ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិសោម សម្ផស្ស
សកម្មភាពអាជ្ញាធរ
អភិបាលស្រុកបាទីដឹកនាំកម្លាំងអាវុធហត្ថចុះបង្រ្កាបទីតាំងល្បែងស៊ីសងខុសច្បាប់ ក្រុមអ្នកញៀនល្បែងរត់ប្រាសអាយុបន្សល់ទុកម៉ូតូ ២គ្រឿង
តាកែវ៖ កម្លាំងអាជ្ញាធរ និងសមត្ថកិច្ចស្រុកបាទី បានបើកប្រតិបត្តិការស្រាវជ្រាវ និងឈានទៅដល់ការចុះបង្រ្កាបទីតាំងល្បែងស៊ីសងខុសច្បាប់មួយកន្លែងយ៉ាងទាន់ហេតុការណ៍ បន្ទាប់ពីទទួលបានព័ត៌មានរាយការណ៍ពីប្រជាពលរដ្ឋក្នុងមូលដ្ឋានរបស់លោក ។
ប្រតិបត្តិការបង្រ្កាបនេះបានប្រព្រឹត្តទៅនៅរសៀលថ្ងៃទី១៦ ខែកញ្ញា ឆ្នាំ២០២៦ ដោយមានការដឹកនាំបញ្ជាផ្ទាល់ពី លោក សាយ វណ្ណៈ អភិបាលនៃគណៈអភិបាលស្រុកបាទី និងជាប្រធានគណៈបញ្ជាការឯកភាពរដ្ឋបាលស្រុក រួមសហការជាមួយកម្លាំងបញ្ជាការដ្ឋានកងរាជអាវុធហត្ថស្រុកបាទី។ ទីតាំងល្បែងស៊ីសងខុសច្បាប់ដែលត្រូវបានចុះបង្រ្កាបនោះ ស្ថិតនៅក្នុងភូមិចក ឃុំត្រពាំងសាប ស្រុកបាទី ខេត្តតាកែវ ។
សកម្មភាពថ្នាក់ដឹកនាំ
រដ្ឋបាលខេត្តតាកែវ រៀបចំកិច្ចប្រជុំគណៈបញ្ជាការឯកភាព ដើម្បីពង្រឹងសន្តិសុខ ចរាចរណ៍ និងលើក កម្ពស់សោភ័ណភាព សម្រាប់ត្រៀមរៀបចំពិធីបុណ្យភ្ជុំបិណ្ឌ និងបុណ្យអុំទូក
ឯកឧត្តមអភិបាលខេត្ត បានណែនាំឱ្យអាជ្ញាធរគ្រប់លំដាប់ថ្នាក់ រៀបចំផែនការការពារសន្តិសុខឱ្យបានតឹងរ៉ឹងបំផុត នៅតាមទីសាធារណៈ ដងផ្លូវជាតិ សួនច្បារ និងជាពិសេសនៅតាមទីវត្តអារាមនានាទូទាំងខេត្ត ដែលជាទីតាំងប្រមូលផ្តុំប្រជាពលរដ្ឋធ្វើបុណ្យទាន ។
សកម្មភាពថ្នាក់ដឹកនាំ
អាជ្ញាធរខេត្តតាកែវ ចុះរៀបចំដំឡើងរបាំងចែកទ្រូងផ្លូវលេខ២២ ដើម្បីសម្រួលការធ្វើដំណើរ និងកាត់បន្ថយការកកស្ទះចរាចរណ៍
លោក ណុប នី ប្រធានមន្ទីរសាធារណការ និងដឹកជញ្ជូនខេត្ត បានចុះពិនិត្យការរៀបចំដំឡើងរបាំងបេតុងចែកទ្រូងផ្លូវ ចាប់ពីចំណុចផ្លូវរថភ្លើង រហូតដល់រង្វង់មូលព្រះវិស្ណុ ឬព្រះនារាយណ៍ (អូរចំបក់)ប្រវែងទ្រូងផ្លូវ ៥៥០ម៉ែត្រ។
សកម្មភាពថ្នាក់ដឹកនាំ
លោក ញ៉ែម ស្រស់ អញ្ជើញប្រកាសផ្ទេរភារកិច្ច និងចូលកាន់មុខតំណែងអភិបាលក្រុងដូនកែវថ្មី
