ព័ត៌មានក្នុងខេត្ត

លោកស្រី​ ឡុង បូណារេត អភិបាលរង នៃគណៈអភិបាលខេត្ត និងជាប្រធានប្រតិបត្តិសាខាសមាគមនារីខេត្ត បានអញ្ជើញចុះសួរសុខទុក្ខ លោកស្រី ហ៊ាង ស្រីមុំ មន្ត្រីរាជការនៃមន្ទីរបរិស្ថានខេត្តតាកែវ​ ដែលកំពុងសម្រាកលំហែមាតុ ភាព ។

លោក អ៊ុំ​​​ ចំរើន​​ នាំយកអំណោយមនុស្សធម៌ទៅផ្តល់ជូនគ្រួសារដែលរងគ្រោះដោយសារគ្រោះធម្មជាតិ (ខ្យល់កន្ត្រាក់) ស្ថិតនៅក្នុងភូមិរវៀង ឃុំប្រាំបីមុំ ស្រុកទ្រាំង ខេត្តតាកែវ។

ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃ ព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់ជាទីបំផុត ទ្រង់សព្វព្រះរាជហឫទ័យ នឹង ប្រោសប្រទាននូវព្រះរាជសាររបស់ព្រះអង្គក្នុងកម្មវិធីបើកនៃសន្និសីទប្រធានសភា នៃអន្តរសភាលើកទី២ ក្នុងខណៈកម្ពុជា ទទួលបានកិត្តិយសធ្វើជាម្ចាស់ផ្ទះ ចាប់ពីថ្ងៃទី២៦ ដល់ ថ្ងៃទី២៨ ខែសីហា ឆ្នាំ២០២៦ខាងមុខនោះ។

ឯកឧត្តម វ៉ី សំណាង អភិបាលខេត្តតាកែវ បានធ្វើការអំពាវនាវយ៉ាងទទូចដល់បងប្អូនប្រជាពលរដ្ឋ និងប្រជានេសាទទាំងអស់ក្នុងមូលដ្ឋាន ឲ្យបញ្ឈប់ជាបន្ទាន់នូវរាល់សកម្មភាពនេសាទ ដោយប្រើប្រាស់ឧបករណ៍ខុសច្បាប់ ដើម្បីចូលរួមអភិរក្ស និងលើកកម្ពស់ទិន្នផលត្រីធម្មជាតិឲ្យកាន់តែសម្បូរបែប។

លោក អ៊ុំ ចំរើន អភិបាល នៃគណៈអភិបាលស្រុកទ្រាំង បានដឹកនាំប្រតិភូអមដំណើរ ចុះសាកសួរសុខទុក្ខដោយផ្ទាល់ដល់គេហដ្ឋាន វីរៈកងទ័ពចំនួន ១រូប ដែលបានមកសម្រាកកម្សាន្តនៅស្រុកកំណើត ស្ថិតនៅភូមិថ្កូវ ឃុំជីខ្មា ស្រុកទ្រាំង ខេត្តតាកែវ។

តាកែវ៖ នៅក្នុងឱកាសអញ្ជើញទទួលស្វាគមន៍ក្រុមអ្នកវិនិយោគមកពីប្រទេសចិន នៅរសៀលថ្ងៃសុក្រ ទី២១ ខែសីហា ឆ្នាំ២០២៦ ឯកឧត្តម វ៉ី សំណាង អភិបាលខេត្តតាកែវ បានស្វាគមន៍ និងធ្វើការលើកទឹកចិត្តដល់ក្រុមហ៊ុនអ្នកវិនិយោគទុនមកពីប្រទេសចិនឱ្យចូលមកបណ្តាក់ទុននៅក្នុងខេត្តតាកែវឱ្យបានកាន់តែច្រើនឡើង ជាពិសេសបង្កើតរោងចក្រថ្មីៗ ដើម្បីបង្កើតការងារជូនបងប្អូនប្រជាពលរដ្ឋនៅក្នុងខេត្ត។

