ព័ត៌មានក្នុងខេត្ត

តាកែវ៖ ដើម្បីរួមចំណែកបង្កើនគម្របបៃតង ការពារបរិស្ថាន និងកសាងតំបន់សម្រាកកម្សាន្តសម្រាប់សហគមន៍ នៅថ្ងៃទី២១ ខែកក្កដា ឆ្នាំ២០២៦ នេះ លោក អ៊ុំ ចំរើន អភិបាល នៃគណៈអភិបាលស្រុកទ្រាំង បាននាំយកកូនឈើចំនួន ២៥០ដើម ដែលជាអំណោយរបស់លោក ងិន ងិនដា អភិបាលរងខេត្តតាកែវ ទៅប្រគល់ជូនរដ្ឋបាលឃុំជីខ្នា ដើម្បីរៀបចំដាំបន្តនៅលើខ្នងប្រឡាយធារាសាស្ត្រ ស្ថិតនៅក្នុងភូមិយុលចេក ឃុំជីខ្នា ស្រុកទ្រាំង ខេត្តតាកែវ។

តាកែវ៖ ដើម្បីបន្តតាមដានវឌ្ឍនភាពនៃការអភិវឌ្ឍហេដ្ឋារចនាសម្ព័ន្ធមូលដ្ឋាន និងលើកកម្ពស់សុខុមាលភាពរស់នៅរបស់ប្រជាពលរដ្ឋ នៅព្រឹកថ្ងៃទី២១ ខែកក្កដា ឆ្នាំ២០២៦ នេះ លោក ងួន ឌីណា អភិបាលស្រុកគិរីវង់ រួមដំណើរជាមួយសមាជិកក្រុមប្រឹក្សាស្រុក និងក្រុមការងារបច្ចេកទេសពាក់ព័ន្ធ បានអញ្ជើញចុះពិនិត្យបច្ចុប្បន្នភាពនៃការជួសជុលផ្លូវបេតុង ការរៀបចំប្រព័ន្ធលូបង្ហូរទឹក ព្រមទាំងការគ្រប់គ្រងអនាម័យ និងបរិស្ថាន ស្ថិតនៅក្នុងឃុំព្រះបាទជាន់ជុំ ស្រុកគិរីវង់ ខេត្តតាកែវ។

តាកែវ៖ ដើម្បីបន្តលើកកម្ពស់ហេដ្ឋារចនាសម្ព័ន្ធរូបវន្តក្នុងមូលដ្ឋានឱ្យកាន់តែប្រសើរឡើង នៅព្រឹកថ្ងៃអង្គារ ទី២១ ខែកក្កដា ឆ្នាំ២០២៦ នេះ លោកជំទាវ រស់ សុភារ៉ាវី ប្រធានក្រុមការងាររាជរដ្ឋាភិបាល និងគណបក្សចុះជួយមូលដ្ឋានឃុំត្រពាំងក្រសាំង និងលោក សាយ វណ្ណៈ អភិបាលស្រុកបាទី បានអញ្ជើញជាអធិបតីភាពក្នុងពិធីបើកការដ្ឋានសាងសង់ផ្លូវបេតុងអាមេ ១ខ្សែ ស្ថិតនៅភូមិកណ្តាល ឃុំត្រពាំងក្រសាំង ស្រុកបាទី ខេត្តតាកែវ។ ពិធីនេះបានប្រព្រឹត្តទៅនៅសាលាបុណ្យដំណាក់ភូមិកណ្តាល ដោយមានការអញ្ជើញចូលរួមពីសំណាក់ក្រុមការងារចុះជួយមូលដ្ឋាន លោកនាយករដ្ឋបាលស្រុក មន្ត្រីបច្ចេកទេសសាលាខេត្ត អាជ្ញាធរមូលដ្ឋាន ព្រមទាំងបងប្អូនប្រជាពលរដ្ឋអញ្ជើញមកពីភូមិចំនួន២ ប្រមាណ ៣០០នាក់។

