ព័ត៌មានក្នុងខេត្ត

ក្រចេះ៖ ប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ បានជំរុញដល់អាជ្ញាធរដែនដីគ្រប់លំដាប់ថ្នាក់ បន្តពង្រឹង និងពង្រីកការផ្សព្វផ្សាយឱ្យកាន់តែទូលំទូលាយ ដើម្បីលើកទឹកចិត្តប្រជាពលរដ្ឋដែលគ្រប់អាយុត្រូវធ្វើអត្តសញ្ញាណប័ណ្ណសញ្ជាតិខ្មែរ ព្រមទាំងអ្នកដែលអត្តសញ្ញាណប័ណ្ណផុតសុពលភាព បាត់បង់ ឬខូចខាត អញ្ជើញមកបំពេញបែបបទធ្វើថ្មី ឬបន្តសុពលភាពឱ្យបានគ្រប់ៗគ្នា ស្របតាមបទប្បញ្ញត្តិច្បាប់ជាធរមាន។

តាកែវ៖ ដើម្បីរួមចំណែកពង្រឹងសន្តិសុខ សណ្តាប់ធ្នាប់សាធារណៈ និងទប់ស្កាត់គ្រឿងញៀនក្នុងគ្រឹះស្ថានសិក្សា នាថ្ងៃទី២៥ ខែកក្កដា ឆ្នាំ២០២៦ នេះ លោក កង អាណាន់ អភិបាលស្រុកអង្គរបូរី ព្រមទាំងលោកអភិបាលរងស្រុក ប្រធាន-អនុប្រធានការិយាល័យជុំវិញស្រុក និងកងកម្លាំងប្រដាប់អាវុធទាំង៣ ប្រភេទ បានអញ្ជើញចុះជួបសំណេះសំណាល និងផ្សព្វផ្សាយគោលនយោបាយ «ភូមិ-ឃុំ-សង្កាត់ មានសុវត្ថិភាព» ជូនដល់លោកគ្រូ អ្នកគ្រូ និងសិស្សានុសិស្ស នៅវិទ្យាល័យ ហ៊ុន សែន អង្គរបូរី។

តាកែវ៖ នាព្រឹកថ្ងៃទី២៤ ខែកក្កដា ឆ្នាំ២០២៦ នេះ ពិធីស្រោចស្រពសុគន្ធវារី និងប្រគល់ប្រកាសនីយបត្រចងព្រះហស្ត តែងតាំង ព្រះគ្រូរតនប្បវរ ថុង រី ឡើងជា «ព្រះអនុគណមហានិកាយ ស្រុកកោះអណ្ដែត» ត្រូវបានប្រារព្ធធ្វើឡើងយ៉ាងអធិកអធម និងប្រកបដោយសិរីសួស្តី ស្ថិតនៅវត្តព្រៃម្លូ ឃុំក្រពុំឈូក ស្រុកកោះអណ្ដែត ខេត្តតាកែវ។

ខេត្តតាកែវ៖ នៅព្រឹកថ្ងៃសៅរ៍ ទី២៥ ខែកក្កដា ឆ្នាំ២០២៦ យោងតាមការចង្អុលបង្ហាញ និងការណែនាំផ្ទាល់ពី លោក ឌឹម គឹមសាន អភិបាលក្រុងដូនកែវ និងជាប្រធានគណៈបញ្ជាការឯកភាពរដ្ឋបាលក្រុង រដ្ឋបាលក្រុងដូនកែវបានចាត់ឱ្យ លោក សោ សុផល អភិបាលរងក្រុង ដឹកនាំកម្លាំងការិយាល័យជំនាញ កងកម្លាំងនគរបាល និងក្រុមការងារសណ្តាប់ធ្នាប់ក្រុង ចុះអនុវត្តវិធានការច្បាប់យ៉ាងម៉ឺងម៉ាត់ ដោយបានផ្អាកសកម្មភាពសាងសង់ និងដកហូតសម្ភារៈជាងនៅទីតាំងសំណង់អនាធិបតេយ្យចំនួន ៤កន្លែង ស្ថិតក្នុងសង្កាត់រកាក្នុង ក្រុងដូនកែវ ខេត្តតាកែវ។

