ព័ត៌មានក្នុងខេត្ត

តាកែវ៖ ដើម្បីបង្ហាញនូវមនោសញ្ចេតនាស្និទ្ធស្នាល និងជាការចូលរួមសម្តែងនូវការសោកស្តាយប្រកបដោយក្តីក្តុកក្តួល នាថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ នេះ លោក នាង ស៊ន ប្រធានក្រុមប្រឹក្សាស្រុកកោះអណ្តែត និងលោក ភួន ឈីម អភិបាល នៃគណៈអភិបាលស្រុកកោះអណ្តែត ព្រមទាំងសហការី បានអញ្ជើញចុះទៅកាន់គេហដ្ឋានសព ស្ថិតនៅភូមិគ ឃុំព្រៃខ្លា ស្រុកកោះអណ្ដែត ខេត្តតាកែវ ដើម្បីចូលរួមរំលែកទុក្ខផ្ទាល់ជាមួយគ្រួសារលោកស្រី អ៊ាង រដ្ឋា សមាជិកក្រុមប្រឹក្សាស្រុកកោះអណ្តែត ចំពោះមរណភាពរបស់ម្តាយបង្កើតលោកស្រី ដែលបានទទួលមរណភាពដោយរោគាពាធ។

តាកែវ៖ នៅព្រឹកថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦នេះ លោក ស៊ូ ភិរម្យ អភិបាល នៃគណៈអភិបាលស្រុកបូរីជលសារ បានអញ្ជើញជាអធិបតី ក្នុងកម្មវិធីបើកស្រោមវិញ្ញាសាប្រឡងបញ្ចប់ឆ្នាំទី១ របស់សិស្សគន្លងវិជ្ជាជីវៈ សម័យប្រឡង ២២ កក្កដា ២០២៦ ដែលប្រព្រឹត្តទៅនៅមជ្ឈមណ្ឌលបច្ចេកវិទ្យា សហគមន៍ (ម.ប.ស) នៃវិទ្យាល័យសុខអានដូងខ្ពស់បូរីជលសារ ស្ថិតក្នុងឃុំដូងខ្ពស់ ស្រុកបូរីជលសារ ខេត្តតាកែវ។

តាកែវ៖ រដ្ឋបាលក្រុងដូនកែវ បានបន្តអំពាវនាវ និងរំលឹកយ៉ាងទទូចដល់ម្ចាស់ការដ្ឋាន ក្រុមហ៊ុនសាងសង់ ព្រមទាំងបងប្អូនប្រជាពលរដ្ឋទាំងអស់នៅក្នុងក្រុងដូនកែវ សូមមេត្តារៀបចំឯកសារ និងស្នើសុំ «លិខិតអនុញ្ញាតសាងសង់» ឱ្យបានត្រឹមត្រូវពីអាជ្ញាធរ និងការិយាល័យជំនាញជាមុនសិន មុននឹងចាប់ផ្តើមដំណើរការបើកការដ្ឋានសាងសង់សំណង់ផ្សេងៗ ដើម្បីជៀសវាងការប្រឈមមុខនឹងវិធានការផ្លូវច្បាប់។

តាកែវ៖ កាលពីរសៀលថ្ងៃអង្គារ ទី២១ ខែកក្កដា ឆ្នាំ២០២៦ លោក ស៊ូ ភិរម្យ អភិបាលនៃគណៈអភិបាលស្រុកបូរីជលសារ និងជាប្រធានសមាគមអតីតយុទ្ធជន និងនិវត្តជនកម្ពុជាស្រុក បានដឹកនាំប្រតិភូអញ្ជើញចុះជួបសំណេះសំណាល និងសួរសុខទុក្ខដោយផ្ទាល់ដល់ លោក ជួប បៀន ដែលជានិវត្តជនមានពិការភាព រស់នៅក្នុងភូមិតាយឹង ឃុំដូងខ្ពស់ ស្រុកបូរីជលសារ ខេត្តតាកែវ ។

