ព័ត៌មានក្នុងខេត្ត

លោកស្រី ឡុង បូណារ៉េត អភិបាលរងខេត្តតាកែវ អញ្ជើញបើកវគ្គបណ្ដុះបណ្ដាលស្ដីពី ការចិញ្ចឹមកូនបែបវិជ្ជមាន និងឧបករណ៍ផ្សព្វផ្សាយសាកល (កម្រិតទី១)

តាកែវ៖ លោក ឃុត ប៊ុនធឿន ប្រធានអង្គភាពច្រកចេញចូលតែមួយរដ្ឋបាលខេត្តតាកែវ បានណែនាំ និងក្រើនរំលឹកដល់មន្ត្រីរាជការ និងបុគ្គលិកជំនាញគ្រប់វិស័យចំណុះអង្គភាព ត្រូវបន្តពង្រឹងស្មារតីទទួលខុសត្រូវ លើកកម្ពស់មនសិការវិជ្ជាជីវៈ និងគោរពពេលវេលាការងារឱ្យបានខ្ជាប់ខ្ជួន ដើម្បីបង្កើនប្រសិទ្ធភាពនៃការផ្តល់សេវាសាធារណៈជូនប្រជាពលរដ្ឋឱ្យកាន់តែប្រសើរឡើង។

តាកែវ៖ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ អមដំណើរដោយមន្ត្រីជំនាញពាក់ព័ន្ធ និងលោក ភួន ឈីម អភិបាលស្រុកកោះអណ្តែត បានអញ្ជើញចុះពិនិត្យការដ្ឋានសាងសង់ផ្លូវបេតុងអាមេ ១ខ្សែ ប្រវែង ៥.០០០ម៉ែត្រ និងទទឹង ៦ម៉ែត្រ ស្ថិតក្នុងស្រុកកោះអណ្តែត នាព្រឹកថ្ងៃអង្គារ ទី២៨ ខែកក្កដា ឆ្នាំ២០២៦ នេះ ៕

តាកែវ៖ អភិបាលខេត្តតាកែវ ឯកឧត្តម វ៉ី សំណាង បានធ្វើការអះអាងថា មិនមានការរំលោភយកដីចំណីបឹងតាកែវធ្វើជាកម្មសិទ្ធិផ្ទាល់ខ្លួននោះទេ ហើយការចាក់ដីមួយផ្នែកក្នុងបឹងតាកែវ គឺសម្រាប់កសាងប្រាសាទសិរីវិជ័យ ដែលអាជ្ញាធរខេត្តបានធ្វើពិធីបញ្ចុះបឋមសិលាសាងសង់កាលពីពេលថ្មីៗកន្លងមកនេះ។

តាកែវ៖ ឯកឧត្តមបណ្ឌិត ស៊ូ ភិរិន្ទ អ្នកតំណាងរាស្ត្រមណ្ឌលខេត្តតាកែវ បានលើកឡើងថា រយៈពេល១ឆ្នាំកន្លងមកនេះ ប្រជាពលរដ្ឋខ្មែរនៅទូទាំងប្រទេស នៅតែចងចាំស្រមោលអតីតកាល នៃការឈ្លានពានពីសំណាក់កងទ័ពសៀមមកលើទឹកដីខ្មែរដោយខុសច្បាប់ និងដឹងគុណជានិច្ចនូវការលះបង់ដ៏ធំធេងរបស់វីរកងទ័ពជួរមុខ ក្នុងការការពារបូរណភាពទឹកដី។

តាកែវ៖ នាព្រឹកថ្ងៃចន្ទ ទី២៧ ខែកក្កដា ឆ្នាំ២០២៦ នេះ នៅសាលប្រជុំតូចរដ្ឋបាលខេត្តតាកែវ ថ្នាក់ដឹកនាំ និងសមាជិកាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តតាកែវ ដឹកនាំដោយលោកស្រី ឡុង បូណារេត អភិបាលរងខេត្តតាកែវ បានអញ្ជើញចូលរួមកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ ទិសដៅការងារបន្ត និងផ្សព្វផ្សាយសេចក្តីសម្រេចផែនការសកម្មភាពរបស់គណៈចលនាស្ត្រី នៃគណៈមហាជន គណៈកម្មាធិការកណ្តាល តាមរយៈប្រព័ន្ធវីដេអូអនឡាញ (Zoom Meeting) ក្រោមអធិបតីភាព សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ ។

តាកែវ៖ លោក ហែម ឬទ្ធី អភិបាលរងខេត្តតាកែវ បានណែនាំ ដល់អាជ្ញាធរដែនដីគ្រប់លំដាប់ថ្នាក់ ត្រូវបង្កើនសកម្មភាពផ្សព្វផ្សាយឱ្យកាន់តែទូលំទូលាយ និងស៊ីជម្រៅ ស្តីពីការធ្វើអត្តសញ្ញាណប័ណ្ណសញ្ជាតិខ្មែរ ជូនដល់ប្រជាពលរដ្ឋនៅក្នុងមូលដ្ឋានរបស់ខ្លួន។ ការណែនាំនេះធ្វើឡើងកាលពីថ្ងៃទី២៦ខែកក្កដា ឆ្នាំ២០២៦ ក្នុងឱកាសដែលលោកអភិបាលរងខេត្ត អញ្ជើញចុះពិនិត្យសកម្មភាពមន្រ្តីជំនាញផ្តល់សេវាធ្វើអត្តសញ្ញាណប័ណ្ណសញ្ជាតិខ្មែរ នៅបរិវេណវត្តកំពង់ស្លែង ស្ថិតក្នុងភូមិព្រេច សង្កាត់រកាក្រៅ ក្រុងដូនកែវ។

