ព័ត៌មានក្នុងខេត្ត

តាកែវ៖ នៅក្នុងឱកាសអញ្ជើញចុះជួបសំណេះសំណាល និងពង្រឹងរបៀបរបបការងារជាមួយអាជ្ញាធរ និងមន្ត្រីមូលដ្ឋានឃុំត្រពាំងក្រញូង ស្រុកត្រាំកក់ នារសៀលថ្ងៃចន្ទ ទី២៧ ខែកក្កដា ឆ្នាំ២០២៦ នេះ លោក ហ៊ត មនោ អភិបាលស្រុកត្រាំកក់ បានធ្វើការណែនាំទៅដល់អាជ្ញាធរមូលដ្ឋាន នៅពេលដែលប្រជាពលរដ្ឋ មកទទួលសេវាសាធារណៈ ត្រូវស្វាគមន៍ និងទទួលពួកគាត់យ៉ាងចិត្តទុកដាក់ ជាពិសេសត្រូវផ្តល់សេវាឱ្យបានលឿនរហ័ស ។

តាកែវ៖ នាព្រឹកថ្ងៃចន្ទ ទី២៧ ខែកក្កដា ឆ្នាំ២០២៦ នេះ លោកស្រី ចាន់ ធីដា អភិបាលរងក្រុងដូនកែវ អមដំណើរដោយលោកប្រធានការិយាល័យផែនការ និងគាំទ្រឃុំសង្កាត់ ព្រមទាំងក្រុមការងារជំនាញ បានអញ្ជើញចុះជួបសំណេះសំណាលជាមួយប្រជាពលរដ្ឋ និងចុះវាយតម្លៃការងារបញ្ចប់ការធានាគុណភាព ៦ខែ នៃគម្រោងសាងសង់ផ្លូវបេតុងអាមេ ដែលមានប្រវែងសរុប ១.៥៧៥ម៉ែត្រ ស្ថិតក្នុងភូមិចុងថ្នល់ ភូមិត្រពាំងលាក់ និងភូមិស្វាយឫស្សី សង្កាត់បារាយណ៍ ក្រុងដូនកែវ ខេត្តតាកែវ។

តាកែវ៖ ដើម្បីឆ្លើយតបបានទាន់ពេលវេលាចំពោះតម្រូវការទឹកស្រោចស្រពស្រូវរដូវវស្សារបស់ប្រជាកសិករ ថ្មីៗនេះ លោក កៅ វគ្គសែល អភិបាលស្រុកសំរោង បានដឹកនាំក្រុមការងារ មន្ត្រីជំនាញការិយាល័យកសិកម្ម ធនធានធម្មជាតិ និងបរិស្ថានស្រុក ព្រមទាំងលោកមេឃុំ និងសមាជិកក្រុមប្រឹក្សាឃុំពាក់ព័ន្ធ ចុះពិនិត្យស្ថានភាពទឹកជាក់ស្តែងនៅចំណុច «ធ្នោះតាគង់»។

តាកែវ៖ នាព្រឹកថ្ងៃទី២៦ ខែកក្កដា ឆ្នាំ២០២៦ លោក សាន ខុន ប្រធានក្រុមប្រឹក្សាស្រុក និងលោក អ៊ុំ ចំរើន អភិបាល នៃគណៈអភិបាលស្រុកទ្រាំង បានអញ្ជើញជាគណៈអធិបតីភាពដ៏ខ្ពង់ខ្ពស់ក្នុង ពិធីសម្ពោធដាក់ឱ្យប្រើប្រាស់បណ្ណាល័យបឋមសិក្សា និងសមិទ្ធផលនានា ក្នុងវត្តជីខ្មា ដែលស្ថិតនៅឃុំជីខ្មា ស្រុកទ្រាំង ខេត្តតាកែវ។