តាកែវ៖ កាពីរសៀលថ្ងៃអង្គារ ទី២១ ខែកក្កដា ឆ្នាំ២០២៦ លោក ងួន ឌីណា អភិបាល នៃគណៈអភិបាលស្រុកគិរីវង់ បានអញ្ជើញចុះពិនិត្យទីតាំងដាំដុះ “ដំណាំព្រះក្រុង” របស់ប្រជាកសិករ ស្ថិតនៅក្នុងភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវ ដើម្បីពិនិត្យមើលពីសក្តានុពលនៃការដាំដុះ និងជំរុញជីវភាពប្រជាពលរដ្ឋក្នុងមូលដ្ឋាន។ ដំណាំព្រះក្រុង គឺជាប្រភេទដំណាំស្លឹកដែលមានសណ្ឋានដូចបេះដូង ពណ៌បៃតង ស្រស់ ប្រើប្រាស់សម្រាប់ធ្វើជាបង្អែមដែលមានឱជារសឈ្ងុយឆ្ងាញ់ ពិសារ និងត្រូវប៉ាន់ខ្លាំងនៅលើទីផ្សារ។

តាកែវ៖ ដើម្បីរួមចំណែកបង្កើនគម្របបៃតង ការពារបរិស្ថាន និងកសាងតំបន់សម្រាកកម្សាន្តសម្រាប់សហគមន៍ នៅថ្ងៃទី២១ ខែកក្កដា ឆ្នាំ២០២៦ នេះ លោក អ៊ុំ ចំរើន អភិបាល នៃគណៈអភិបាលស្រុកទ្រាំង បាននាំយកកូនឈើចំនួន ២៥០ដើម ដែលជាអំណោយរបស់លោក ងិន ងិនដា អភិបាលរងខេត្តតាកែវ ទៅប្រគល់ជូនរដ្ឋបាលឃុំជីខ្នា ដើម្បីរៀបចំដាំបន្តនៅលើខ្នងប្រឡាយធារាសាស្ត្រ ស្ថិតនៅក្នុងភូមិយុលចេក ឃុំជីខ្នា ស្រុកទ្រាំង ខេត្តតាកែវ។

តាកែវ៖ ដើម្បីបន្តតាមដានវឌ្ឍនភាពនៃការអភិវឌ្ឍហេដ្ឋារចនាសម្ព័ន្ធមូលដ្ឋាន និងលើកកម្ពស់សុខុមាលភាពរស់នៅរបស់ប្រជាពលរដ្ឋ នៅព្រឹកថ្ងៃទី២១ ខែកក្កដា ឆ្នាំ២០២៦ នេះ លោក ងួន ឌីណា អភិបាលស្រុកគិរីវង់ រួមដំណើរជាមួយសមាជិកក្រុមប្រឹក្សាស្រុក និងក្រុមការងារបច្ចេកទេសពាក់ព័ន្ធ បានអញ្ជើញចុះពិនិត្យបច្ចុប្បន្នភាពនៃការជួសជុលផ្លូវបេតុង ការរៀបចំប្រព័ន្ធលូបង្ហូរទឹក ព្រមទាំងការគ្រប់គ្រងអនាម័យ និងបរិស្ថាន ស្ថិតនៅក្នុងឃុំព្រះបាទជាន់ជុំ ស្រុកគិរីវង់ ខេត្តតាកែវ។

