ព័ត៌មានក្នុងខេត្ត

តាកែវ៖ ដើម្បីពង្រឹងប្រសិទ្ធភាពនៃការងារមនុស្សធម៌ និងឆ្លើយតបបានទាន់ពេលវេលាចំពោះតម្រូវការរបស់ប្រជាពលរដ្ឋ នារសៀលថ្ងៃអង្គារ ទី០៤ ខែសីហា ឆ្នាំ២០២៦ នេះ នៅសាលប្រជុំសាខាកាកបាទក្រហមកម្ពុជា ខេត្តតាកែវ បានរៀបចំកិច្ចប្រជុំបូកសរុបលទ្ធផលការងារប្រចាំឆមាសទី១ និងរៀបចំផែនការសកម្មភាពសម្រាប់ឆមាសទី២ ឆ្នាំ២០២៦។

តាកែវ៖ លោក ស៊ុត ខុន អភិបាលរងខេត្ត នៅថ្ងៃទី០៤ ខែសីហា ឆ្នាំ២០២៦ នេះ បានអញ្ជើញដឹកនាំកិច្ចប្រជុំពិនិត្យ និងវាយតម្លៃកម្រិតកែប្រែខ្លួនរបស់ទណ្ឌិត ដើម្បីរៀបចំសំណើសុំបន្ធូរបន្ថយទោស និងលើកលែងទោស ក្នុងឱកាសពិធីបុណ្យឯករាជ្យជាតិ និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាពេលខាងមុខ។

តាកែវ៖ ប្រធានមន្ទីរសុខាភិបាល នៃរដ្ឋបាលខេត្តតាកែវ បានធ្វើការអំពាវនាវយ៉ាងទទូចដល់បងប្អូនប្រជាពលរដ្ឋទាំងអស់នៅក្នុងខេត្ត សូមបង្កើនស្មារតីប្រុងប្រយ័ត្ន និងរួមគ្នាកម្ទេចជម្រកមូសខ្លាដែលជាភ្នាក់ងារចម្លងជំងឺនៅតាមខ្នងផ្ទះ និងសហគមន៍។

តាកែវ៖ ឯកឧត្តមបណ្ឌិត ជា វ៉ាន់ដេត សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តតាកែវ បានជំរុញដល់ថ្នាក់ដឹកនាំ សមាជិក សមាជិកាគណបក្សប្រជាជនកម្ពុជាខេត្តតាកែវទាំងអស់ ត្រូវបង្កើនសកម្មភាពផ្សព្វផ្សាយអំពីសមិទ្ធផលដែលគណបក្សសម្រេចបានទៅកាន់ប្រជាពលរដ្ឋ សំដៅពង្រីកភាពឈ្នះ ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៦ ឆ្នាំ២០២៧ខាងមុខនេះ។

តាកែវ៖ លោក ហែម ឬទ្ធី អភិបាលរង នៃគណៈអភិបាលខេត្តតាកែវ ថ្មីៗនេះ បានអញ្ជើញចុះពិនិត្យ យុទ្ធនាការផ្តល់ និងបន្តសុពលភាពអត្តសញ្ញាណប័ណ្ណសញ្ជាតិខ្មែរ ដែលបានដាក់ឱ្យមូលដ្ឋានរៀបចំធ្វើជូនប្រជាពលរដ្ឋដែលផុតសុពលភាព ប្រជាពលរដ្ឋគ្រប់អាយុត្រូវធ្វើថ្មី និងការដោះស្រាយរាល់ឯកសារមិនទាន់សមស្រប នៅប៉ុស្តិ៍នគរបាលរដ្ឋបាលលាយបូរ ស្ថិតក្នុងឃុំលាយបូរ ស្រុកត្រាំកក់ ខេត្តតាកែវ។

តាកែវ៖ នៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុង «ពិធីប្រគល់សញ្ញាបត្រដល់សិស្ស និងនិស្សិត នៃវិទ្យាស្ថានពហុបច្ចេកទេសភូមិភាគតេជោសែនតាកែវ» នាព្រឹកថ្ងៃសៅរ៍ ទី០១ ខែសីហា ឆ្នាំ២០២៦ នេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានចាត់ទុកការអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) ថា ជាស្ពានចម្លងដ៏រឹងមាំសម្រាប់យុវជនឆ្ពោះទៅកាន់គោលដៅ និងក្តីស្រមៃរបស់ពួកគេ ហើយ TVET គឺជាវិថីនៃការចាប់យកជំនាញដ៏ពិតប្រាកដសម្រាប់ជីវិត។

