ព័ត៌មានក្នុងខេត្ត

រដ្ឋបាលខេត្ត និងក្រុមប្រឹក្សាខេត្តតាកែវ បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត នៅសាលប្រជុំសាលាស្រុកព្រៃកប្បាស

តាកែវ៖ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី លោក នួន សុធា បានថ្លែងឱ្យដឹងថា សម្រាប់ខេត្តតាកែវរហូតមកដល់ចុងឆ្នាំ២០២៦នេះ បានចេញប័ណ្ណកម្មសិទ្ធិបានចំនួនជាង ៩៦ម៉ឺនប័ណ្ណ ដែលស្មើនឹងប្រមាណជិត ៩៦ភាគរយ។

តាកែវ៖ នៅថ្ងៃទី២០ ខែតុលា ឆ្នាំ២០២៦ នេះឯកឧត្តម វ៉ី សំណាង ប្រធានគណៈកម្មាធិការគណបក្សប្រជាជនកម្ពុជា ខេត្តតាកែវ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីប្រកាសតែងតាំង លោក សាយ វណ្ណៈ ជាប្រធានគណបក្សប្រជាជនកម្ពុជា ស្រុកបាទី ខេត្តតាកែវ។ ពិធីនេះក៏មានការអញ្ជើញចូលរួមពីសំណាក់ថ្នាក់ដឹកនាំមន្ត្រីបក្ស និងសមាជិក សមាជិកា យ៉ាងច្រើនកុះករផងដែរ ។

តាកែវ ៖ ថ្ងៃទី២១ ខែតុលា ឆ្នាំ២០២៦ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញចុះផ្ទាល់ដើម្បីបន្តបោះបង្គោលតម្រុយផ្លូវ គម្រោងព្រែកជីកហ្វូណនតេជោ ដែលស្ថិតនៅក្នុងភូមិសាស្ត្រឃុំសំបួរ ស្រុកទ្រាំង ខេត្តតាកែវ ។

តាកែវ៖ ឯកឧត្តម វ៉ី សំណាង សមាជិកយុវជនគណបក្សប្រជាជនកម្ពុជាថ្នាក់កណ្ដាល និងជាប្រធានយុវជនគណបក្សខេត្តតាកែវ បានគូសបញ្ជាក់ថា ចំនួនបងប្អូនប្រជាពលរដ្ឋកម្ពុជាដែលមានទំនុកចិត្ត និងបន្តគាំទ្រគណបក្សប្រជាជនកម្ពុជា មានការកើនឡើងយ៉ាងគំហុកជាបន្តបន្ទាប់។

ខេត្តតាកែវ៖ នាថ្ងៃចន្ទ ៨កើត ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៩ ខែតុលា ឆ្នាំ២០២៦ លោក ភួន ឈីម អភិបាល នៃគណៈអភិបាលស្រុកកោះអណ្ដែត បានដឹកនាំលោក លោកស្រី អភិបាលរងស្រុក និងសហការី ចុះសំណេះសំណាល និងនាំយកថវិកាបេឡាមរណៈសង្គ្រោះ ព្រមទាំងសម្ភារៈមួយចំនួន ជូនដល់គ្រួសារសពសមាជិកសហគមន៍អតីតយុទ្ធជន និងនិវត្តជនកម្ពុជាចំនួន ៣គ្រួសារ ដែលមានទីលំនៅស្ថិតក្នុងឃុំក្រពុំឈូក ស្រុកកោះអណ្ដែត។

តាកែវ៖ នៅរសៀលថ្ងៃចន្ទ ទី១៩ ខែតុលា ឆ្នាំ២០២៦ លោក កៅ វគ្គសែល អភិបាលស្រុកសំរោង និងជាប្រធានសមាគមអតីតយុទ្ធជនស្រុក រួមដំណើរលោក ព្រហ្ម សុវណ្ណារឹទ្ធ មេបញ្ជាការផ្នែកសឹករងស្រុក និងជាអនុប្រធានសមាគមអតីតយុទ្ធជនស្រុក និងសហការី លោក ផាត់ សារ៉ុម អធិការរងនគរបាលស្រុក លោក សោម សុធា អនុប្រធានការិយាល័យសង្គមកិច្ច និងសុខុមាលភាពសង្គមលោកមេឃុំ សមាជិកក្រុមប្រឹក្សាឃុំទ្រា និងលោកនាយប៉ុស្តិ៍នគរបាលរដ្ឋបាលឃុំទ្រា អញ្ជើញនាំយកថវិកាមរណសង្គ្រោះរបស់សមាគមអតីតយុទ្ធជនកម្ពុជាខេត្តតាកែវ និងសម្ភារគ្រឿងឧបភោគបរិភោគរបស់រដ្ឋបាលស្រុក ទៅប្រគល់ជូនគ្រួសារសពលោក មួន គឹមសន (ភេទប្រុស ប្រភេទនិវត្តន៍ជន) ដែលបានទទួលមរណភាពកាលពីថ្ងៃទី០៩ ខែកញ្ញា ឆ្នាំ២០២៦ ដោយរោគាពាធ នៅភូមិសំរោង ឃុំទ្រា ស្រុកសំរោង ខេត្តតាកែវ។