តាកែវ៖ ដើម្បីរួមចំណែកជួយសម្រាលបន្ទុកជីវភាព និងលើកកម្ពស់កម្រិតជីវភាពរបស់អ្នកប្រកបរបរក្នុងសេដ្ឋកិច្ចក្រៅប្រព័ន្ធ នៅព្រឹកថ្ងៃអង្គារ ទី២១ ខែកក្កដា ឆ្នាំ២០២៦ នេះ លោក កែវ អ៊ូលី ប្រធាននាយកដ្ឋាននៃក្រសួងផែនការ និងលោក អម សុភា អភិបាលរងខេត្តតាកែវ បានអញ្ជើញជាអធិបតីភាពក្នុង «កិច្ចប្រជុំពិភាក្សា និងសម្របសម្រួលបំពេញស្ថិតិកង់បី ឬរ៉ឺម៉ក» នៅសាលប្រជុំតូចរដ្ឋបាលខេត្តតាកែវ។

សម្ដេចតេជោសង្ឃឹមថា អ្នកវិនិយោគរបស់អាមេរិក នឹងមករកស៊ីនៅក្នុងប្រទេសកម្ពុជាកាន់តែច្រើនបន្ថែមទៀត។

ឯកឧត្តម វ៉ី សំណាង បានសម្តែងនូវមោទកភាពយ៉ាងខ្លាំងចំពោះការសិក្សារបស់កូនខ្មែរពីមួយជំនាន់ទៅមួយជំនាន់ ដែលកាន់តែមានភាពវៃឆ្លាត និងពូកែឡើងៗ ។

តាកែវ៖ ក្នុងការចូលរួមចំណែកការពារ និងថែរក្សាសុខុមាលភាពជូនប្រជាពលរដ្ឋនៅក្នុងមូលដ្ឋានឱ្យចៀសផុតពីជំងឺដង្កាត់ផ្សេងៗ ដោយមានការគាំទ្រពី លោកឱសថការី ផាន់ វ៉ាន់ ប្រធានមន្ទីរសុខាភិបាលនៃរដ្ឋបាលខេត្តតាកែវ នៅថ្ងៃចន្ទ ទី២០ ខែកក្កដា ឆ្នាំ២០២៦ ក្រុមការងារសុខាភិបាលស្រុកប្រតិបត្តិអង្គរកា ដឹកនាំដោយ លោកវេជ្ជបណ្ឌិត ហង់ សីហា អនុប្រធានការិយាល័យ រួមជាមួយសហការី បានចុះបេសកកម្មបើកយុទ្ធនាការរួមគ្នាផ្សព្វផ្សាយអប់រំសុខភាពស្តីពីជំងឺគ្រុនឈាម ព្រមទាំងចុះដាក់ថ្នាំអាបែត និងបាញ់ថ្នាំសម្លាប់មូសខ្លាដោយផ្ទាល់ នៅក្នុងភូមិចានទាប ឃុំសំរោង ស្រុកត្រាំកក់ ខេត្តតាកែវ ដោយ ការចូលរួមយ៉ាងជិតស្និទ្ធពី លោកស្រីមេភូមិ និងលោកអនុភូមិចានទាប លោកគ្រូ-អ្នកគ្រូ នៃសាលាបឋមសិក្សាផ្ចឹកជ្រុំ ព្រមទាំងបងប្អូនប្រជាពលរដ្ឋ និងក្មួយៗសិស្សានុសិស្សនៅក្នុងមូលដ្ឋានយ៉ាងច្រើនកុះករ។

