ព័ត៌មានក្នុងខេត្ត

តាកែវ៖ ដើម្បីចូលរួមគាំទ្រ និងសម្រួលដល់ដំណើរការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំសិក្សា ២០២៥–២០២៦ ឱ្យប្រព្រឹត្តទៅដោយរលូន រដ្ឋបាលក្រុងដូនកែវ ខេត្តតាកែវ បានចាត់តាំងក្រុមការងារចុះផ្សព្វផ្សាយសេចក្តីជូនដំណឹង ដល់ម្ចាស់សណ្ឋាគារ ផ្ទះសំណាក់ អាហារដ្ឋាន និងអាជីវកម្មថតចម្លងឯកសារ នៅក្នុងភូមិសាស្ត្រក្រុងដូនកែវ។

តាកែវ៖ ដើម្បីធានាបាននូវគុណភាពសំណង់ និងសម្រួលដល់ការធ្វើដំណើរ ព្រមទាំងការដឹកជញ្ជូនកសិផលរបស់ប្រជាពលរដ្ឋ នារសៀលថ្ងៃចន្ទ ទី០៣ ខែសីហា ឆ្នាំ២០២៦ នេះ លោក លីវ សំណាង ប្រធានមន្ទីរអភិវឌ្ឍន៍ជនបទខេត្តតាកែវ បានអញ្ជើញចុះពិនិត្យជាក់ស្តែងនូវវឌ្ឍនភាពការងារជួសជុលផ្លូវកម្រាលកៅស៊ូពីរជាន់ (DBST) ចំនួន ១ខ្សែ។

តាកែវ៖ ដើម្បីពង្រឹងប្រសិទ្ធភាពនៃការងារមនុស្សធម៌ និងឆ្លើយតបបានទាន់ពេលវេលាចំពោះតម្រូវការរបស់ប្រជាពលរដ្ឋ នារសៀលថ្ងៃអង្គារ ទី០៤ ខែសីហា ឆ្នាំ២០២៦ នេះ នៅសាលប្រជុំសាខាកាកបាទក្រហមកម្ពុជា ខេត្តតាកែវ បានរៀបចំកិច្ចប្រជុំបូកសរុបលទ្ធផលការងារប្រចាំឆមាសទី១ និងរៀបចំផែនការសកម្មភាពសម្រាប់ឆមាសទី២ ឆ្នាំ២០២៦។

តាកែវ៖ ដើម្បីរួមចំណែកលើកកម្ពស់សោភ័ណភាព និងធានាសុវត្ថិភាពក្នុងការធ្វើដំណើរជូនប្រជាពលរដ្ឋ នាល្ងាចថ្ងៃចន្ទ ទី០៣ ខែសីហា ឆ្នាំ២០២៦ នេះ លោក គិន ភក្តី អភិបាល នៃគណៈអភិបាលស្រុកព្រៃកប្បាស បានបន្តដឹកនាំមន្ត្រីរាជការ នៃរដ្ឋបាលស្រុក ចុះផ្ទាល់ក្នុងការដំឡើងបង្គោលអំពូលភ្លើងបំភ្លឺផ្លូវដើរដោយថាមពលព្រះអាទិត្យ (សូឡា) បន្ថែមទៀត នៅតាមបណ្តោយសងខាងផ្លូវលេខ១២៩ ស្ថិតក្នុងស្រុកព្រៃកប្បាស ខេត្តតាកែវ។

តាកែវ៖ កម្លាំងគណៈបញ្ជាការឯកភាពរដ្ឋបាលស្រុកអង្គរបូរី សហការជាមួយមន្ត្រីជំនាញ បានចុះស្ទាក់ចាប់ និងបង្ក្រាបករណីដឹកជញ្ជូនទំនិញគេចពន្ធតាម ផ្លូវទឹក ដោយដកហូតបានប្រហិតខូចគុណភាពជិត ៣០០គីឡូក្រាម យកទៅដុតកម្ទេចចោលភ្លាមៗ ដើម្បីការពារសុខុមាលភាព និងសុវត្ថិភាពម្ហូបអាហារជូនប្រជាពលរដ្ឋ ។

តាកែវ៖ លោក ស៊ុត ខុន អភិបាលរងខេត្ត នៅថ្ងៃទី០៤ ខែសីហា ឆ្នាំ២០២៦ នេះ បានអញ្ជើញដឹកនាំកិច្ចប្រជុំពិនិត្យ និងវាយតម្លៃកម្រិតកែប្រែខ្លួនរបស់ទណ្ឌិត ដើម្បីរៀបចំសំណើសុំបន្ធូរបន្ថយទោស និងលើកលែងទោស ក្នុងឱកាសពិធីបុណ្យឯករាជ្យជាតិ និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាពេលខាងមុខ។