តាកែវ៖ ដើម្បីឆ្លើយតបទាន់ពេលវេលាចំពោះផលប៉ះពាល់ផ្នែកហេដ្ឋារចនាសម្ព័ន្ធ និងធានានូវសុវត្ថិភាពធ្វើដំណើរជូនប្រជាពលរដ្ឋ នៅរសៀលថ្ងៃចន្ទ ទី២០ ខែកក្កដា ឆ្នាំ២០២៦ លោក ហ៊ត មនោ អភិបាលស្រុកត្រាំកក់ បានដឹកនាំមន្ត្រីជំនាញពាក់ព័ន្ធ ក្រុមប្រឹក្សាឃុំលាយបូរ និងសហការី ចុះពិនិត្យស្ថានភាពផ្លូវកៅស៊ូមួយខ្សែដែលរងការខូចខាត ដោយសារឥទ្ធិពលទឹកភ្លៀង និងការហូរច្រោះ ស្ថិតនៅក្នុងភូមិបាក់កូដ ឃុំលាយបូរ ស្រុកត្រាំកក់ ខេត្តតាកែវ។

តាកែវ៖ នាព្រឹកថ្ងៃទី២០ ខែកក្កដា ឆ្នាំ២០២៦ លោក សុខ គង្គារ័ត្ន អភិបាលរង នៃគណៈអភិបាលក្រុងដូនកែវ បានអញ្ជើញចុះពិនិត្យ និងសួរសុខទុក្ខលោកគ្រូ អ្នកគ្រូ នៅវិទ្យាល័យ ព្រះនរោត្តមសីហនុរាជា និងសម្ដេចព្រះវររាជមាតា នរោត្តមមុនិនាថ សីហនុតុំ ដើម្បីស្វែងយល់អំពីស្ថានភាពនៃការបង្រៀន និងការសិក្សារបស់សិស្សានុសិស្សនៅក្នុងគ្រឹះស្ថានសិក្សា។

តាកែវ៖ នៅព្រឹកថ្ងៃចន្ទ ទី២០ ខែកក្កដា ឆ្នាំ២០២៦ ថ្នាក់ដឹកនាំរដ្ឋបាលស្រុកទ្រាំង បានអញ្ជើញចុះសួរសុខទុក្ខ និងនាំយកថវិកាបេឡាមរណៈសង្គ្រោះ ព្រមទាំងសម្ភារៈប្រើប្រាស់ ទៅប្រគល់ជូនគ្រួសារសពសមាជិកសមាគមអតីតយុទ្ធជន និងនិវត្តជនកម្ពុជា ស្ថិតក្នុងឃុំអង្គខ្នុរ ស្រុកទ្រាំង ខេត្តតាកែវ។

តាកែវ៖ នៅថ្ងៃទី២០ ខែកក្កដា ឆ្នាំ២០២៦នេះ លោក អ៊ុំ ចំរើន អភិបាលនៃគណៈអភិបាលស្រុកទ្រាំង បានអញ្ជើញចុះសួរសុខទុក្ខ និងនាំយកអំណោយសម្រួលដល់ជីវភាព ចែកជូនដល់គ្រួសារខ្វះខាតទីទល់ក្រចំនួន ២គ្រួសារ ដែលរស់នៅភូមិសម៉ក្រោម ឃុំខ្វាវ ស្រុកទ្រាំង ខេត្តតាកែវ។

តាកែវ៖ ក្នុងគោលបំណងជំរុញ និងលើកកម្ពស់ការកែច្នៃកសិផល ក៏ដូចជាខ្សែច្រវាក់ផលិតកម្មចំណីអាហារក្នុងស្រុកឱ្យកាន់តែមានគុណភាព នារសៀលថ្ងៃសៅរ៍ ទី១៨ ខែកក្កដា ឆ្នាំ២០២៦ លោក សាយ វណ្ណៈ អភិបាលស្រុកបាទី និងលោកប្រធានក្រុមប្រឹក្សាស្រុក រួមជាមួយសហការី បានអញ្ជើញចុះពិនិត្យ និងស្វែងយល់ផ្ទាល់ពីដំណើរការផលិតសាច់ក្រក និង ហតដុក (Hot Dog) នៅកសិដ្ឋាន «តាសី បាទី» ដែលមានទីតាំងស្ថិតនៅក្នុងឃុំលំពង់ ស្រុកបាទី ខេត្តតាកែវ។