ព័ត៌មានក្នុងខេត្ត

តាកែវ៖ ឯកឧត្តម វ៉ី សំណាង អភិបាលខេត្តតាកែវ និងជាប្រធានគណៈកម្មាធិការត្រួតពិនិត្យគ្រឿងញៀនខេត្ត បានធ្វើការអំពាវនាវដល់ប្អូនៗសិស្សានុសិស្ស យុវជន ចូលរួមផ្សព្វផ្សាយឱ្យបានទូលំទូលាយ ពីបញ្ហាគ្រឿងញៀន ជាពិសេសត្រូវចៀសឱ្យឆ្ងាយពីគ្រឿងញៀន ។ ថ្លែងនៅក្នុងឱកាសអញ្ជើញអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន និងដុតបំផ្លាញចោលវត្ថុតាងគ្រឿងញៀន ដែលបានរៀបចំធ្វើឡើងនៅឃុំត្រពាំងធំខាងត្បូង ស្រុកត្រាំកក់ ខេត្តតាកែវ នៅព្រឹកថ្ងៃទី៣០ ខែកក្កដា ឆ្នាំ២០២៦។

តាកែវ៖ ដើម្បីពង្រឹងទំនាក់ទំនង កសាងទំនុកចិត្ត និងឆ្លើយតបបានទាន់ពេលវេលាចំពោះតម្រូវការរបស់ប្រជាពលរដ្ឋ នាព្រឹកថ្ងៃពុធ ទី២៩ ខែកក្កដា ឆ្នាំ២០២៦ នេះ ក្រុមការងាររាជរដ្ឋាភិបាលចុះមូលដ្ឋានស្រុកត្រាំកក់ បានរៀបចំ «វេទិកាសាធារណៈ» ដោយផ្ទាល់ជាមួយប្រជាពលរដ្ឋក្នុងឃុំលាយបូរ ស្រុកត្រាំកក់ ខេត្តតាកែវ។

តាកែវ៖ នាព្រឹកថ្ងៃពុធ ទី២៩ ខែកក្កដា ឆ្នាំ២០២៦ នេះ លោក ស៊ុត ខុន អភិបាលរង នៃគណៈអភិបាលខេត្តតាកែវ បានអញ្ជើញដឹកនាំមន្ត្រីជំនាញពាក់ព័ន្ធ និងអាជ្ញាធរស្រុកសំរោង បើកកិច្ចប្រជុំពិភាក្សា និងចុះពិនិត្យជាក់ស្តែងដល់ទីតាំងពាក់ព័ន្ធនឹងការស្នើសុំជីកស្រះទឹក ដើម្បីរក្សាទឹកទុកប្រើប្រាស់ក្នុងសិប្បកម្មផលិតទឹកកក និងទឹកសុទ្ធ ដែលមានទំហំបណ្តោយ ១០០ម៉ែត្រ ទទឹង ៩០ម៉ែត្រ និងជម្រៅ ៥ម៉ែត្រ ស្ថិតក្នុងឃុំសំរោង ស្រុកសំរោង ខេត្តតាកែវ។

លោកស្រីអភិបាលរងខេត្ត បានសម្តែងនូវការកោតសរសើរ និងវាយតម្លៃខ្ពស់ចំពោះ ប្រធានមន្ទីរសង្គមកិច្ច ដែលបានខិតខំប្រឹងប្រែង យកចិត្តទុកដាក់ខ្ពស់ ក្នុងការដោះស្រាយ និងផ្តល់សេវាគាំពារផ្សេងៗជូនដល់បងប្អូនជនមានពិការភាពក្នុងខេត្តតាកែវបានល្អ។

តាកែវ៖ នារសៀលថ្ងៃទី២៨ ខែកក្កដា ឆ្នាំ២០២៦ នេះ លោកស្រី ឡុង ប៉ូណារ៉េត អភិបាលរង នៃគណៈអភិបាលខេត្តតាកែវ បានអញ្ជើញជាអធិបតីភាពក្នុងពិធីប្រកាសសមាសភាពអនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ នៃមន្ទីរវប្បធម៌ និងវិចិត្រសិល្បៈខេត្តតាកែវ។ ពិធីនេះបានប្រព្រឹត្តទៅនៅសាលប្រជុំមន្ទីរវប្បធម៌ និងវិចិត្រសិល្បៈខេត្តតាកែវ ដោយមានការអញ្ជើញចូលរួមពីសំណាក់ លោក លោកស្រី ជាថ្នាក់ដឹកនាំ មន្ត្រីរាជការ ព្រមទាំងសមាជិក សមាជិកា នៃអនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ មន្ទីរវប្បធម៌ និងវិចិត្រសិល្បៈខេត្តយ៉ាងច្រើនកុះករ។

តាកែវ៖ ដើម្បីបង្ហាញពីការយកចិត្តទុកដាក់ និងការដឹងគុណយ៉ាងជ្រាលជ្រៅចំពោះវីរភាពលះបង់របស់កងទ័ពក្នុងការការពារជាតិ មាតុភូមិ នារសៀលថ្ងៃអង្គារ ទី២៨ ខែកក្កដា ឆ្នាំ២០២៦ នេះ លោក ស៊ូ ភិរម្យ អភិបាលស្រុកបូរីជលសារ បានអញ្ជើញចុះជួបសំណេះសំណាល និងសាកសួរសុខទុក្ខដោយផ្ទាល់ដល់គេហដ្ឋានវីរកងទ័ពចំនួន ៣រូប ដែលបានមកលេងស្រុកកំណើត និងជួបជុំគ្រួសារ ស្ថិតក្នុងភូមិស្នាយដូច ឃុំបូរីជលសារ ស្រុកបូរីជលសារ ខេត្តតាកែវ។