តាកែវ៖ អគារសល្យសាស្ត្រ (អគារសម្រាកព្យាបាលជំងឺក្រោយវះកាត់) នៃមន្ទីរពេទ្យបង្អែកខេត្តតាកែវ ត្រូវបានជួសជុល កែលម្អ និងរៀបចំយ៉ាងស្អាតបាតរួចរាល់ជាស្ថាពរ ១០០% ហើយ ព្រមទាំងបានរៀបចំកម្មវិធីសូត្រមន្ត ដើម្បីរៀបចំដាក់ឱ្យដំណើរការផ្លូវការ និងបើកទ្វារទទួលស្វាគមន៍ បម្រើសេវាជូនប្រជាពលរដ្ឋនៅក្នុងសប្តាហ៍ទី១ នៃខែសីហា ឆ្នាំ២០២៦នេះ។

តាកែវ៖ លោកវេជ្ជបណ្ឌិត ជុំ សុវណ្ណវុទ្ធី ប្រធានកម្មវិធីប្រយុទ្ធនឹងជំងឺអេដស៍ខេត្តតាកែវ បានបញ្ជាក់ឱ្យដឹងថា ក្នុងឆមាសទី១ ឆ្នាំ២០២៦ នេះ តាមរយៈការធ្វើតេស្តឈាមស្វែងរកមេរោគអេដស៍លើប្រជាពលរដ្ឋសរុបចំនួន ១៣.៩១៩នាក់ បានរកឃើញវិជ្ជមានមេរោគអេដស៍ករណីថ្មីចំនួន ១១៦នាក់។

តាកែវ៖ ប្រធានមន្ទីរសុខាភិបាល នៃរដ្ឋបាលខេត្តតាកែវ បានធ្វើការអំពាវនាវយ៉ាងទទូចដល់បងប្អូនប្រជាពលរដ្ឋទាំងអស់នៅក្នុងខេត្ត សូមបង្កើនស្មារតីប្រុងប្រយ័ត្ន និងរួមគ្នាកម្ទេចជម្រកមូសខ្លាដែលជាភ្នាក់ងារចម្លងជំងឺនៅតាមខ្នងផ្ទះ និងសហគមន៍។

តាកែវ៖ ដើម្បីទ្រទ្រង់ដល់ព្រះសង្ឃដែលគង់ចាំព្រះវស្សាអស់ត្រីមាស និងរួមចំណែកលើកកម្ពស់វិស័យព្រះពុទ្ធសាសនា នាព្រឹកថ្ងៃអង្គារ ទី០៤ ខែសីហា ឆ្នាំ២០២៦ នេះ លោក ភួន ឈីម អភិបាលស្រុកកោះអណ្តែត បានដឹកនាំលោក លោកស្រី សមាជិកក្រុមប្រឹក្សាស្រុក គណៈអភិបាលស្រុក កងកម្លាំងប្រដាប់អាវុធ មន្ត្រីរាជការ ក្រុមប្រឹក្សាឃុំ លោកគ្រូ អ្នកគ្រូ និងបងប្អូនប្រជាពលរដ្ឋ បានអញ្ជើញនាំយកប្រេង ទៀនវស្សា ទេយ្យវត្ថុ និងបច្ច័យ ទៅវេរប្រគេនជូនព្រះសង្ឃដែលគង់ចាំព្រះវស្សានៅ វត្តព្រះពុទ្ធកស្សបោ និង វត្តព្រៃម្លូ ស្ថិតក្នុងស្រុកកោះអណ្តែត ខេត្តតាកែវ។

តាកែវ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនីតិវិធីពី ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ ព្រមទាំង ឯកឧត្តម ជីវ ចាន់តារា ព្រះរាជអាជ្ញា នៃអយ្យការអមសាលាដំបូងខេត្តកំពត កម្លាំងជំនាញអាវុធហត្ថបានបើកប្រតិបត្តិការបង្ក្រាបបទល្មើសគ្រឿងញៀន ឆ្លងដែនដីយ៉ាងមានប្រសិទ្ធភាព។

តាកែវ៖ លោកឧត្តមសេនីយ៍ទោ ម៉ែន លី ស្នងការ នៃស្នងការដ្ឋាននគរបាលខេត្តតាកែវ បានណែនាំ និងជំរុញឱ្យលោកអធិការនគរបាលក្រុង-ស្រុកទាំង១០ និងលោកនាយប៉ុស្តិ៍នគរបាលរដ្ឋបាលទាំង១០០ឃុំ-សង្កាត់ ខិតខំបន្តចុះធ្វើ «វេទិកាសាធារណៈ» ឱ្យបានច្រើនជាមួយប្រជាពលរដ្ឋគ្រប់ស្រទាប់វណ្ណៈ សំដៅលើកកម្ពស់ការយល់ដឹង និងបង្កើនកិច្ចសហការបង្ការ ទប់ស្កាត់ និងបង្ក្រាបបទល្មើសគ្រប់ប្រភេទនៅក្នុងមូលដ្ឋាន។