តាកែវ៖ នាព្រឹកថ្ងៃទី២៥ ខែកក្កដា ឆ្នាំ២០២៦ នេះ ឯកឧត្តម វ៉ី សំណាង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សខេត្តតាកែវ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីជួបសំណេះសំ ណាល និងសួរសុខទុក្ខយ៉ាងជិតស្និទ្ធជាមួយមន្ត្រីគណបក្សឃុំចំនួន ៧ មកពីស្រុកព្រៃកប្បាស ដែលពិធីនេះបានរៀបចំឡើងនៅស្នាក់ការគណបក្សស្រុកព្រៃកប្បាស។ ពិធីនេះក៏មានការអញ្ជើញចូលរួមពីសំណាក់ថ្នាក់ដឹកនាំគណបក្សខេត្ត ថ្នាក់ដឹកនាំគណបក្សស្រុក ព្រមទាំងមន្ត្រី សមាជិក សមាជិកាគណបក្សនៅមូលដ្ឋានជាច្រើននាក់ ។

តាកែវ៖ នាព្រឹកថ្ងៃសុក្រ ទី២៤ ខែកក្កដា ឆ្នាំ២០២៦ នេះ ឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញដឹកនាំក្រុមការងារ រួមមាន លោកអភិបាលរងខេត្ត លោកនាយករដ្ឋបាល លោកនាយកទីចាត់ការ អង្គភាពសាលាខេត្ត មេបញ្ជាការកងកម្លាំងប្រដាប់អាវុធទាំង៣ និងលោកប្រធានមន្ទីរ-អង្គភាពជំនាញជុំវិញខេត្ត ចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

តាកែវ៖ លោក ឈិត សុខុន ប្រធានគណៈកម្មការទី៧ នៃព្រឹទ្ធសភា នារសៀលថ្ងៃទី២៣ ខែកក្កដា ឆ្នាំ២០២៦ នេះ បានដឹកនាំគណៈប្រតិភូពាក់ព័ន្ធ ចុះជំនួបពិភាក្សាដើម្បីឈ្វេងយល់ និងប្រមូលព័ត៌មានអំពីវឌ្ឍនភាពការងារ បញ្ហាប្រឈម និងចក្ខុវិស័យរបស់រដ្ឋបាលខេត្តតាកែវ ដោយទទួលបានការទទួលស្វាគមន៍យ៉ាងកក់ក្តៅពីសំណាក់ លោក ឡាយ សុខា សមាជិកក្រុមប្រឹក្សាខេត្ត និងលោកស្រី ឡុង បូណារ៉េត អភិបាលរងខេត្តតាកែវ តំណាងលោក វ៉ី សំណាង អភិបាលខេត្ត ព្រមទាំងតំណាងមន្ទីរជំនាញចំនួន៤ និងវិស័យពាក់ព័ន្ធ នៅសាលប្រជុំសាលាខេត្តតាកែវ។

តាកែវ៖ ដើម្បីចូលរួមចំណែកកាត់បន្ថយផលប៉ះពាល់បរិស្ថាន និងលើកកម្ពស់បច្ចេកទេសកសិកម្មទំនើប នាថ្ងៃទី២៤ ខែកក្កដា ឆ្នាំ២០២៦ នេះ លោក ឈឹម ធី អភិបាលរងស្រុកអង្គរបូរី បានអញ្ជើញជួបសំណេះសំណាល និងពិភាក្សាការងារជាមួយក្រុមការងារគម្រោង BRIC នៃអង្គការ GIZ, អង្គការ VCAO, អង្គការសម្ព័ន្ធភាពដៃគូ ដើម្បីការអភិវឌ្ឍតាមបែបប្រជាធិបតេយ្យ (CPDD) និងតំណាងក្រុមហ៊ុន ThanksCarbon។