តាកែវ៖ ការអប់រំកូនតាមបែបវិជ្ជមាន គឺជាគ្រឹះដ៏សំខាន់ក្នុងការកសាងអត្តចរិត សុខភាពផ្លូវចិត្ត និងការអភិវឌ្ឍសមត្ថភាពកុមារឱ្យក្លាយជាពលរដ្ឋល្អក្នុងសង្គម ខណៈវិធីសាស្ត្រនេះជួយឱ្យកុមារលូតលាស់ដោយមានទំនុកចិត្ត ការគោរពខ្លួនឯង និងភាពក្លាហាន។ នេះជាការថ្លែងគូសបញ្ជាក់របស់ លោកស្រី ឡុង ប៉ូណារ៉េត អភិបាលរងខេត្តតាកែវ ក្នុងឱកាសអញ្ជើញជាអធិបតីភាពក្នុងពិធីបើក «វគ្គបណ្តុះបណ្តាលស្តីពីការចិញ្ចឹមកូនបែបវិជ្ជមានលើឧបករណ៍ផ្សព្វផ្សាយសាកល (កម្រិត១)» ជូនដល់ថ្នាក់ដឹកនាំស្ត្រី នៃរដ្ឋបាលខេត្ត ក្រុង ស្រុក និងមន្ទីរ-អង្គភាពជុំវិញខេត្ត នាព្រឹកថ្ងៃអង្គារ ទី២៨ ខែកក្កដា ឆ្នាំ២០២៦ នេះ នៅសាលប្រជុំមន្ទីរកិច្ចការនារីខេត្តតាកែវ។

តាកែវ៖ ដើម្បីលើកកម្ពស់ការយល់ដឹង និងជំរុញការអនុវត្តកាតព្វកិច្ចធានារ៉ាប់រងឱ្យកាន់តែមានប្រសិទ្ធភាព នាថ្ងៃទី២៨ ខែកក្កដា ឆ្នាំ២០២៦ នេះ និយ័តករធានារ៉ាប់រងកម្ពុជា (ន.ធ.ក.) នៃអាជ្ញាធរសេវាហិរញ្ញវត្ថុស្រមោល បានរៀបចំសិក្ខាសាលាផ្សព្វផ្សាយស្តីពី «ការធានារ៉ាប់រងជាកាតព្វកិច្ច» នៅខេត្តតាកែវ។ សិក្ខាសាលានេះ បានប្រព្រឹត្តទៅក្រោមអធិបតីភាពលោកស្រីបណ្ឌិត ហោ សុវឌ្ឍនា អគ្គនាយករង នៃ ន.ធ.ក. និងលោក ម៉ម កាយ អភិបាលរង នៃគណៈអភិបាលខេត្តតាកែវ ដោយមានការចូលរួមពីតំណាងក្រុមការងារអន្តរក្រសួង មន្ទីរជំនាញជុំវិញខេត្ត អាជ្ញាធរមានសមត្ថកិច្ច គ្រឹះស្ថានឯកជន និងស្ថាប័នពាក់ព័ន្ធជាច្រើនរូប។

លោកស្រី ឡុង បូណារ៉េត អភិបាលរងខេត្តតាកែវ អញ្ជើញបើកវគ្គបណ្ដុះបណ្ដាលស្ដីពី ការចិញ្ចឹមកូនបែបវិជ្ជមាន និងឧបករណ៍ផ្សព្វផ្សាយសាកល (កម្រិតទី១)

តាកែវ៖ លោក ឃុត ប៊ុនធឿន ប្រធានអង្គភាពច្រកចេញចូលតែមួយរដ្ឋបាលខេត្តតាកែវ បានណែនាំ និងក្រើនរំលឹកដល់មន្ត្រីរាជការ និងបុគ្គលិកជំនាញគ្រប់វិស័យចំណុះអង្គភាព ត្រូវបន្តពង្រឹងស្មារតីទទួលខុសត្រូវ លើកកម្ពស់មនសិការវិជ្ជាជីវៈ និងគោរពពេលវេលាការងារឱ្យបានខ្ជាប់ខ្ជួន ដើម្បីបង្កើនប្រសិទ្ធភាពនៃការផ្តល់សេវាសាធារណៈជូនប្រជាពលរដ្ឋឱ្យកាន់តែប្រសើរឡើង។

តាកែវ៖ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ អមដំណើរដោយមន្ត្រីជំនាញពាក់ព័ន្ធ និងលោក ភួន ឈីម អភិបាលស្រុកកោះអណ្តែត បានអញ្ជើញចុះពិនិត្យការដ្ឋានសាងសង់ផ្លូវបេតុងអាមេ ១ខ្សែ ប្រវែង ៥.០០០ម៉ែត្រ និងទទឹង ៦ម៉ែត្រ ស្ថិតក្នុងស្រុកកោះអណ្តែត នាព្រឹកថ្ងៃអង្គារ ទី២៨ ខែកក្កដា ឆ្នាំ២០២៦ នេះ ៕

តាកែវ៖ អភិបាលខេត្តតាកែវ ឯកឧត្តម វ៉ី សំណាង បានធ្វើការអះអាងថា មិនមានការរំលោភយកដីចំណីបឹងតាកែវធ្វើជាកម្មសិទ្ធិផ្ទាល់ខ្លួននោះទេ ហើយការចាក់ដីមួយផ្នែកក្នុងបឹងតាកែវ គឺសម្រាប់កសាងប្រាសាទសិរីវិជ័យ ដែលអាជ្ញាធរខេត្តបានធ្វើពិធីបញ្ចុះបឋមសិលាសាងសង់កាលពីពេលថ្មីៗកន្លងមកនេះ។