆ្នាំ២០២៦ លោក សាន ខុន ប្រធានក្រុមប្រឹក្សាស្រុក និងលោក អ៊ុំ ចំរើន អភិបាល នៃគណៈអភិបាលស្រុកទ្រាំង បានអញ្ជើញជាគណៈអធិបតីភាពដ៏ខ្ពង់ខ្ពស់ក្នុង ពិធីសម្ពោធដាក់ឱ្យប្រើប្រាស់បណ្ណាល័យបឋមសិក្សា និងសមិទ្ធផលនានា ក្នុងវត្តជីខ្មា ដែលស្ថិតនៅឃុំជីខ្មា ស្រុកទ្រាំង ខេត្តតាកែវ។

តាកែវ៖ លោក ហែម ឬទ្ធី អភិបាលរងខេត្តតាកែវ បានណែនាំ ដល់អាជ្ញាធរដែនដីគ្រប់លំដាប់ថ្នាក់ ត្រូវបង្កើនសកម្មភាពផ្សព្វផ្សាយឱ្យកាន់តែទូលំទូលាយ និងស៊ីជម្រៅ ស្តីពីការធ្វើអត្តសញ្ញាណប័ណ្ណសញ្ជាតិខ្មែរ ជូនដល់ប្រជាពលរដ្ឋនៅក្នុងមូលដ្ឋានរបស់ខ្លួន។ ការណែនាំនេះធ្វើឡើងកាលពីថ្ងៃទី២៦ខែកក្កដា ឆ្នាំ២០២៦ ក្នុងឱកាសដែលលោកអភិបាលរងខេត្ត អញ្ជើញចុះពិនិត្យសកម្មភាពមន្រ្តីជំនាញផ្តល់សេវាធ្វើអត្តសញ្ញាណប័ណ្ណសញ្ជាតិខ្មែរ នៅបរិវេណវត្តកំពង់ស្លែង ស្ថិតក្នុងភូមិព្រេច សង្កាត់រកាក្រៅ ក្រុងដូនកែវ។

ហូជីមិញ, វៀតណាម៖ មន្រ្តីសារព័ត៌មានចំនួ២៧រូប បានចូលរួមវគ្គបណ្តុះបណ្តាលក្រោមប្រធានបទ «ជំនាញអនុវត្តន៍ឆ្លាតវៃក្នុងយុគសម័យឌីជីថល» ត្រូវបានរៀបចំឡើងនៅទីក្រុងហូជីមិញ សាធារណរដ្ឋសង្គមនិយមវៀតណាម ដោយនាយកដ្ឋានសារព័ត៌មាន នៃក្រសួងវប្បធម៌ កីឡា និងទេសចរណ៍វៀតណាម ចាប់ពីថ្ងៃទី២៧ ដល់ថ្ងៃទី៣០ ខែកក្កដា ឆ្នាំ២០២៦ ។

តាកែវ៖ ដើម្បីចូលរួមចំណែកសម្រាលទុក្ខធុរៈ និងលើកកម្ពស់ជីវភាពរស់នៅរបស់ប្រជាពលរដ្ឋ នាព្រឹកថ្ងៃសៅរ៍ ទី២៥ ខែកក្កដា ឆ្នាំ២០២៦ នេះ ឯកឧត្តមបណ្ឌិត សៀ សុភ័ក្ត្រ រដ្ឋលេខាធិការក្រសួងធម្មការ និងសាសនា និងលោក ហ៊ត មនោ អភិបាល នៃគណៈអភិបាលស្រុកត្រាំកក់ បានអញ្ជើញជាគណៈអធិបតីក្នុងពិធីចែកអំណោយសប្បុរសធម៌ជូនដល់ប្រជាពលរដ្ឋចំនួន ២៣០គ្រួសារ ស្ថិតនៅឃុំត្រពាំងធំខាងត្បូង ស្រុកត្រាំកក់ ខេត្តតាកែវ។

តាកែវ៖ នាព្រឹកថ្ងៃសៅរ៍ ទី២៥ ខែកក្កដា ឆ្នាំ២០២៦ នេះ ស្នាក់ការគណបក្សស្រុកទ្រាំង ខេត្តតាកែវ បានរៀបចំកិច្ចប្រជុំជីវភាពនយោបាយប្រចាំខែកក្កដា ឆ្នាំ២០២៦ របស់គណៈកម្មាធិការគណបក្សស្រុកទ្រាំង ក្រោមអធិបតីភាពដ៏ខ្ពង់ខ្ពស់របស់ លោក អ៊ុំ ចំរើន ប្រធានគណៈកម្មាធិការគណបក្សស្រុកទ្រាំង។