លោក ហ៊ូ វណ្ណៈ ត្រូវបានប្រកាសផ្ទេរភារកិច្ចពីអភិបាលរងស្រុកបាទី ឱ្យមកចូលកាន់មុខតំណែងថ្មីជា អភិបាលរង នៃគណៈអភិបាលក្រុងដូនកែវ ខេត្តតាកែវ ។
សកម្មភាពថ្នាក់ដឹកនាំ
កម្ពុជា ជ្រើសរើសយន្តការផ្សះផ្សានៃអនុសញ្ញាអង្គការសហប្រជាជាតិស្តីពីនីតិសមុទ្រ មិនមែនក្នុងន័យបង្កើនភាពតានតឹងនោះទេ ប៉ុន្តែដើម្បីកសាងទំនុកចិត្តឡើងវិញ និងដោះស្រាយតំបន់ទាមទារដែនសមុទ្រត្រួតគ្នា
ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ក្នុងនាមជាតំណាងរបស់រាជរដ្ឋាភិបាលកម្ពុជា អមដំណើរដោយ ឯកឧត្តម ឡាំ ជា រដ្ឋមន្ត្រីទទួលបន្ទុកលេខាធិការដ្ឋានកិច្ចការព្រំដែន ដែលជាតំណាងរង (Deputy Agent) គណៈប្រតិភូ និងក្រុមប្រឹក្សាអ្នកច្បាប់របស់កម្ពុជា បានអញ្ជើញចូលរួមកិច្ចប្រជុំលើកដំបូង នៃគណៈកម្មការផ្សះផ្សានៃអនុសញ្ញាអង្គការសហប្រជាជាតិស្តីពីនីតិសមុទ្រ រវាងកម្ពុជា និងថៃ នៅប្រទេសសិង្ហបុរី។
សកម្មភាពថ្នាក់ដឹកនាំ
កាលប្បវត្តិ នៃដំណើរការនីតិវិធីដោះស្រាយបញ្ហាព្រំដែនសមុទ្រ និងតំបន់ទាមទារត្រួតគ្នាកម្ពុជា-ថៃ និងការផ្តួចផ្តើមយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS)
កាលប្បវត្តិ នៃដំណើរការនីតិវិធីដោះស្រាយបញ្ហាព្រំដែនសមុទ្រ និងតំបន់ទាមទារត្រួតគ្នាកម្ពុជា-ថៃ និងការផ្តួចផ្តើមយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS)
សុខាភិបាល
ពលរដ្ឋជិត ៣០០នាក់ ក្នុងស្រុកទ្រាំង ទទួលបានការពិនិត្យ សុខភាពភ្នែក និងចែកវ៉ែនតាដោយឥតគិតថ្លៃ ពីមន្ទីរពេទ្យភ្នែកតាកែវ និងអង្គការដៃគូ
ទ្រាំង៖ ក្រោមការសហការរៀបចំរវាងអង្គការការីតាស មន្ទីរពេទ្យភ្នែកតាកែវ និងមន្ទីរសុខាភិបាលនៃរដ្ឋបាលខេត្តតាកែវ ព្រមទាំងទទួលបានការឧបត្ថម្ភថវិកាយ៉ាងថ្លៃថ្លាពីអង្គការ The Fred Hollows Foundation និងអង្គការ Bloomberg Philanthropies កាលពីថ្ងៃទី១០ ខែកញ្ញា ឆ្នាំ២០២៦ បានរៀបចំកម្មវិធីពិនិត្យ និងប្រឹក្សាសុខភាពភ្នែកជូនប្រជាពលរដ្ឋដោយឥតគិតថ្លៃ នៅមណ្ឌលសុខភាពត្រឡាច ស្ថិតក្នុងភូមិកន្ទួតធំ ឃុំត្រឡាច ស្រុកទ្រាំង ខេត្តតាកែវ ដោយមានការចូលរួមយ៉ាងច្រើនកុះករពីសំណាក់ប្រជាពលរដ្ឋក្នុងមូលដ្ឋាន ។