តាកែវ៖ ដើម្បីឆ្លើយតបទាន់ពេលវេលាចំពោះផលប៉ះពាល់ផ្នែកហេដ្ឋារចនាសម្ព័ន្ធ និងធានានូវសុវត្ថិភាពធ្វើដំណើរជូនប្រជាពលរដ្ឋ នៅរសៀលថ្ងៃចន្ទ ទី២០ ខែកក្កដា ឆ្នាំ២០២៦ លោក ហ៊ត មនោ អភិបាលស្រុកត្រាំកក់ បានដឹកនាំមន្ត្រីជំនាញពាក់ព័ន្ធ ក្រុមប្រឹក្សាឃុំលាយបូរ និងសហការី ចុះពិនិត្យស្ថានភាពផ្លូវកៅស៊ូមួយខ្សែដែលរងការខូចខាត ដោយសារឥទ្ធិពលទឹកភ្លៀង និងការហូរច្រោះ ស្ថិតនៅក្នុងភូមិបាក់កូដ ឃុំលាយបូរ ស្រុកត្រាំកក់ ខេត្តតាកែវ។

តាកែវ៖ នាព្រឹកថ្ងៃទី២០ ខែកក្កដា ឆ្នាំ២០២៦ លោក សុខ គង្គារ័ត្ន អភិបាលរង នៃគណៈអភិបាលក្រុងដូនកែវ បានអញ្ជើញចុះពិនិត្យ និងសួរសុខទុក្ខលោកគ្រូ អ្នកគ្រូ នៅវិទ្យាល័យ ព្រះនរោត្តមសីហនុរាជា និងសម្ដេចព្រះវររាជមាតា នរោត្តមមុនិនាថ សីហនុតុំ ដើម្បីស្វែងយល់អំពីស្ថានភាពនៃការបង្រៀន និងការសិក្សារបស់សិស្សានុសិស្សនៅក្នុងគ្រឹះស្ថានសិក្សា។

តាកែវ៖ នៅព្រឹកថ្ងៃចន្ទ ទី២០ ខែកក្កដា ឆ្នាំ២០២៦ ថ្នាក់ដឹកនាំរដ្ឋបាលស្រុកទ្រាំង បានអញ្ជើញចុះសួរសុខទុក្ខ និងនាំយកថវិកាបេឡាមរណៈសង្គ្រោះ ព្រមទាំងសម្ភារៈប្រើប្រាស់ ទៅប្រគល់ជូនគ្រួសារសពសមាជិកសមាគមអតីតយុទ្ធជន និងនិវត្តជនកម្ពុជា ស្ថិតក្នុងឃុំអង្គខ្នុរ ស្រុកទ្រាំង ខេត្តតាកែវ។

តាកែវ៖ នៅថ្ងៃទី២០ ខែកក្កដា ឆ្នាំ២០២៦នេះ លោក អ៊ុំ ចំរើន អភិបាលនៃគណៈអភិបាលស្រុកទ្រាំង បានអញ្ជើញចុះសួរសុខទុក្ខ និងនាំយកអំណោយសម្រួលដល់ជីវភាព ចែកជូនដល់គ្រួសារខ្វះខាតទីទល់ក្រចំនួន ២គ្រួសារ ដែលរស់នៅភូមិសម៉ក្រោម ឃុំខ្វាវ ស្រុកទ្រាំង ខេត្តតាកែវ។

តាកែវ៖ សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តតាកែវ នារសៀលថ្ងៃចន្ទ ទី២០ ខែកក្កដា ឆ្នាំ២០២៦ នេះ បានបើកកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅការងារបន្ត។ កិច្ចប្រជុំនេះប្រព្រឹត្តទៅក្រោមអធិបតីភាព លោកជំទាវ កឹម គឹមអាង សមាជិកក្រុមប្រឹក្សាខេត្ត និងជាអនុប្រធានកិត្តិយសគណៈកម្មការសាខាសមាគមនារីខេត្ត (តំណាង លោកជំទាវ ឈុន ស៊ីន ប្រធានកិត្តិយស) និងលោកស្រី ឡុង បូណារេត អភិបាលរងខេត្ត និងជាប្រធានប្រតិបត្តិ ដោយមានការចូលរួមពីថ្នាក់ដឹកនាំ និងសមាជិកានារីសរុបជាង ១០០នាក់។