តាកែវ៖ មន្ត្រីសុខាភិបាលខេត្តតាកែវ បានធ្វើការអំពាវនាវយ៉ាងទទូចដល់អាជ្ញាធរមូលដ្ឋាន និងដៃគូអង្គការជាតិ-អន្តរជាតិ វិស័យឯកជន រួមទាំងមន្ត្រីពាក់ព័ន្ធទាំងអស់នៅក្នុងខេត្តតាកែវ ត្រូវរួមសហការគ្នា បង្ការ និងទប់ស្កាត់ការរីករាលដាលនៃមេរោគអេដស៍ នៅក្នុងភូមិសាស្ត្រខេត្តតាកែវ។

តាកែវ៖ សាខាធនាគារជាតិនៃកម្ពុជា ខេត្តតាកែវ បានធ្វើការអំពាវនាវឱ្យបងប្អូនប្រជាពលរដ្ឋ យកប្រាក់ ប្រាក់សន្សំរបស់ខ្លួន ទៅផ្ញើទុកនៅគ្រឹះស្ថានធនាគារ និងហិរញ្ញវត្ថុណាមួយ បងប្អូននឹងទទួលបានកម្រៃការប្រាក់បន្ថែមជាប្រចាំ និងជាចំណែកមួយនៃប្រភពទុនដើម្បីជួយអភិវឌ្ឍសេដ្ឋកិច្ចជាតិ។

តាកែវ៖ នាថ្ងៃទី៣១ ខែកក្កដា ឆ្នាំ២០២៦ នេះ លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ អនុប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកគិរីវង់ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំសោម បានអញ្ជើញជាអធិបតីភាពក្នុង «ពិធីវេទិកាសាធារណៈ» ដែលបានប្រារព្ធធ្វើឡើងនៅវត្តសោម ឃុំសោម ស្រុកគិរីវង់ ខេត្តតាកែវ។

តាកែវ៖ ឯកឧត្តម វ៉ី សំណាង អភិបាលខេត្តតាកែវ និងជាប្រធានគណៈកម្មាធិការត្រួតពិនិត្យគ្រឿងញៀនខេត្ត បានធ្វើការអំពាវនាវដល់ប្អូនៗសិស្សានុសិស្ស យុវជន ចូលរួមផ្សព្វផ្សាយឱ្យបានទូលំទូលាយ ពីបញ្ហាគ្រឿងញៀន ជាពិសេសត្រូវចៀសឱ្យឆ្ងាយពីគ្រឿងញៀន ។ ថ្លែងនៅក្នុងឱកាសអញ្ជើញអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន និងដុតបំផ្លាញចោលវត្ថុតាងគ្រឿងញៀន ដែលបានរៀបចំធ្វើឡើងនៅឃុំត្រពាំងធំខាងត្បូង ស្រុកត្រាំកក់ ខេត្តតាកែវ នៅព្រឹកថ្ងៃទី៣០ ខែកក្កដា ឆ្នាំ២០២៦។

តាកែវ៖ ដើម្បីពង្រឹងទំនាក់ទំនង កសាងទំនុកចិត្ត និងឆ្លើយតបបានទាន់ពេលវេលាចំពោះតម្រូវការរបស់ប្រជាពលរដ្ឋ នាព្រឹកថ្ងៃពុធ ទី២៩ ខែកក្កដា ឆ្នាំ២០២៦ នេះ ក្រុមការងាររាជរដ្ឋាភិបាលចុះមូលដ្ឋានស្រុកត្រាំកក់ បានរៀបចំ «វេទិកាសាធារណៈ» ដោយផ្ទាល់ជាមួយប្រជាពលរដ្ឋក្នុងឃុំលាយបូរ ស្រុកត្រាំកក់ ខេត្តតាកែវ។

តាកែវ៖ នាព្រឹកថ្ងៃពុធ ទី២៩ ខែកក្កដា ឆ្នាំ២០២៦ នេះ លោក ស៊ុត ខុន អភិបាលរង នៃគណៈអភិបាលខេត្តតាកែវ បានអញ្ជើញដឹកនាំមន្ត្រីជំនាញពាក់ព័ន្ធ និងអាជ្ញាធរស្រុកសំរោង បើកកិច្ចប្រជុំពិភាក្សា និងចុះពិនិត្យជាក់ស្តែងដល់ទីតាំងពាក់ព័ន្ធនឹងការស្នើសុំជីកស្រះទឹក ដើម្បីរក្សាទឹកទុកប្រើប្រាស់ក្នុងសិប្បកម្មផលិតទឹកកក និងទឹកសុទ្ធ ដែលមានទំហំបណ្តោយ ១០០ម៉ែត្រ ទទឹង ៩០ម៉ែត្រ និងជម្រៅ ៥ម៉ែត្រ ស្ថិតក្នុងឃុំសំរោង ស្រុកសំរោង ខេត្តតាកែវ។