សកម្មភាពថ្នាក់ដឹកនាំ
លោក ពៅ សុខន ណែនាំមន្ត្រីព័ត៌មានខេត្តតាកែវ បង្កើនការចុះផលិតវីដេអូ និងរូបភាពអំពីសមិទ្ធផលថ្មីៗរបស់រាជរដ្ឋាភិបាល និងរដ្ឋបាលថ្នាក់ក្រោមជាតិ ដើម្បីផ្សព្វផ្សាយជូនប្រជាពលរដ្ឋ
តាកែវ៖ នាព្រឹកថ្ងៃទី១៤ ខែកញ្ញា ឆ្នាំ២០២៦ លោក ពៅ សុខន ប្រធានមន្ទីរព័ត៌មានខេត្តតាកែវ បានណែនាំយ៉ាងម៉ឺងម៉ាត់ដល់មន្ត្រីជំនាញព័ត៌មានទាំងអស់ ត្រូវបន្តចុះផលិតវីដេអូខ្លីៗ និងរូបភាពប្រកបដោយគុណភាព អំពីសមិទ្ធផលថ្មីៗ និងសកម្មភាពអភិវឌ្ឍន៍របស់រាជរដ្ឋាភិបាល រដ្ឋបាលខេត្ត ក្រុង-ស្រុក ឃុំ-សង្កាត់ ក៏ដូចជាមន្ទីរ-អង្គភាពជំនាញជុំវិញខេត្តឱ្យបានកាន់តែច្រើនឡើងថែមទៀត ដើម្បីលាតត្រដាង និងផ្សព្វផ្សាយជូនប្រជាពលរដ្ឋបានជ្រាបច្បាស់ពីកិច្ចខិតខំប្រឹងប្រែងកសាង និងអភិវឌ្ឍជាតិនៅមូលដ្ឋាន។
សកម្មភាពថ្នាក់ដឹកនាំ
សម្តេចធិបតី ហ៊ុន ម៉ាណែត អញ្ជើញចូលរួមជាអធិបតីភាពជាមួយ ឯកឧត្តម មីន អោង ឡាំង ក្នុងពិធីចុះហត្ថលេខាលើឯកសារចំនួន០៤
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នារសៀលថ្ងៃទី១ឆ ខែកញ្ញា ឆ្នាំ២០២៦នេះ បានអញ្ជើញចូលរួមជាអធិបតីភាពជាមួយ ឯកឧត្តម មីន អោង ឡាំង (Min Aung Hlaing) ប្រធានាធិបតី នៃសាធារណរដ្ឋសហភាពមីយ៉ាន់ម៉ា ក្នុងពិធីចុះហត្ថលេខាលើឯកសារចំនួន០៤
សកម្មភាពថ្នាក់ដឹកនាំ
ឯកឧត្តម មីន អោង ឡាំង បញ្ជាក់ពីការចាត់ទុកកម្ពុជា គឺជាមិត្តល្អ មិត្តជិតស្និទ្ធ និងជាមិត្តដែលតែងតែជួយគាំទ្រដល់សាធារណរដ្ឋសហភាពមីយ៉ាន់ម៉ាជាបន្តបន្ទាប់
នារសៀលថ្ងៃទី១១ ខែកញ្ញា ឆ្នាំ២០២៦, នៅវិមានសន្តិភាព, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានជួបពិភាក្សាការងារទ្វេភាគី ជាមួយឯកឧត្តម មីន អោង ឡាំង (Min Aung Hlaing) ប្រធានាធិបតីនៃសាធារណរដ្ឋសហភាពមីយ៉ាន់ម៉ា និងគណៈប្រតិភូជាន់ខ្ពស់ ក្នុងដំណើរទស្សនកិច្ចផ្លូវរដ្ឋ នៅព្រះរាជាណាចក្រកម្ពុជា ចាប់ពីថ្ងៃទី១១ ដល់ថ្ងៃទី១២ ខែកញ្ញា ឆ្នាំ២០២៦។
សកម្មភាពថ្នាក់ដឹកនាំ
រដ្ឋសភាកម្ពុជាគាំទ្រពេញទំហឹងលើកិច្ចព្រមព្រៀង និង MOU ថ្មីចំនួន ៤ រវាងរាជរដ្ឋាភិបាលកម្ពុជា-មីយ៉ាន់ម៉ា