ហូជីមិញ, វៀតណាម៖ មន្រ្តីសារព័ត៌មានចំនួ២៧រូប បានចូលរួមវគ្គបណ្តុះបណ្តាលក្រោមប្រធានបទ «ជំនាញអនុវត្តន៍ឆ្លាតវៃក្នុងយុគសម័យឌីជីថល» ត្រូវបានរៀបចំឡើងនៅទីក្រុងហូជីមិញ សាធារណរដ្ឋសង្គមនិយមវៀតណាម ដោយនាយកដ្ឋានសារព័ត៌មាន នៃក្រសួងវប្បធម៌ កីឡា និងទេសចរណ៍វៀតណាម ចាប់ពីថ្ងៃទី២៧ ដល់ថ្ងៃទី៣០ ខែកក្កដា ឆ្នាំ២០២៦ ។

ក្រចេះ៖ ប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ បានជំរុញដល់អាជ្ញាធរដែនដីគ្រប់លំដាប់ថ្នាក់ បន្តពង្រឹង និងពង្រីកការផ្សព្វផ្សាយឱ្យកាន់តែទូលំទូលាយ ដើម្បីលើកទឹកចិត្តប្រជាពលរដ្ឋដែលគ្រប់អាយុត្រូវធ្វើអត្តសញ្ញាណប័ណ្ណសញ្ជាតិខ្មែរ ព្រមទាំងអ្នកដែលអត្តសញ្ញាណប័ណ្ណផុតសុពលភាព បាត់បង់ ឬខូចខាត អញ្ជើញមកបំពេញបែបបទធ្វើថ្មី ឬបន្តសុពលភាពឱ្យបានគ្រប់ៗគ្នា ស្របតាមបទប្បញ្ញត្តិច្បាប់ជាធរមាន។

តាកែវ៖ នាព្រឹកថ្ងៃទី២៥ ខែកក្កដា ឆ្នាំ២០២៦ នេះ ឯកឧត្តម វ៉ី សំណាង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សខេត្តតាកែវ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីជួបសំណេះសំ ណាល និងសួរសុខទុក្ខយ៉ាងជិតស្និទ្ធជាមួយមន្ត្រីគណបក្សឃុំចំនួន ៧ មកពីស្រុកព្រៃកប្បាស ដែលពិធីនេះបានរៀបចំឡើងនៅស្នាក់ការគណបក្សស្រុកព្រៃកប្បាស។ ពិធីនេះក៏មានការអញ្ជើញចូលរួមពីសំណាក់ថ្នាក់ដឹកនាំគណបក្សខេត្ត ថ្នាក់ដឹកនាំគណបក្សស្រុក ព្រមទាំងមន្ត្រី សមាជិក សមាជិកាគណបក្សនៅមូលដ្ឋានជាច្រើននាក់ ។

តាកែវ៖ នាព្រឹកថ្ងៃសុក្រ ទី២៤ ខែកក្កដា ឆ្នាំ២០២៦ នេះ ឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញដឹកនាំក្រុមការងារ រួមមាន លោកអភិបាលរងខេត្ត លោកនាយករដ្ឋបាល លោកនាយកទីចាត់ការ អង្គភាពសាលាខេត្ត មេបញ្ជាការកងកម្លាំងប្រដាប់អាវុធទាំង៣ និងលោកប្រធានមន្ទីរ-អង្គភាពជំនាញជុំវិញខេត្ត ចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

តាកែវ៖ លោក ឈិត សុខុន ប្រធានគណៈកម្មការទី៧ នៃព្រឹទ្ធសភា នារសៀលថ្ងៃទី២៣ ខែកក្កដា ឆ្នាំ២០២៦ នេះ បានដឹកនាំគណៈប្រតិភូពាក់ព័ន្ធ ចុះជំនួបពិភាក្សាដើម្បីឈ្វេងយល់ និងប្រមូលព័ត៌មានអំពីវឌ្ឍនភាពការងារ បញ្ហាប្រឈម និងចក្ខុវិស័យរបស់រដ្ឋបាលខេត្តតាកែវ ដោយទទួលបានការទទួលស្វាគមន៍យ៉ាងកក់ក្តៅពីសំណាក់ លោក ឡាយ សុខា សមាជិកក្រុមប្រឹក្សាខេត្ត និងលោកស្រី ឡុង បូណារ៉េត អភិបាលរងខេត្តតាកែវ តំណាងលោក វ៉ី សំណាង អភិបាលខេត្ត ព្រមទាំងតំណាងមន្ទីរជំនាញចំនួន៤ និងវិស័យពាក់ព័ន្ធ នៅសាលប្រជុំសាលាខេត្តតាកែវ។