ព័ត៌មានក្នុងខេត្ត

តាកែវ៖លោក កឹម ចណ្ណារិទ្ធ ប្រធានសាខាប.ស.ស ខេត្តតាកែវបានធ្វើការអំពាវនាវ ដល់ម្ចាស់ក្រុមហ៊ុន សហគ្រាស និង តំណាងរោងចក្រទាំងអស់ ដែលបានចូលរួមសិក្ខាសាលានាពេលនេះ ត្រូវជម្រុញការផ្សព្វផ្សាយបន្តនូវចំណេះដឹង និងអត្ថប្រយោជន៍ប័ណ្ណសមាជិក ប.ស.ស. ទៅកាន់បងប្អូនកម្មករនិយោជិតឱ្យបានទូលំទូលាយ ដើម្បីឱ្យពួកគាត់បានយល់កាន់តែច្បាស់អំពីសិទ្ធិ និងអត្ថប្រយោជន៍ដែលត្រូវទទួលបានពីរបបសន្ដិសុខសង្គម ជាពិសេសចូលរួមប្រើប្រាស់ប្រព័ន្ធឌីជីថលថ្មីៗរបស់ប.ស.ស.ឱ្យបានគ្រប់ៗគ្នា។

លោក ងួន ឌីណា អភិបាលនៃគណៈអភិបាលស្រុក និងជាប្រធានកិត្តិយសអនុសាខាកាកបាទក្រហមកម្ពុជាស្រុកគិរីវង់ បានដឹកនាំក្រុមការងារ រួមមានសាលាអនុគណស្រុក អាជ្ញាធរភូមិ-ឃុំព្រៃអំពក បានចុះសំណេះសំណាល និងនាំយកអំណោយមនុស្សធម៌របស់អនុសាខាកាកបាទក្រហមកម្ពុជាស្រុក ជូនប្រជាពលរដ្ឋខ្វះខាត និងមានជីវភាពទីទ័លក្រចំនួន ៤គ្រួសារ ដែលមានទីតាំងស្ថិតនៅភូមិអំរ៉ែ ឃុំព្រៃអំពក ស្រុកគិរីវង់ ខេត្តតាកែវ។

សាខាបេឡាជាតិសន្តិសុខសង្គម (ប.ស.ស.) ខេត្តតាកែវ បានរៀបចំសិក្ខាសាលាផ្សព្វផ្សាយស្តីពី «គោលការណ៍ បទប្បញ្ញត្តិច្បាប់ និងអត្ថប្រយោជន៍នៃរបបសន្តិសុខសង្គម» ក្រោមអធិបតីភាព លោក កឹម ចណ្ណារិទ្ធ ប្រធានសាខា ប.ស.ស. ខេត្តតាកែវ។

តាកែវ៖ នៅក្នុងឱកាសអញ្ជើញជាអធិបតីភាពក្នុង «កិច្ចប្រជុំពិភាក្សាការងារ រវាងក្រុមការងារថ្នាក់កណ្ដាល ជាមួយក្រុមការងារថ្នាក់ស្រុក ថ្នាក់ឃុំ និងថ្នាក់ភូមិ» ដែលរៀបចំធ្វើឡើងនៅទីស្នាក់ការគណបក្សឃុំរមេញ ស្រុកកោះអណ្ដែត កាលព្រឹកថ្ងៃអាទិត្យ ទី១៦ ខែសីហា ឆ្នាំ២០២៦ នេះ លោកស្រី ងួន សុម៉ាលី អនុប្រធានក្រុមការងារគណបក្សចុះមូលដ្ឋានស្រុកកោះអណ្ដែត និងជាប្រធានក្រុមការងារគណបក្សចុះមូលដ្ឋានឃុំរមេញ បានធ្វើការណែនាំទៅដល់ក្រុមការងារចុះមូលដ្ឋានឃុំរមេញ ត្រូវតែចុះឱ្យដល់ខ្នងផ្ទះរបស់បងប្អូនប្រជាពលរដ្ឋ ដើម្បីក្តាប់បញ្ហាប្រឈម សំណូមពរនានា ក៏ដូចជាដោះស្រាយកង្វល់របស់ពួកគាត់ ឱ្យទាន់ពេលវេលា និងឆាប់រហ័សថែមទៀត ។