វិមានរដ្ឋសភា៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានប្រកាសគាំទ្រយ៉ាងពេញទំហឹងចំពោះលទ្ធផលផ្លែផ្កានៃកិច្ចចរចា និងការចុះហត្ថលេខាលើឯកសារកិច្ចព្រមព្រៀង ព្រមទាំងអនុស្សរណៈនៃការយោគយល់គ្នា (MOU) ចំនួន ០៤ រវាងរាជរដ្ឋាភិបាលកម្ពុជា និងមីយ៉ាន់ម៉ា ក្នុងឱកាសនៃដំណើរទស្សនកិច្ចផ្លូវរដ្ឋរបស់ ឯកឧត្តម មីន អោងឡាំង (U Min Aung Hlaing) ប្រធានាធិបតីនៃសាធារណរដ្ឋសហភាពមីយ៉ាន់ម៉ា នៅរាជធានីភ្នំពេញ នារសៀលថ្ងៃទី១១ ខែកញ្ញា ឆ្នាំ២០២៦។
សកម្មភាពអាជ្ញាធរ
ស្រុកកោះអណ្តែត បើកវគ្គបណ្តុះបណ្តាលស្តីពី «នីតិវិធីទូទាត់ចំណាយថវិកាសេវាសង្គម និងអនាម័យបរិស្ថាន» ជូនដល់មន្ត្រីមូលដ្ឋាន ដើម្បីពង្រឹងប្រសិទ្ធភាព និងតម្លាភាពហិរញ្ញវត្ថុ
កោះអណ្តែត៖ កាលពីរសៀលថ្ងៃសុក្រ ទី១១ ខែកញ្ញា ឆ្នាំ២០២៦ លោក កាន់ រ៉ា ប្រធានសមាគមក្រុមប្រឹក្សាក្រុង ស្រុក ឃុំ សង្កាត់ ខេត្តតាកែវ លោកនាង ស៊ន ប្រធានក្រុមប្រឹក្សាស្រុក និង លោក ភួន ឈីម អភិបាល នៃគណៈអភិបាលស្រុកកោះអណ្តែត បានអញ្ជើញចូលរួមជាអធិបតីក្នុងពិធីបើក «វគ្គបណ្តុះបណ្តាលស្តីពី នីតិវិធីទូទាត់ចំណាយថវិកាសេវាសង្គម និងអនាម័យបរិស្ថាន នៃមូលនិធិក្រុង ស្រុក ឃុំ សង្កាត់» ដែលបានប្រារព្ធធ្វើឡើងនៅសាលប្រជុំធំរដ្ឋបាលស្រុកកោះអណ្តែត។
សកម្មភាពថ្នាក់ដឹកនាំ
ឯកឧត្តម ទួន ស៊ីផាន់ អញ្ជើញជួបសំណេះសំណាល និងលើកទឹកចិត្តដល់សិស្សប្រឡងជាប់បាក់ឌុបជាង ១,០០០នាក់ ក្នុងស្រុកត្រាំកក់
ត្រាំកក់៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ ឯកឧត្តម ទួន ស៊ីផាន់ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកត្រាំកក់ បានអញ្ជើញជាអធិបតីក្នុងពិធីជួបសំណេះសំណាល និងអបអរសាទរជាមួយសិស្សានុសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) គ្រប់និទ្ទេស (A, B, C, D, និង E) សរុបចំនួន ១,១៦៥នាក់ សម្រាប់ឆ្នាំសិក្សា២០២៥-២០២៦។ ពិធីនេះត្រូវប្រារព្ធធ្វើឡើងនៅវត្តមង្គលមានល័ក្ខណ៍ ស្ថិតក្នុងភូមិត្រពាំងស្វាយ ឃុំត្រពាំងធំខាងជើង ស្រុកត្រាំកក់ ខេត្តតាកែវ។