តាកែវ៖ ដើម្បីចូលរួមចំណែកសម្រាលទុក្ខធុរៈ និងលើកកម្ពស់ជីវភាពរស់នៅរបស់ប្រជាពលរដ្ឋ នាព្រឹកថ្ងៃសៅរ៍ ទី២៥ ខែកក្កដា ឆ្នាំ២០២៦ នេះ ឯកឧត្តមបណ្ឌិត សៀ សុភ័ក្ត្រ រដ្ឋលេខាធិការក្រសួងធម្មការ និងសាសនា និងលោក ហ៊ត មនោ អភិបាល នៃគណៈអភិបាលស្រុកត្រាំកក់ បានអញ្ជើញជាគណៈអធិបតីក្នុងពិធីចែកអំណោយសប្បុរសធម៌ជូនដល់ប្រជាពលរដ្ឋចំនួន ២៣០គ្រួសារ ស្ថិតនៅឃុំត្រពាំងធំខាងត្បូង ស្រុកត្រាំកក់ ខេត្តតាកែវ។

ខេត្តតាកែវ៖ លោក គិន ភក្តី អភិបាល នៃគណៈអភិបាលស្រុកព្រៃកប្បាស រួមជាមួយ លោក ស្វាយ ឧត្ថោ អភិបាលរងស្រុក ថ្មីៗនេះ បានអញ្ជើញចុះពិនិត្យមើលវឌ្ឍនភាពនៃការរៀបចំ និងការដំឡើងបង្គោលភ្លើងសូឡាបំភ្លឺតាមដងផ្លូវ នៅចំណុចទំនប់ទួលលលក ដែលជាតំបន់ព្រំប្រទល់រវាងស្រុកព្រៃកប្បាស និងស្រុកសំរោង ខេត្តតាកែវ។

តាកែវ៖ ដើម្បីរួមចំណែកពង្រឹងសន្តិសុខ សណ្តាប់ធ្នាប់សាធារណៈ និងទប់ស្កាត់គ្រឿងញៀនក្នុងគ្រឹះស្ថានសិក្សា នាថ្ងៃទី២៥ ខែកក្កដា ឆ្នាំ២០២៦ នេះ លោក កង អាណាន់ អភិបាលស្រុកអង្គរបូរី ព្រមទាំងលោកអភិបាលរងស្រុក ប្រធាន-អនុប្រធានការិយាល័យជុំវិញស្រុក និងកងកម្លាំងប្រដាប់អាវុធទាំង៣ ប្រភេទ បានអញ្ជើញចុះជួបសំណេះសំណាល និងផ្សព្វផ្សាយគោលនយោបាយ «ភូមិ-ឃុំ-សង្កាត់ មានសុវត្ថិភាព» ជូនដល់លោកគ្រូ អ្នកគ្រូ និងសិស្សានុសិស្ស នៅវិទ្យាល័យ ហ៊ុន សែន អង្គរបូរី។

តាកែវ៖ នាព្រឹកថ្ងៃទី២៤ ខែកក្កដា ឆ្នាំ២០២៦ នេះ ពិធីស្រោចស្រពសុគន្ធវារី និងប្រគល់ប្រកាសនីយបត្រចងព្រះហស្ត តែងតាំង ព្រះគ្រូរតនប្បវរ ថុង រី ឡើងជា «ព្រះអនុគណមហានិកាយ ស្រុកកោះអណ្ដែត» ត្រូវបានប្រារព្ធធ្វើឡើងយ៉ាងអធិកអធម និងប្រកបដោយសិរីសួស្តី ស្ថិតនៅវត្តព្រៃម្លូ ឃុំក្រពុំឈូក ស្រុកកោះអណ្ដែត ខេត្តតាកែវ។