តាកែវ៖ ដើម្បីឆ្លើយតបទៅនឹងតម្រូវការចាំបាច់របស់ប្រជាពលរដ្ឋក្នុងការទាញយកប្រភពទឹកមកប្រើប្រាស់ក្នុងវិស័យកសិកម្ម កាលពីរសៀលថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ ក្រុមការងារបច្ចេកទេសការិយាល័យផ្លូវជនបទ នៃមន្ទីរអភិវឌ្ឍន៍ជនបទខេត្តតាកែវ សហការជាមួយអាជ្ញាធរភូមិ-ឃុំ បានចុះសិក្សាស្រាវជ្រាវទីតាំងប្រឡាយទឹកចំនួន ១ខ្សែ ដែលមានប្រវែង ៩៥០ម៉ែត្រ ស្ថិតនៅភូមិអង្គុញ ឃុំត្រឡាច ស្រុកទ្រាំង ខេត្តតាកែវ។

តាកែវ ៖ ដើម្បីលើកកម្ពស់សោភ័ណភាព បរិស្ថាន និងធានាបាននូវសុវត្ថិភាពចរាចរណ៍ជូនប្រជាពលរដ្ឋ នាថ្ងៃទី២៤ ខែកក្កដា ឆ្នាំ២០២៦ លោក សាយ វណ្ណៈ អភិបាល នៃគណៈអភិបាលស្រុកបាទី បានអញ្ជើញដឹកនាំលោកអភិបាលរង មន្ត្រីការិយាល័យជំនាញពាក់ព័ន្ធ និងអាជ្ញាធរឃុំចំបក់ ចុះរៀបចំ និងណែនាំដោយផ្ទាល់ដល់បងប្អូនអាជីវករ ព្រមទាំងម្ចាស់រោងចក្រ សហគ្រាស ឱ្យរៀបចំការតាំងលក់ដូរ និងរក្សាសណ្តាប់ធ្នាប់សាធារណៈនៅតាមបណ្តោយផ្លូវជាតិលេខ២ ស្ថិតក្នុងភូមិសាស្ត្រឃុំចំបក់ ស្រុកបាទី ខេត្តតាកែវ ។

តាកែវ៖ សម្រាប់ប្អូនៗសិស្សានុសិស្សថ្នាក់ទី១២ ដែលកំពុងត្រៀមខ្លួនប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នាពេលខាងមុខនេះ សំណួរដ៏ធំមួយដែលតែងតែចោទសួរនៅក្នុងចិត្តនោះគឺ៖ «តើគួររៀនអ្វីបន្តបន្ទាប់ពីប្រឡងបាក់ឌុបចប់ ដើម្បីឱ្យមានការងារធ្វើពិតប្រាកដ និងអាចចិញ្ចឹមជីវិតបានល្អប្រសើរ?» ប្រសិនបើប្អូនៗកំពុងស្វែងរកចម្លើយ ឱកាសមាសដ៏ធំធេងកំពុងរង់ចាំប្អូនៗនៅ វិទ្យាស្ថានពហុបច្ចេកទេសភូមិភាគតេជោសែនតាកែវ ដែលជាគ្រឹះស្ថានបណ្តុះបណ្តាលបច្គេកទេស និងវិជ្ជាជីវៈ (TVET) របស់រដ្ឋ ស្ថិតក្រោមឱវាទក្រសួងការងារ និងបណ្តុះបណ្តាលវិជ្ជាជីវៈ។

តាកែវ៖ ដើម្បីបង្ហាញនូវការយកចិត្តទុកដាក់ខ្ពស់ សេចក្តីស្រឡាញ់ និងការដឹងគុណយ៉ាងជ្រាលជ្រៅចំពោះគុណបំណាច់របស់វីរកងទ័ពកម្ពុជា នារសៀលថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ នេះ លោក ភួន ឈីម អភិបាលស្រុកកោះអណ្តែត ព្រមទាំងសហការី បានអញ្ជើញ ចុះសួរសុខទុក្ខផ្ទាល់ដល់គេហដ្ឋាន ជូនចំពោះ ពលទោ លឹម គា ដែលជាយុទ្ធជនឈរជើងការពារទឹកដីនៅសមរភូមិមុខ តំបន់អូរស្មាច់ ខេត្តឧត្តរមានជ័យ។