តាកែវ៖ នារសៀលថ្ងៃសុក្រ ទី២១ ខែសីហា ឆ្នាំ២០២៦ នេះ លោកស្រី ឡុង បូណារេត អភិបាលរងខេត្ត និងជាប្រធានគណៈកម្មការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តតាកែវ បានអញ្ជើញជាអធិបតីភាពក្នុង «ពិធីប្រកាសទទួលស្គាល់ការកែសម្រួល និងបំពេញបន្ថែមសមាសភាពអនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ស្រុកកោះអណ្ដែត» ស្ថិតនៅសាលប្រជុំរដ្ឋបាលស្រុកកោះអណ្ដែត។

តាកែវ៖ ក្នុងឱកាសបើកកិច្ចប្រជុំស្តីពីការងារកំណត់ព្រំប្រទល់ខេត្ត ក្រុង ស្រុក ឃុំ និងសង្កាត់ នាព្រឹកថ្ងៃសុក្រ ទី២១ ខែសីហា ឆ្នាំ២០២៦ ដែលរៀបចំធ្វើឡើងនៅសាលប្រជុំតូចរដ្ឋបាលខេត្ត លោក ព្រំ គន្ធិ បានរំលេចនូវលិខិតណែនាំរបស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុះថ្ងៃទី១១ ខែសីហា ឆ្នាំ២០២៦ ដែលបានណែនាំជំរុញ និងពន្លឿនការកំណត់ព្រំប្រទល់រដ្ឋបាលដែនដីនៅតាមរាជធានី-ខេត្ត ឱ្យបានបញ្ចប់ជាស្ថាពរត្រឹម ថ្ងៃទី៣០ ខែវិច្ឆិកា ឆ្នាំ២០២៦ ខាងមុខនេះ។

តាកែវ៖ អភិបាលខេត្តតាកែវ ឯកឧត្តម វ៉ី សំណាង នៅព្រឹកថ្ងៃសុក្រ ទី២១ ខែសីហា ឆ្នាំ២០២៦ នេះ បានអញ្ជើញចូលរួមបើកសិក្ខាសាលាផ្សព្វផ្សាយស្តីពី “ការវាយតម្លៃសមិទ្ធកម្មការងាររបស់មន្ត្រីផ្អែកលើកិច្ចព្រមព្រៀងការងារ” ដល់មន្ត្រីអប់រំ និងមន្ត្រីសុខាភិបាលថ្នាក់ក្រោមជាតិក្នុងខេត្តតាកែវ និងមន្ត្រីមកពីខេត្តកោះកុង កំពង់ស្ពឺ កែប កំពត និងព្រះសីហនុ។

វិមានសាមគ្គីភាពនៃព្រឹទ្ធសភា ដែលទើបបញ្ចប់ការសាងសង់ត្រូវបានសម្ពោធដាក់ឱ្យប្រើប្រាស់ជាផ្លូវការ ក្រោមព្រះរាជាធិបតីដ៏ខ្ពង់ខ្ពស់បំផុត ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា

AKP ភ្នំពេញ ថ្ងៃទី២១ ខែសីហា ឆ្នាំ២០២៦

តាកែវ៖ នៅក្នុងឱកាសអញ្ជើញជាអធិបតីភាពក្នុង «ពិធីប្រកាសតែងតាំងប្រធានស្នាក់ការត្រួតពិនិត្យច្រកទ្វារអន្តរជាតិភ្នំដិន» ដែលប្រកាសតែងតាំងលោក ព្រំ ប៊ុនថន ជាប្រធានទីស្នាក់ការត្រួតពិនិត្យច្រកទ្វារអន្តរជាតិភ្នំដិន ស្ថិតក្នុងស្រុកគិរីវង់ នាព្រឹកថ្ងៃព្រហស្បតិ៍ ៧កើត ទី២០ ខែសីហា ឆ្នាំ២០២៦ នេះ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានធ្វើការណែនាំប្រធានស្នាក់ការច្រកទ្វារអន្តរជាតិភ្នំដិនថ្មី ត្រូវតែសហការគ្នាជាមួយនឹងកងកម្លាំងដែរឈរជើងតាមបណ្តោយព្រំដែន ទប់ស្កាត់ និងបង្រ្កាបបទល្មើសទំនិញគេចពន្ធឆ្លងដែន ជាពិសេសបទល្មើសជួញដូរមនុស្ស ជួញដូរអាវុធខុសច្បាប់គ្រប់ប្រភេទ ។