ខេត្តតាកែវ៖ នៅព្រឹកថ្ងៃសៅរ៍ ទី២៥ ខែកក្កដា ឆ្នាំ២០២៦ យោងតាមការចង្អុលបង្ហាញ និងការណែនាំផ្ទាល់ពី លោក ឌឹម គឹមសាន អភិបាលក្រុងដូនកែវ និងជាប្រធានគណៈបញ្ជាការឯកភាពរដ្ឋបាលក្រុង រដ្ឋបាលក្រុងដូនកែវបានចាត់ឱ្យ លោក សោ សុផល អភិបាលរងក្រុង ដឹកនាំកម្លាំងការិយាល័យជំនាញ កងកម្លាំងនគរបាល និងក្រុមការងារសណ្តាប់ធ្នាប់ក្រុង ចុះអនុវត្តវិធានការច្បាប់យ៉ាងម៉ឺងម៉ាត់ ដោយបានផ្អាកសកម្មភាពសាងសង់ និងដកហូតសម្ភារៈជាងនៅទីតាំងសំណង់អនាធិបតេយ្យចំនួន ៤កន្លែង ស្ថិតក្នុងសង្កាត់រកាក្នុង ក្រុងដូនកែវ ខេត្តតាកែវ។

តាកែវ៖ ដើម្បីចូលរួមចំណែកកាត់បន្ថយផលប៉ះពាល់បរិស្ថាន និងលើកកម្ពស់បច្ចេកទេសកសិកម្មទំនើប នាថ្ងៃទី២៤ ខែកក្កដា ឆ្នាំ២០២៦ នេះ លោក ឈឹម ធី អភិបាលរងស្រុកអង្គរបូរី បានអញ្ជើញជួបសំណេះសំណាល និងពិភាក្សាការងារជាមួយក្រុមការងារគម្រោង BRIC នៃអង្គការ GIZ, អង្គការ VCAO, អង្គការសម្ព័ន្ធភាពដៃគូ ដើម្បីការអភិវឌ្ឍតាមបែបប្រជាធិបតេយ្យ (CPDD) និងតំណាងក្រុមហ៊ុន ThanksCarbon។

តាកែវ ៖ ដើម្បីលើកកម្ពស់សោភ័ណភាព បរិស្ថាន និងធានាបាននូវសុវត្ថិភាពចរាចរណ៍ជូនប្រជាពលរដ្ឋ នាថ្ងៃទី២៤ ខែកក្កដា ឆ្នាំ២០២៦ លោក សាយ វណ្ណៈ អភិបាល នៃគណៈអភិបាលស្រុកបាទី បានអញ្ជើញដឹកនាំលោកអភិបាលរង មន្ត្រីការិយាល័យជំនាញពាក់ព័ន្ធ និងអាជ្ញាធរឃុំចំបក់ ចុះរៀបចំ និងណែនាំដោយផ្ទាល់ដល់បងប្អូនអាជីវករ ព្រមទាំងម្ចាស់រោងចក្រ សហគ្រាស ឱ្យរៀបចំការតាំងលក់ដូរ និងរក្សាសណ្តាប់ធ្នាប់សាធារណៈនៅតាមបណ្តោយផ្លូវជាតិលេខ២ ស្ថិតក្នុងភូមិសាស្ត្រឃុំចំបក់ ស្រុកបាទី ខេត្តតាកែវ ។

តាកែវ៖ ដើម្បីបង្ហាញនូវការយកចិត្តទុកដាក់ខ្ពស់ សេចក្តីស្រឡាញ់ និងការដឹងគុណយ៉ាងជ្រាលជ្រៅចំពោះគុណបំណាច់របស់វីរកងទ័ពកម្ពុជា នារសៀលថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ នេះ លោក ភួន ឈីម អភិបាលស្រុកកោះអណ្តែត ព្រមទាំងសហការី បានអញ្ជើញ ចុះសួរសុខទុក្ខផ្ទាល់ដល់គេហដ្ឋាន ជូនចំពោះ ពលទោ លឹម គា ដែលជាយុទ្ធជនឈរជើងការពារទឹកដីនៅសមរភូមិមុខ តំបន់អូរស្មាច់ ខេត្តឧត្តរមានជ័យ។