តាកែវ៖ នារសៀលថ្ងៃអាទិត្យ ទី១៦ ខែសីហា ឆ្នាំ២០២៦ នេះ លោក ភួន ឈីម អភិបាល នៃគណៈអភិបាលស្រុកកោះអណ្ដែត និង លោក បេ ចន្ត្រា អនុប្រធានវិទ្យាស្ថាននៃបណ្ឌិតបច្ចេកវិទ្យាឌីជីថលកម្ពុជា និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំព្រៃខ្លា បានអញ្ជើញជាអធិបតីភាពរួមគ្នាក្នុង «វេទិកាផ្សព្វផ្សាយ និងពិគ្រោះយោបល់» (វេទិកាសាធារណៈ) របស់ក្រុមការងាររាជរដ្ឋាភិបាលចុះមូលដ្ឋានស្រុកកោះអណ្ដែត នៅទីបរិវេណវត្តព្រៃមេលង ស្ថិតក្នុងឃុំព្រៃខ្លា ស្រុកកោះអណ្ដែត ខេត្តតាកែវ ដោយមានការអញ្ជើញចូលរួមពីសំណាក់ លោក-លោកស្រី អភិបាលរងស្រុក, លោកអធិការរងនគរបាលស្រុក, លោកមេបញ្ជាការរងកងរាជអាវុធហត្ថស្រុក, ប្រធាន-អនុប្រធានការិយាល័យជំនាញជុំវិញស្រុក, អាជ្ញាធរឃុំ-ភូមិ, លោកគ្រូ-អ្នកគ្រូ ព្រមទាំងបងប្អូនប្រជាពលរដ្ឋក្នុងមូលដ្ឋានសរុបប្រមាណ ២៥០ នាក់។

រាជធានីភ្នំពេញ៖ នារសៀលថ្ងៃអាទិត្យ ទី១៦ ខែសីហា ឆ្នាំ២០២៦ នេះ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានដឹកនាំប្រតិភូថ្នាក់ដឹកនាំរដ្ឋបាលខេត្តតាកែវ ព្រមទាំងប្រធានមន្ទីរ-អង្គភាពជុំវិញខេត្ត អញ្ជើញចូលជួបសួរសុខទុក្ខ ឯកឧត្តម បណ្ឌិតសភាចារ្យ ច័ន្ទ សារុន អ្នកតំណាងរាស្ត្រមណ្ឌលខេត្តតាកែវ និងជាអតីតរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដែលកំពុងសម្រាកព្យាបាលជំងឺនៅមន្ទីរពេទ្យកាល់ម៉ែត រាជធានីភ្នំពេញ។

តាកែវ៖ នាព្រឹកថ្ងៃសៅរ៍ ទី១៥ ខែសីហា ឆ្នាំ២០២៦ នេះ លោក ងួន ឌីណា អភិបាល នៃគណៈអភិបាលស្រុកគិរីវង់ បានដឹកនាំក្រុមការងារអាជ្ញាធរមូលដ្ឋាន រួមមាន ក្រុមប្រឹក្សាឃុំព្រៃអំពក និងលោកមេភូមិអំរ៉ែ ចុះសហការរៀបចំជួសជុល កែលម្អ ព្រមទាំងដំឡើងបំពាក់បង្គោលអំពូលភ្លើងសូឡា និងកញ្ចក់សុវត្ថិភាពចរាចរណ៍ នៅតាមដងផ្លូវក្នុងមូលដ្ឋាន ដើម្បីការពារសុវត្ថិភាព និងកាត់បន្ថយគ្រោះថ្នាក់ចរាចរណ៍ជូនប្រជាពលរដ្ឋ។

តាកែវ៖ លោក សោ សុផល អភិបាលរង នៃគណៈអភិបាលក្រុងដូនកែវ តំណាង លោក ឌឹម គឹមសាន អភិបាលក្រុងដូនកែវ ថ្មីៗនេះ បានដឹកនាំមន្ត្រីការិយាល័យជំនាញពាក់ព័ន្ធ សហការជាមួយអាជ្ញាធរសង្កាត់រកាក្នុង ចុះសម្របសម្រួលចាក់ដីបើកផ្លូវថ្មីមួយខ្សែ មានទំហំទទឹង ៦ម៉ែត្រ និងប្រវែងបណ្តោយ ២០០ម៉ែត្រ ស្ថិតនៅក្នុងភូមិច្រេស សង្កាត់រកាក្នុង ក្រុងដូនកែវ ខេត្តតាកែវ។