ខេត្តតាកែវ៖ នារសៀលថ្ងៃទី១៩ ខែតុលា ឆ្នាំ២០២៦ លោក ឌឹម គឹមសាន ប្រធានគណៈកម្មការអតីតយុទ្ធជន និងនិវត្តជនកម្ពុជា ក្រុងដូនកែវ ព្រមទាំងសហការី បាននាំយកថវិកាបេឡាមរណសង្គ្រោះ ដែលជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ទៅប្រគល់ជូនគ្រួសារសពអតីតយុទ្ធជន និងនិវត្តជនចំនួន ៤គ្រួសារ ដែលមានទីលំនៅក្នុងក្រុងដូនកែវ។

តាកែវ៖ នាព្រឹកថ្ងៃទី១៩ ខែតុលា ឆ្នាំ២០២៦នេះ ឯកឧត្តម វី សំណាង អភិបាល នៃគណៈអភិបាល ខេត្តតាកែវ បានអញ្ជើញចុះត្រួតពិនិត្យផ្ទាល់លើកិច្ចដំណើរការស្ថាបនា និងជួសជុល ផ្លូវខេត្តលេខ ១TK៨ ដែលស្ថិតនៅភូមិសាស្ត្រ ឃុំគោកធ្លក ស្រុកអង្គរបូរី ខេត្តតាកែវ ដើម្បីធានាឱ្យការដ្ឋានអនុវត្តបានត្រឹមត្រូវតាមស្ដង់ដារបច្ចេកទេស និងឆាប់រួចរាល់ ឆ្លើយតបទៅនឹងតម្រូវការធ្វើដំណើររបស់បងប្អូនប្រជាពលរដ្ឋ ។

តាកែវ៖ នៅក្នុងកិច្ចប្រជុំជាមួយសេវាករអគ្គីសនីវនិងអាជ្ញាធរខេត្តតាកែវនៅថ្ងៃ ទី ២០ ខែ តុលា ឆ្នាំ ២០២៦នេះ អភិបាលរងខេត្តតាកែវលោក យង់ សុវឌ្ឍនា បានធ្វើការណែនាំដល់ម្ចាស់សេវាករអគ្គីនីទាំងអស់នៅក្នុងខេត្តតាកែវ ត្រូវធ្វើការពង្រឹងការផ្ដល់សេវាអគ្គីសនីជូនបងប្អូនប្រជាពលរដ្ឋឲ្យបានល្អប្រសើរជាងមុន និងត្រូវដោះស្រាយរាល់សំណូមពរអ្នកប្រើប្រាស់នៅពេលដែលមានការដាច់ចរន្តអគ្គីសនី ជៀសវាងនាំឲ្យមានការរិះគន់ពីបងប្អូនប្រជាពលរដ្ឋដែលជាអ្នកប្រើប្រាស់។

ក្រសួងធនធានទឹក អំពាវនាវឱ្យ​ចូល​រួម​សហការក្នុង​ការ​ថែ​រក្សា​ប្រភព​ទឹកទុក​សម្រាប់រដូ​វប្រាំងខាងមុខ​ និង​ប្រើប្រាស់​ទឹក​ដោយ​សន្សំ​សំចៃ និង​ប្រុងប្រយ័ត្ន​ខ្ពស់​ ជាពិសេស​បណ្ដា​តំបន់​ជនបទ​ដាច់​ស្រយាល​ដែល​ស្ថិត​នៅ​ឆ្ងាយ​ពីប្រភព​ទឹក

ប្រធានគណៈកម្មា ធិការគណបក្សខេត្ត បានផ្តល់អនុសាសន៍ណែនាំដល់ថ្នាក់ដឹកនាំ និងមន្ត្រីគណបក្សស្រុកអង្គរបូរី ត្រូវបន្តពង្រឹងស្មារតីសាមគ្គីភាពផ្ទៃក្នុង យកចិត្តទុកដាក់បម្រើប្រជាពលរដ្ឋឲ្យបានល្អប្រសើរ ។