តាកែវ៖ ឯកឧត្តម វ៉ី សំណាង អភិបាលខេត្តតាកែវ និងជាប្រធានគណ:កម្មាធិការគណបក្សខេត្ត បានធ្វើការណែនាំនិងក្រើនរំលឹកដល់មន្រ្តីគណបក្សថ្នាក់មូលដ្ឋានទាំងអស់ ឱ្យបន្តកិច្ចខិតខំប្រឹងប្រែងនិងយកចិត្តទុកដាក់ឱ្យបានខ្លាំងក្លាជាងមុនក្នុងការបម្រើប្រជាពលរដ្ឋនៅមូលដ្ឋាននិងធ្វើយ៉ាងណាឱ្យមានភាពស្និទ្ធស្នាលរវាងប្រជាពលរដ្ឋនិងមន្ត្រីគណបក្សរបស់យើង។

តាកែវ៖ នាព្រឹកថ្ងៃសៅរ៍ ទី១៥ ខែសីហា ឆ្នាំ២០២៦ នេះ លោក លីវ សំណាង ប្រធានមន្ទីរអភិវឌ្ឍន៍ជនបទខេត្តតាកែវ បានដឹកនាំក្រុមការងារបច្ចេកទេសមន្ទីរ ចុះសហការជាមួយក្រុមការងាររដ្ឋបាលស្រុកគិរីវង់ ដឹកនាំដោយលោក ងួន ឌីណា អភិបាលស្រុកគិរីវង់ ចុះពិនិត្យស្ថានភាពផ្លូវ សិក្សារៀបចំប្រព័ន្ធលូ និងជួសជុលកំណាត់ផ្លូវលេខ ១២៨ ត្រង់ចំណុចភូមិកំពង់ ឃុំព្រះបាទជាន់ជុំ ស្រុកគិរីវង់ ខេត្តតាកែវ។

តាកែវ៖ នាព្រឹកថ្ងៃអាទិត្យ ទី១៦ ខែសីហា ឆ្នាំ២០២៦ នេះ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ រួមជាមួយថ្នាក់ដឹកនាំមន្ទីរជំនាញពាក់ព័ន្ធ និងអាជ្ញាធរមូលដ្ឋាន បានអញ្ជើញចុះពិនិត្យដោយផ្ទាល់នូវស្ថានភាពស្រូវរដូវវស្សារបស់បងប្អូនប្រជាកសិករ ដែលកំពុងជួបប្រទះបញ្ហាប្រឈមនឹងគ្រោះរាំងស្ងួត ខ្វះខាតទឹកស្រោចស្រព នៅទីតាំងស្ថានីយបូមទឹកចំនួន ២កន្លែង (ស្ថានីយភូមិពន្សាំង និងស្ថានីយភូមិតាមៅ) ស្ថិតក្នុងឃុំជើងគួន ស្រុកសំរោង ខេត្តតាកែវ។

តាកែវ៖ នាព្រឹកថ្ងៃអាទិត្យ ទី១៦ ខែសីហា ឆ្នាំ២០២៦ នេះ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានសម្តែងនូវការទទួលស្វាគមន៍យ៉ាងកក់ក្តៅ និងអបអរសាទរយ៉ាងស្មោះស្ម័គ្រ ចំពោះក្រុមកីឡាករ កីឡាការិនី ជិះកង់ភ្នំពេញ-អង្គរបូរី ដែលដឹកនាំដោយ ឯកឧត្តម ហេង សុខចំរើន អនុរដ្ឋលេខាធិការក្រសួងទេសចរណ៍ ក្នុងឱកាសរៀបចំព្រឹត្តិការណ៍ «ជិះកង់ដើម្បីទេសចរណ៍បៃតងភ្នំដា និងការសិក្សាឆ្ពោះទៅកាន់ប្រាសាទភ្នំដា» ក្រោមប្រធានបទ «កីឡាក្នុងរដូវកាលបៃតង»។